میمٓ-ب
محفلین
سب محفلین کی خدمت میں سلام پیش کرتا ہوں۔ میرا نام منیب ہے میرا تعلق شہر اقبال یعنی سیالکوٹ سے ہے۔ میں اس فورم پر نیا ہوں۔ دراصل اردو کا ذوق وشوق ہی مجھے یہاں لے آیا ہے۔ یوں تو انسان کا بطورطالب علم، کا دور کبھی ختم نہیں ہوتا لیکن میرا یوں سمجھیے ابھی شروع بھی نہیں ہوا۔ بہرحال میں ایک سٹوڈنٹ ہوں اور ابھی ایف ایس سی کی ہے۔میری عمر ١٩ سال ہے۔ اپنے ہم عصروں کی نسبت مجھے اردو نہ صرف پسند ہے بلکہ میرا پسندیدہ مضمون بھی ہے۔ میں جب بھی اپنی پسند کا اظہار کسی سے کرتا ہوں تو سب کا منفی ردِ عمل ہی آتا ہے۔ اکثریت کے مطابق اردو کو صرف بول چال تک محدود رکھنا چاہیے یہ اب "پرانے لوگوں" کی زبان ہے جس کا ماڈرن دور میں کوئی حصہ ہی نہیں۔ اس بات سے نہ صرف میں اختلاف کرتا ہوں بلکہ ایسا سوچنے والوں سے بھی دور رہتا ہوں حال ہی میں میں نے اپنے پرانے دوست سے قطع تعلق کردیا ہے جو مجھے اردو پر طنز کرتا تھا اور انگریزی کو ہی ماڈرن دنیا کی واحد کارآمد زبان سمجھتا تھا۔ میں انگریزی لے خلاف نہیں ہوں بلکہ میں سمجھتا ہوں وہ سیکھنا بھی ضروری ہے کم از کم پاکستان جیسی سوسائٹی میں لیکن اس کو نہ سیکھنے والا کسی طور پر "پینڈو" نہیں ہوتا۔ اردو میری ذبان ہی نہیں میری پہچان بھی ہے۔ اس پر مجھے گمان نہیں کامل یقین ہے۔ یہ سب بتانے کا مقصد صرف اردو سے میری محبت اور عقیدت ہے۔ امید ہے آپ میرے لکھے ہوئے اشعار کی اصلاح بھی کریں گے اور اپنی قیمتی رائے بھی دیں گے۔
شکریہ
شکریہ
