محمد تابش صدیقی
منتظم
مختلف افراد کے لیے اس کی مختلف وجوہات ہو سکتی ہیں۔اگر اجازت دیں تو ایک آدھ بات تجزیے کی عرض کروں۔ شاید ان حضرات میں توانائی زیادہ ہے سو رات کو جاگتے ہوں گے تاکہ محفل سنبھالیں، یا پھر کاروبار اور نوکری اسقدر جمی ہوگی کہ وقت خوب وافر ہو گا یا پھر وراثت میں ملنے والے کھیت، کرائے کے مکانوں سے تمام ضروریات پوری ہو جاتی ہوں گی۔ میرا خیال ہے کہ منتظمین اور مدیران کو اپنے شب و روز تحریر کرنے چاہیں تاکہ محفلین کو زندگی گزارنے کا وہ طریقہ پتہ چلے کہ جس سے یہ ذمہ داری سنبھالنا ممکن ہو۔
اپنا بتا سکتا ہوں کہ ایک تو زیادہ تر موبائل سے ہی محفل استعمال کرتا ہوں اور موبائل پر ہر وقت انٹرنیٹ کی سہولت میسر ہے۔
پرائیویٹ جاب کرتا ہوں جس میں کام کے ساتھ ساتھ ہلکی پھلکی نظر ڈالتا رہتا ہوں۔ البتہ باقی اوقات کی نسبت دفتر میں کم وقت ملتا ہے ۔
دفتر والوں کو کبھی کام میں کوتاہی کی شکایت نہ ہونے دی۔ الحمد للہ۔
میرا دفتر سے گھر کا یکطرفہ سفر 50 منٹ سے سوا گھنٹہ تک ہے۔ اس طرح دن کے دو گھنٹے سفر میں گزرتے ہیں، جو تقریباً محفل پر ہی گزرتے ہیں۔
گھر میں بھی کچھ صحت کے مسائل کی وجہ سے اضافی ایکٹویٹیز کافی کم ہو گئی ہیں۔ بچوں کے ساتھ کھیل کود میں محفل بھی چلتی رہتی ہے۔
