تعارف میرزا یوسف ہے غالب، یوسف ثانی مجھے!

[شمشاد]

جناب آپ جھلک دکھلا کر کہاں رہ گئے؟ واپس آ جائیں آپ کو کچھ نہیں کہا جائے گا۔

 

[یوسف-2]

لیجیے یہاں بھی آپ کو خوش آمدید کہتے ہیں۔

اپنے مضامین شریک محفل کریں کہ ہم بھی استفادہ کر سکیں۔

لیجئے، ہم آپ کا بھی شکریہ ادا کئے دیتے ہیں ۔ ہا ہا ہا

ویسے اب مجھے ان پیج ٹیکسٹ کو یونی کوڈ میں تبدیل کرنے کا ہنر آگیا ہے۔ لہٰذا اب میں وقتا" فوقتا" اپنے تحریری خزانے سے کچھ نہ کچھ پیش کرتا رہوں گا

 

[یوسف-2]

جناب آپ جھلک دکھلا کر کہاں رہ گئے؟ واپس آ جائیں آپ کو کچھ نہیں کہا جائے گا۔

یہ لیجئے، ہم آپ کی "ضمانت" پر واپس آگئے ہیں۔ اگر کسی نے کچھ (بھی) کہا تو ذمہ دار آپ ہی ہوں گے (ہا ہا ہا )

 

[شمشاد]

دوبارہ سے خوش آمدید کہے دیتے ہیں۔ (اپنے پلے سے کیا جاتا ہے۔ ہاہاہاہا)

ماشاء اللہ آپ کے پاس تو مضامین کے خزانے ہیں اور اب تو کتابوں کی بھی رونمائی ہو رہی ہے۔ اردو محفل کو آپ کے خزانوں سے کافی امید ہے۔

 

[یوسف-2]

لیجیے یہاں بھی آپ کو خوش آمدید کہتے ہیں۔

اپنے مضامین شریک محفل کریں کہ ہم بھی استفادہ کر سکیں۔

ایک دو دھاگے پیش کئے تو ہیں، اب پتہ نہیں استفادہ کے قابل ہیں بھی یا نہیں

 

[شمشاد]

بالکل استفادہ ہو رہا ہے جناب اور آپ کی مزید تحریروں کا انتظار رہتا ہے۔

 

[یوسف-2]

 

[شمشاد]

ماشاء اللہ ماشاء اللہ یوسف بھائی

اگر ان کتابوں کا کہیں تعارف ہو چکا ہے تو وہ بھی شریک محفل کریں، ورنہ پوری پوری کتاب کہاں سے ملے گی؟

 

[یوسف-2]

پیغام قرآن و حدیث، تبصرہ و تجزیہ​

پروفیسر ڈاکٹر وقاراحمد زبیری: یوسف ثانی کو اللہ نے ایسا مفید کام کرنے کی توفیق عطا کی ہے جو بہت سے فیوض و برکات کا سبب ہے ۔
مفتی محمد ابراہیم حنیف: پیغامِ قرآن کا متن، قرآن مجید کا ایک عمدہ با محاورہ اردو مفہوم ہے اور یہ فہمِ قرآن کا بہترین ذریعہ ہے۔ عربی زبان سے ناواقف لوگوںکے لےے پیغامِ قرآن ایک عمدہ کتاب ہے۔ (٢٥ جون ٢٠٠٩ء) مدرسوں اور معلمین تک رسائی نہ رکھنے والوں کے لئے پیغامِ حدیث ایک عمدہ کتاب ہے ۔ فاضل مصنف نے فنی مباحث سے کنارہ کرکے آسان اور عام فہم الفاظ میں قوم کی خدمت کی ہے۔(۷ فروری ٢٠١٠ء)
روزنامہ جنگ کراچی:آیاتِ قرآنی کی تعلیمات کوجب تک سمجھا نہیں جائے گا، اس وقت تک ہدایاتِ ربانی پر صحیح طور پرعمل کرنامشکل ہے۔ پیغامِ قرآن اس سلسلہ کی ایک اچھی کوشش ہے۔(١٥مارچ ٢٠٠٩ء)۔احکاماتِ الٰہی کی تفسیر و تفہیم کے لےے احادیث کا مطالعہ انتہائی ضروری ہے۔ مؤلف نے بخاری شریف کے کتب اور ابواب میں موجوداحادیث کی ترتیب میں کوئی تبدیلی کئے بغیر غیر ضروری تفاصیل اور مکرر احادیث کو بھی حذف کردیاگیا ہے۔ (۱۱ستمبر ٢٠١٠؁ء)
نوائے وقت، کراچی: موضوعاتی درجہ بندی پر مبنی اردو میں اپنی نوعیت کی پہلی کتاب ہے۔ پیغامِ قرآن کے تیس پاروں کے بالترتیب آیاتِ قرآنی کے بلا تشریح و بامحاورہ اردو مفہوم کو ذیلی عنوانات اور فہرستِ مضامین کی اضافی خوبیوں کے ساتھ مرتب کیا گیاہے۔ (٢٧ دسمبر ٢٠٠٨ ء)
اردو ڈائجسٹ لاہور: جو لوگ فہم قرآن سے دلچسپی رکھتے ہیں، ان کے لےے یہ ایک خاص تحفہ ہے۔بالترتیب آیات کی موضوعاتی درجہ بندی کے ساتھ یہ پیغام اپنے آپ کو منوالیتا ہے۔ ہر ترجمہ کا ایک مؤثر اور معنی آفرین ذیلی عنوان ہے، جس کے تحت مطلوبہ معلومات حاصل کی جاسکتی ہیں۔(فروری ٢٠٠٩ ء) صحیح بخاری کسی مخصوص طبقے نے نہیں بلکہ ہر مکتبہ فکر کے جید عرب علما، محدثین اورمفسرین نے قرآن کے بعد اصح الکتاب کا درجہ دیا ہے۔ پیغامِ حدیث ایک اچھی کوشش ہے۔کوئی چاہنے والا ہو تو اسے اس کتاب سے بہت کچھ مل سکتا ہے۔ (اکتوبر ٢٠١٠ ء)
سیارہ ڈائجسٹ لاہور: پیغامِ قرآن میں قرآنی آیات کی ترتیب کو تبدیل کئے بغیر روایتی کتاب کی طرح پیراگراف، عنوانات اور انڈیکس کو متعارف کرایا گیا ہے تاکہ قارئین دوران مطالعہ اجنبیت محسوس کئے بغیرپیغامِ قرآن کو بھی اسی سہولت کے ساتھ پڑھ سکیں جس کے وہ عام مطالعہ کے دوران عادی ہیں۔(جون ٢٠١٠ ء)
ترجمان القرآن، لاہور: زیر نظر کتاب میں بخاری کی مکرر احادیث کو چھوڑ کر احادیث کا مفہومی ترجمہ پیش کیا گیا ہے۔ مؤلف نے اتنی بڑی فنی کتاب کے مفہوم کو عام لوگوں تک پہنچانے کے لئے بڑی محنت اور اپنی حد تک کتاب کو عام فہم بنانے کی پوری سعی کی ہے۔ (نومبر ٢٠١٠ ء)
روزنامہ جسارت کراچی: یوسف ثانی انشائیہ نگار، کالم نویس، مصنف اور مؤلف کی حیثیت سے معروف ہیں۔ پیغامِ قرآن دراصل جدید تعلیم یافتہ مگر عربی زبان سے نابلد اردو داں طبقہ کو براہِ راست قرآن کے مطالعہ کی طرف راغب کرنے کی ایک کاوش ہے تاکہ وہ اسلام کے پیغام سے باخبر ہوسکیں۔(٢٨ جون ٢٠٠٩ ء)

 

[شمشاد]

ماشاء اللہ یوسف بھائی

اللہ کرئے زور قلم اور زیادہ۔

 

[یوسف-2]

ماشاء اللہ ماشاء اللہ یوسف بھائی

اگر ان کتابوں کا کہیں تعارف ہو چکا ہے تو وہ بھی شریک محفل کریں، ورنہ پوری پوری کتاب کہاں سے ملے گی؟

تقریبا" تمام کتابوں کے تعارف قومی روزناموں جنگ، ایکسپریس،جسارت، اردو ڈائجسٹ وغیرہ میں کئی مرتبہ ہوچکا ہے۔ اس وقت اسٹاک میں صرف ’’پیغام قرآن و حدیث ‘‘ (پیغام قرآن اور پیغام حدیث کا مشترکہ ایڈیشن ) اور سندھی ’’قرآن جو پیغام‘‘ موجود ہے۔ کراچی میں سنڈے بک بازار، ویلکم بک پورٹ اور اقبال بک ہاؤس صدر کے علاوہ پیغام قرآن ڈاٹ کام، ڈیفنس اتھارٹی سے بھی دستیاب ہے۔

 

[شمشاد]

لیجئے، ہم آپ کا بھی شکریہ ادا کئے دیتے ہیں ۔ ہا ہا ہا

ویسے اب مجھے ان پیج ٹیکسٹ کو یونی کوڈ میں تبدیل کرنے کا ہنر آگیا ہے۔ لہٰذا اب میں وقتا" فوقتا" اپنے تحریری خزانے سے کچھ نہ کچھ پیش کرتا رہوں گا

یہ ہنر آپ نے سیکھ تو لیا، لیکن استعمال کہاں ہو رہا ہے؟

 

[یوسف-2]

یہ ہنر آپ نے سیکھ تو لیا، لیکن استعمال کہاں ہو رہا ہے؟

بہت اچھا سوال ہے۔ کاش اس سوال کا میرے پاس کوئی اچھا ساجواب بھی ہوتا
اصل میں اب فورمز کو زیادہ تر پیغام قرآن و حدیث کے ابلاغ عامہ کے لئے استعمال کر رہا ہوں۔ کوئی نئی تحریر لکھی نہیں جارہی۔پرانی جو تحریریں ہیں، ان کی کمپوزنگ موجود نہیں۔ لہٰذا ان کے تصویری عکس ہی دستیاب ہیں۔ یہاں سے ان پیج ٹو یونی کوڈ کنورژن سیکھنے کے بعد بہت سے فورمز میں قرآن و حدیث کے پیغامات کو پیش کر رہاہوں تاکہ زیادہ سے زیادہ لوگوں تک یہ پیغام پہنچ سکے۔ آپ یہ جان کر یقینا" خوش ہوں گے کہ ’’پیغام قرآن و حدیث‘‘ کی تقریب رونمائی یعنی سال گزشتہ کے وسط تک ہماری ویب کی کل وزٹس (تین سالوں میں) دس ہزار سے زائد نہ تھی، جو اس وقت 75 ہزار سے زائد ہوچکی ہے۔ اس کارِ خیر اور اس کے اجر میں( یونی کوڈ سکھلانے کے سبب) اردو محفل اور اس کے ساتھی بھی شریک ہیں۔

نیٹ فورمز میں کھیل کود کافی کرلیا ہے اور زیادہ تر رومن اردو میں، تب فورمز میں اردو لکھنے کی سہولت دستیاب نہ تھی۔ اب جبکہ سہولت موجود ہے تو کھیل کود سے دل بھر گیا ہے۔ دعا کیجئے کہ اللہ کے حضور پیشی سے قبل پیغام قرآن و حدیث کے تین زبانوں میں تمام پروجیکٹس مکمل کرکے اسے کسی ایسے ٹرسٹ کے حوالہ کر جاؤں جو اسے سالانہ شائع کرت رہیں شاید اس طرح اُخروی نجات کا کوئی ذریعہ بن سکے۔

ان شاء اللہ کوئی نئی تحریر لکھنے کا موقع ملا تو اسے اردو محفل میں ضرور شیئر کروں گا۔
والسلام

 

[شمشاد]

جزاک اللہ یوسف بھائی۔

اللہ تعالٰی سے دعا ہے کہ آپ کو اس کا بہت سا اجر دے۔

پرانی جو تحریریں ہیں اور جن کی کمپوزنگ موجود نہیں، یقیناً وہ بھی بہت ہی اچھی تحریر ہوں گی۔ ان کو تصویری عکس میں ہماری اردو محفل کی لائبریری کے حوالے کر دیں۔ پھر دیکھیں کتنی جلدی وہ کمپوز ہو کر اس محفل کی زینت بن جائیں گی۔

 

[یوسف-2]

جزاک اللہ یوسف بھائی۔

اللہ تعالٰی سے دعا ہے کہ آپ کو اس کا بہت سا اجر دے۔

پرانی جو تحریریں ہیں اور جن کی کمپوزنگ موجود نہیں، یقیناً وہ بھی بہت ہی اچھی تحریر ہوں گی۔ ان کو تصویری عکس میں ہماری اردو محفل کی لائبریری کے حوالے کر دیں۔ پھر دیکھیں کتنی جلدی وہ کمپوز ہو کر اس محفل کی زینت بن جائیں گی۔

ماشا ء اللہ ۔ "آفر" تو بہت اچھی ہے۔اب میں انشا ء اللہ انہیں اسکین کرکےحوالہ محفل کرتا ہوں۔ لیکن تحریر کے ’’اچھی‘‘ ہونے کی کوئ ضمانت نہیں

 

[شمشاد]

جناب آپ کی چند ایک تصویری تحریریں میں نے اتار لی ہیں۔ ان شاء اللہ جلد ہی ان کو اردو میں پوسٹ کر دوں گا۔

 

[چھوٹاغالبؔ]

لیجئے، ہم آپ کا بھی شکریہ ادا کئے دیتے ہیں ۔ ہا ہا ہا

ویسے اب مجھے ان پیج ٹیکسٹ کو یونی کوڈ میں تبدیل کرنے کا ہنر آگیا ہے۔ لہٰذا اب میں وقتا" فوقتا" اپنے تحریری خزانے سے کچھ نہ کچھ پیش کرتا رہوں گا

یہ ہنر مجھے بھی سکھائیں استاد جی، کتنے دن سے آپ کی ٹانگیں دبا دبا کر میری اپنی ٹانگیں دکھنے لگی ہیں

 

[چھوٹاغالبؔ]

میری کیفیت اس تعارف کو پڑھنے کے بعد

1:۔ ساری کی ساری بے تکلفی جھاگ کی طرح بیٹھ گئی، اور "معتقدِ میر" ہونے کا بھی پکا عزم کر لیا ہے دل میں

2:۔ میں سمجھا تھا کہ آپ مجھ سے زیادہ سے زیادہ 7 یا 8 سال بڑے ہونگے، مگر آپ نے تو حد کر دی، ایسی بھی کیا جلدی؟؟

3:۔ اب میں وہ تمام مراسلے ڈھونڈ ڈھونڈ کر ایڈٹ کرنے کا سوچ رہا ہوں جہاں میں آپ سے بے تکلفی سے پیش آیا

4:۔ سچ مچ بہت مزا آیا، بلکہ فخر سا ہوا کہ یہ "چنگاری" بھی یارب اپنے خاکستر میں تھی

5:۔ اس فتنہ خو کے در سے اب اٹھتے نہیں اسدؔ ۔۔۔۔ بس اب میں شاگرد ہو کر ہی جان چھوڑوں کا آپ کی

 

[یوسف-2]

یہ ہنر مجھے بھی سکھائیں استاد جی، کتنے دن سے آپ کی ٹانگیں دبا دبا کر میری اپنی ٹانگیں دکھنے لگی ہیں

کیا کسی اور کی ٹانگوں کو میری ٹانگیں سمجھ کر دباتے رہے ہو۔ میری ٹانگوں کا درد تو ہنوز چچا غالب جیسا ہی ہے۔ لگتا ہے جوابا" تمہاری ’اُجرات‘ دبانی پڑے گی، تب شاید کچھ افاقہ ہو

 

[یوسف-2]

میری کیفیت اس تعارف کو پڑھنے کے بعد

1:۔ ساری کی ساری بے تکلفی جھاگ کی طرح بیٹھ گئی، اور "معتقدِ میر" ہونے کا بھی پکا عزم کر لیا ہے دل میں
آپ کی بے تکلفی تو آپ کی ’’اپنائیت‘‘ کا ثبوت ہے۔ اسے بیٹھنے مت دینا ورنہ پھر ’’اجنبیت‘‘ اُٹھ کھڑی ہوگی

2:۔ میں سمجھا تھا کہ آپ مجھ سے زیادہ سے زیادہ 7 یا 8 سال بڑے ہونگے، مگر آپ نے تو حد کر دی، ایسی بھی کیا جلدی؟؟

اماں عمر بڑھنے سے بھی کبھی کوئی ’’بڑا‘‘ ہوا ہے۔ غالبیات میں تو آپ مجھ سے کم سے کم 70 یا 80 سال بڑے ہوں گے۔

3:۔ اب میں وہ تمام مراسلے ڈھونڈ ڈھونڈ کر ایڈٹ کرنے کا سوچ رہا ہوں جہاں میں آپ سے بے تکلفی سے پیش آیا
گویا اب آپ کا ’’اپنائیت کی دیوار‘‘ کو ڈھانے کا ارادہ ہے۔ مسجد ڈھا دے، مندر ڈھا دے ، ڈھا دے جو کچھ ڈھیندا اے + پر کسے دا دل نہ ڈھاویں، دل وچ رب رہیندا اے
(نقل شعر میں ہر قسم کی غلطی مجھ سمیت ہر مزاح نگار پر جائز ہے )

4:۔ سچ مچ بہت مزا آیا، بلکہ فخر سا ہوا کہ یہ "چنگاری" بھی یارب اپنے خاکستر میں تھی
چنگاری کسے کہا آپ نے ۔ روئے سخن اگر میری طرف ہو تو (میرا ہی) رو سیاہ (ہوا نا!)

5:۔ اس فتنہ خو کے در سے اب اٹھتے نہیں اسدؔ ۔۔۔ ۔ بس اب میں شاگرد ہو کر ہی جان چھوڑوں کا آپ کی
یعنی کہ اب جان لے کر ہی چھوڑو گے لیکن پھر بچے گا کیا، جسے چھوڑوگے

سچی بات تو یہ ہے کہ آپ کی تحریریں پڑھ کر اور آپ سے مکالمہ کرکے بہت لطف آتا ہے حالانکہ اب تو آوازوں کی دنیا جمع کرنے والے لطف اللہ خان بھی چل بسے ۔ ہماری دعا ہے کہ آپ (اپنے خرچہ پر ) سدا خوش رہیں۔ غالب کی شاعری میں بے شک جئیں مگر اللہ نہ کرے کہ غالب کی سی زندگی جئیں۔ آمین