مہوش حیات کو تمغہ امتیاز دینے کے اعلان پر شوبز انڈسٹری حیران

[محمداحمد]

لاہور:
فلم اسٹار مہوش حیات کو تمغہ امتیاز دینے کے اعلان پر شوبز انڈسٹری سے وابستہ افراد نے حیرانی کا اظہار کیا ہے۔

فلم اسٹار مہوش حیات کو تمغہ امتیاز دینے کے اعلان پر شوبز انڈسٹری سے وابستہ افراد کی اکثریت نے جہاں حیرانی کا اظہار کیا ہے وہیں ملک کے سب سے بڑے سول ایوارڈ کو میرٹ سے ہٹ کر دینے کے فیصلے نے حکومت کی تبدیلی مہم کو بھی آڑے ہاتھوں لیا ہے۔ ایک طرف جہاں سول ایوارڈ کی جیوری پر سوالات اٹھائے جارہے ہیں وہیں مختصر عرصہ میں سوائے آئٹم سانگ، ٹی وی کمرشل اور چند ڈرامے کرنے کے علاوہ کوئی قابل زکر کام نہ کرنے والی اداکارہ کو سول ایوارڈ دینے کے اعلان نے ملک بھر کی فنکار برادری کو جھنجھوڑ کر رکھ دیا ہے۔

اس حوالے سے جہاں سوشل میڈیا پر وزیراعظم عمران خان سے شفاف اور انصاف کے نہ ہونے پر معاملے کا جائزہ لینے کی اپیل کی جارہی ہے وہیں کراچی سے تعلق رکھنے والی تحریک انصاف کے ایک اہم رہنما سے اداکارہ کے تعلقات کا بھی تذکرہ ہورہا ہے۔ سوشل میڈیا پر یہ سوال اٹھایا جارہا ہے کہ آخر مہوش حیات نے ایسی کون سی خدمات سرانجام دی ہیں جس کے لیے تمغہ امتیاز دینے کا اعلان کیا گیاہے۔

واضح رہے کہ اس بار یوم پاکستان کے موقع پر مختلف شعبوں میں نمایاں خدمات سرانجام دینے والی127 شخصیات کو سول ایوارڈ دینے کا اعلان کیا گیا ہے جن میں مہوش حیات بھی شامل ہیں۔

حوالہ

 

[محمد وارث]

صرف یہی نہیں بلکہ اوروں کو بھی یہ ایوارڈ روایتی اندھے کی ریوڑیوں کی طرح بانٹے گئے ہیں۔ ان ایوارڈز کی عزت تو خود مٹی میں ملا رہی ہے حکومت، افسوس صد افسوس۔

 

[محمداحمد]

صرف یہی نہیں بلکہ اوروں کو بھی یہ ایوارڈ روایتی اندھے کی ریوڑیوں کی طرح بانٹے گئے ہیں۔ ان ایوارڈز کی عزت تو خود مٹی میں ملا رہی ہے حکومت، افسوس صد افسوس۔

افسوس!

پی ٹی آئی والوں کو تو کم از کم میرٹ کو اہمیت دینا چاہیے۔

 

[جاسم محمد]

افسوس!

پی ٹی آئی والوں کو تو کم از کم میرٹ کو اہمیت دینا چاہیے۔

نئی حکومت میں میرٹ کو جی ایچ کیو اور پیرنیوں سے ری پلیس کر دیا گیا ہے۔ میرٹ کا جنازہ ہے۔ ذرا دھوم سے نکلے

 

[عبدالقیوم چوہدری]

کہ آخر مہوش حیات نے ایسی کون سی خدمات سرانجام دی ہیں جس کے لیے تمغہ امتیاز دینے کا اعلان کیا گیاہے۔

ہو سکتا ہے ’میجر‘ مہوش حیات ہوں اور خدمات سرکاری راز ہوں۔

 

[ابوعبید]

مجھے وہ لطیفہ یاد آ رہا ہے جب مولوی صاحب جمعے کی تقریر کے دوران سادگی کی مثالیں دے رہے تھے کہ میک اپ کرنے والی عورتوں کا انجام اچھا نہیں ہو گا ۔ لپ اسٹک لگانے والی عورتیں جنت میں نہیں جائیں گی تو ایک دیہاتی اونچی آواز میں کہنے لگا کہ مولوی صاحب وہ تو آپ کی زوجہ بھی لگاتی ہے ۔ جواب میں مولوی صاحب نے فرمایا کہ ۔۔

اوہدی گل نہ کر ۔۔ اوہنوں جچدی وی اے

ایسے ہی اک پری وش ( مہوش) کو ایوارڈ دینے کی معمولی سی بات کا بتنگڑ ہی بنا لیتے ہیں لوگ

 

[محمداحمد]

نئی حکومت میں میرٹ کو جی ایچ کیو اور پیرنیوں سے ری پلیس کر دیا گیا ہے۔ میرٹ کا جنازہ ہے۔ ذرا دھوم سے نکلے

آپ پی ٹی آئی کا مذاق اُڑاتے ہوئے بالکل اچھے نہیں لگتے۔

 

[محمداحمد]

ہو سکتا ہے ’میجر‘ مہوش حیات ہوں اور خدمات سرکاری راز ہوں۔

آپ کے تو سارے راستے "دلی" ہی جاتے ہیں۔

 

[محمد وارث]

ہو سکتا ہے ’میجر‘ مہوش حیات ہوں اور خدمات سرکاری راز ہوں۔

سرکاری راز کو سرکاری ہی رہنے دیتے یہ غیرت مند، انہوں نے تو سب کچھ "عوامی" ہی کردیا!

 

[محمداحمد]

مجھے وہ لطیفہ یاد آ رہا ہے جب مولوی صاحب جمعے کی تقریر کے دوران سادگی کی مثالیں دے رہے تھے کہ میک اپ کرنے والی عورتوں کا انجام اچھا نہیں ہو گا ۔ لپ اسٹک لگانے والی عورتیں جنت میں نہیں جائیں گی تو ایک دیہاتی اونچی آواز میں کہنے لگا کہ مولوی صاحب وہ تو آپ کی زوجہ بھی لگاتی ہے ۔ جواب میں مولوی صاحب نے فرمایا کہ ۔۔

اوہدی گل نہ کر ۔۔ اوہنوں جچدی وی اے

ایسے ہی اک پری وش ( مہوش) کو ایوارڈ دینے کی معمولی سی بات کا بتنگڑ ہی بنا لیتے ہیں لوگ

ہاہاہاہا۔۔۔!

تسی وی نا۔

 

[محمد وارث]

نئی حکومت میں میرٹ کو جی ایچ کیو اور پیرنیوں سے ری پلیس کر دیا گیا ہے۔ میرٹ کا جنازہ ہے۔ ذرا دھوم سے نکلے

اس حساب سے "بابا کوڈا" کا بھی پرائڈ آف پرفارمنس تو بنتا ہے۔

 

[محمداحمد]

اس حساب سے "بابا کوڈا" کا بھی پرائڈ آف پرفارمنس تو بنتا ہے۔

ان کی محنت اپنی جگہ ہے۔

 

[جاسم محمد]

آپ پی ٹی آئی کا مذاق اُڑاتے ہوئے بالکل اچھے نہیں لگتے۔

پی ٹی آئی دو دھاری تلوار ہے۔ یہ ایک ساتھ حکومت اور اپوزیشن لرنے کی غیر معمولی صلاحیت رکھتی ہے۔ اسی لئے تو اصلی اپوزیشن کی دال نہیں گل رہی

 

[محمد وارث]

ان کی محنت اپنی جگہ ہے۔

"محنت" ہی معیار ہے تو بیچارے گدھوں کا کیا قصور ہے، دے دیں سب کو تمغہ و ہلال امتیاز و غیر امتیاز۔

 

[جاسم محمد]

اس حساب سے "بابا کوڈا" کا بھی پرائڈ آف پرفارمنس تو بنتا ہے۔

ارشد شریف اور آصف غفور کی ملی بھگت بھول گئے؟ مہوش حیات کو بھی اسی تناظر میں دیکھا جائے

 

[عبدالقیوم چوہدری]

آپ کے تو سارے راستے "دلی" ہی جاتے ہیں۔

کوئی دلی جب دل میں بس گئی ہو تو سب رستے اسی طرف جا نکلتے ہیں۔ آپ تو شاعر ہیں، خوب جانتے ہوں گے۔

 

[عبدالقیوم چوہدری]

سرکاری راز کو سرکاری ہی رہنے دیتے یہ غیرت مند، انہوں نے تو سب کچھ "عوامی" ہی کردیا!

کبھی نا کبھی راز سے پردہ اٹھنا ہی ہوتا ہے، نا اعلان ہوتا، نا شور ڈلتا، نا راز کُھلتا۔

 

[جاسم محمد]

"محنت" ہی معیار ہے تو بیچارے گدھوں کا کیا قصور ہے، دے دیں سب کو تمغہ و ہلال امتیاز و غیر امتیاز۔

ویسے اس بار کی “سلیکشن” سے تو یہی لگ رہا ہے کہ تمغہ امتیاز بلا امتیاز دیا جا رہا ہے

 

[زیک]

پی ٹی آئی والوں کو تو کم از کم میرٹ کو اہمیت دینا چاہیے۔

پرمزاح

 

[عبدالقیوم چوہدری]

ارشد شریف اور آصف غفور کی ملی بھگت بھول گئے؟ مہوش حیات کو بھی اسی تناظر میں دیکھا جائے

اس تناظر و ملی بھگت میں دوسرا کون ہے بھلا ؟