ایاز صدیقی مصروفِ رنگ و بُو ہے سپاہِ ہوائے گل

[مہ جبین]

مصروفِ رنگ و بُو ہے سپاہِ ہوائے گل​

طیبہ کے خارو خس بھی ہیں پرچم کشائے گل​

​

مہکا بس ایک گل کی مہک سے مشامِ جاں ​

یوں تو ریاضِ دہر میں کیا کیا نہ آئے گل​

​

میں عندلیبِ گلشنِ خیرالانام ہوں​

صبحِ بہار سے ہوں بہار آشنائے گل​

​

دوری کا کرب لطفِ حضوری میں ڈھل گیا​

موجِ ہوائے گل ہوئی چہرہ کشائے گل​

​

آقا کی یاد خانہء دل میں ہے عطر بیز​

خوشبو کا راج ہے سرِ خلوت سرائے گل​

​

نقدِ غمِ حضور متاعِ حیات ہے​

گلزارِ شوق میں زرِ گل ہے بہائے گل ​

​

برسا بہار بن کے سحابِ کرم ایاز​

پہنی کلی کلی نے معطر قبائے گل​

​

ایاز صدیقی​

 

[عاطف بٹ]

سبحان اللہ، بہت خوب۔
جزاک اللہ خیرا خالہ جان

 

[سید زبیر]

دوری کا کرب لطفِ حضوری میں ڈھل گیا
موجِ ہوائے گل ہوئی چہرہ کشائے گل
سبحان اللہ ۔ ۔ اللہ کریم اجر عظیم عطا فرمائے

 

[مہ جبین]

دوری کا کرب لطفِ حضوری میں ڈھل گیا
موجِ ہوائے گل ہوئی چہرہ کشائے گل
سبحان اللہ ۔ ۔ اللہ کریم اجر عظیم عطا فرمائے

سر بہت شکریہ
نعتوں کی پسندیدگی کے لئے میں آپ کی بہت مشکور ہوں

جزاک اللہ