تاسف میری امی

[آوازِ دوست]

انا للہ وانا الیہ راجعون۔ اللہ کریم والدہ مرحومہ کے درجات میں اضافہ فرمائے اور آپ سمیت تمام لواحقین کو صبرِجمیل عطا فرمائے۔

 

[حسان خان]

انا للہ وانا الیہ راجعون!

 

[انیسہ ظفر]

گو کہ میں ظاہر نہیں کرتا لیکن حقیقت یہ ہے کہ مجھے ہمیشہ لاشوں سے ڈر لگتا ہے، مجھے ان کے قریب جاتے ہوئے اندر کہیں خوف سا محسوس ہوتا ہے کہ کہیں یہ ہلنے جلنے نہ لگیں، کہیں آنکھیں کھول کے مجھے دیکھنے نہ لگ جائیں، کہیں یہ اٹھ نہ جائیں، کہیں ہاتھ بڑھا کر مجھے پکڑ نہ لیں۔۔۔
لیکن اس لاش سے مجھے ڈر نہیں لگ رہا تھا، میں اسے بے تحاشا چوم رہا تھا، اس کے ساتھ لپٹ کر آنکھیں بند کیے لیٹا ہوا تھا اور مجھے ڈر کی بجائے بے پناہ سکون مل رہا تھا اتنا سکون کہ مجھے نیند آنے لگی۔ میرا بے انتہا جی چاہ رہا تھا کہ کاش یہ ہلنے جلنے لگے، کاش یہ آنکھیں کھول کے مجھے دیکھے، کاش یہ اٹھ کر بیٹھ جائے، کاش یہ ہاتھ بڑھا کر مجھے پکڑ لے، مجھے بھی اپنے ساتھ اسی طرح زور سے چمٹا لے جیسے میں نے اسے چمٹا رکھا ہے لیکن ایسا کچھ بھی نہیں ہوا۔
میں تو اس لاش کے کان میں سرگوشیاں بھی کر رہا تھا کہ امی جی! آنکھیں تو کھولیں، ہوں ہاں ہی کر دیں، میں آپ کا بیٹا ہوں، بہت پیار کرتا ہوں آپ سے۔۔۔ مجھ سے ناراض ہیں کیا؟ بہت شدت سے دل کر رہا تھا کہ وہی پیار سے بھری آواز آئے "فاتح بیٹے!" لیکن انہوں نے کوئی جواب ہی نہیں دیا۔ چپ ہی سادھ لی۔۔۔ ہمیشہ کے لیے۔
ان کی موجودگی میں یہ احساس ہی نہیں ہوا کہ یہ سایہ کتنا گھنا کتنا آرام دہ ہے جو ہمیں میسر ہے۔۔۔ آج ان کا سایہ اٹھنے کے بعد جب جھلسا دینے والی دھوپ جلائے دے رہی ہے تو یہ حقیقت کھلی کہ کیا کھو دیا ہے ہم نے۔۔۔
وہ وجود جس نے کمزور ہو کر بھی ہم سب بہن بھائیوں اور ابو کو بے حد مضبوطی سے اپنے سائے میں چھپا رکھا تھا ، آج خود مٹی میں چھپ گیا ہے۔

السلام و علیکم
بیشک جو ذی نفس دنیا میں آیا ھے اس واپس جانا ھے اور صرف اللہ کی پاک ذات ھی باقی رھنے والی ھے ۔۔
اللہ سے دعا ھےکہ وہ فاتح بھائ کی والدہ کو جنت میں اعلی مقام عطا کرے ۔۔اور ان کو اور سب گھر والوں کو صبر ِ جمیل عطا کرے آمین ۔۔
دکھ بہت بڑا ھے اور میرے الفاظ بہت چھوٹے ۔۔۔

 

[امجد میانداد]

انا للہ و انا الیہ راجعون
اللہ پاک مغفرت فرمائیں اور آپ کو اور آپ کے تمام اہلِ خانہ کو صبرِ جمیل عطا فرمائیں۔ آمین۔