داغ میرے دل کو دیکھ کر، میری وفا کو دیکھ کر - داغ دہلوی

[کاشفی]

غزل
(داغ دہلوی رحمتہ اللہ علیہ)

میرے دل کو دیکھ کر، میری وفا کو دیکھ کر
بندہ پرور منصفی کرنا، خدا کو دیکھ کر

ہم اِنہی آنکھوں سے دیکھیں گے ترا حسن و جمال
گر یہی آنکھیں رہیں ا پنی ، خدا کو دیکھ کر

اب تو دیکھا تم نے اپنے داد خواہوں کا ہجوم
اب تو آنکھیں کھُل گئیں روزِ جزا کو دیکھ کر

حضرتِ زاہد ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر

ہم مٹے جس پر، تری بے ساختہ وہ بات تھی
تو بھی عاشق ہو ہی جاتا اُس ادا کو دیکھ کر

غیر نے مہندی لگائی اُس کے ہاتھو ں میں جو داغ
خون آنکھوں میں اُتر آیا حنا کو دیکھ کر​

 

[فرخ منظور]

واہ واہ! کیا شعر ہے۔
حضرتِ زاہد ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر

بہت شکریہ کاشفی صاحب! مزا آ گیا۔

 

[کاشفی]

واہ واہ! کیا شعر ہے۔
حضرتِ زاہد ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر

بہت شکریہ کاشفی صاحب! مزا آ گیا۔

شکریہ جناب سخنور صاحب۔۔جیتے رہیں۔۔خوش رہیں۔

 

[محمد وارث]

خوبصورت غزل ہے، شکریہ کاشفی صاحب شیئر کرنے کیلیے۔

 

[فرخ منظور]

اتفاق سے آج اس مصرعے پر غور کیا۔ انہیں کی جگہ "انہی" ہونا چاہیے۔ کاشفی صاحب ہو سکے تو اسے درست کر دیجیے۔
ہم اِنہیں آنکھوں سے دیکھیں گے ترا حسن و جمال

 

[جیہ]

مجھے تو ئی غزل پسند نہیں آئی

 

[فرخ منظور]

مجھے تو ئی غزل پسند نہیں آئی

غالب کے اثر سے نکلنا بہت مشکل کام ہے۔ غالب کے اثر سے نکلنے کے لئے مدتیں درکار ہیں۔

 

[ابوعثمان]

لیکن ایک بار جسے داغ کا اثر چڑھ جائے تو غالب کا تو اتر سکتا ہے پر داغ کا نہیں۔

 

[جیہ]

جس دن غالب کا اثر اتر گیا ، وہ میری زندگی کا آخری دن ہوگا ان شاء اللہ

ابو عثمان بھائی کے دعوے پر میں اور کیا کہہ سکتی سوائے اس کے کہ

ناطقہ سر بگریباں ہے اسے کیا کہیئے

 

[فرخ منظور]

لیکن ایک بار جسے داغ کا اثر چڑھ جائے تو غالب کا تو اتر سکتا ہے پر داغ کا نہیں۔

داغ کے بارے میں غالب کا ایک شعر۔
داغِ فراقِ صحبت شب کی جلی ہوئی
اک شمع رہ گئی ہے سو وہ بھی خموش ہے

داغ کے لئے ایریل ہے نا۔

 

[جیہ]

 

[کاشفی]

خوبصورت غزل ہے، شکریہ کاشفی صاحب شیئر کرنے کیلیے۔

شکریہ جناب محمد وارث صاحب۔۔

 

[کاشفی]

اتفاق سے آج اس مصرعے پر غور کیا۔ انہیں کی جگہ "انہی" ہونا چاہیے۔ کاشفی صاحب ہو سکے تو اسے درست کر دیجیے۔
ہم اِنہیں آنکھوں سے دیکھیں گے ترا حسن و جمال

شکریہ جناب سخنور صاحب۔۔بہت بہت شکریہ۔۔

 

[کاشفی]

مجھے تو ئی غزل پسند نہیں آئی

غزل پسند نہ کرنے کے لیئے بیحد شکریہ۔۔ جیتی رہیں اور خوش رہیں۔۔

 

[کاشفی]

داغ کے بارے میں غالب کا ایک شعر۔
داغِ فراقِ صحبت شب کی جلی ہوئی
اک شمع رہ گئی ہے سو وہ بھی خموش ہے

داغ کے لئے ایریل ہے نا۔

اے داغ مقلد ہیں اسی طرز کے ہم بھی
ہر شعر میں ہو بلبلِ شیراز کا انداز

 

[جنت میری منتظر ہے]

بہت خوب اور میری پسند۔۔۔