میرے پسندیدہ اشعار

[محمد اسامہ سَرسَری]

اس گھر کی کھلی چھت پہ چمکتے ہوئے تارو!
کہتے ہو کبھی جا کے وہاں بات یہاں کی؟
ابن انشا​

 

[محمد اسامہ سَرسَری]

کل ہجر کی شب، روزِ قیامت کی طرح تھی
دن نکلا نہ جاں ہی ترے بیمار کی نکلی
احمد فراز​

 

[محمد اسامہ سَرسَری]

دل کے لینے کو ضمانت چاہیے
اور اطمینان ضامن کے لیے
داغ دہلوی​

 

[محمد اسامہ سَرسَری]

ہم کہ ٹھہرے اجنبی اتنی مداراتوں کے بعد
پھر بنیں گے آشنا کتنی ملاقاتوں کے بعد
فیض احمد فیض​

 

[محمد اسامہ سَرسَری]

اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا
جوش ملیح آبادی​

 

[محمد اسامہ سَرسَری]

میں پیہم ہار کر یہ سوچتا ہوں
وہ کیا شے ہے جو ہاری جا رہی ہے
جون ایلیا​

 

[محمد اسامہ سَرسَری]

انشاء جی یہ اور نگر ہے، اس بستی کی رِیت یہی ہے
سب کی اپنی اپنی آنکھیں، سب کا اپنا اپنا چاند
ابن انشا​

 

[محمد اسامہ سَرسَری]

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے

چاند سے آنکھ ملی، جی کا اجالا جاگا
ہم کو سو بار ہوئی صبح سحر سے پہلے
ابن انشا​

 

[محمد اسامہ سَرسَری]

وہ راتیں چاند کے ساتھ گئیں، وہ باتیں چاند کے ساتھ گئیں
اب سکھ کے سپنے کیا دیکھیں، جب دکھ کا سورج سر پر ہو‌
ابن انشا​

 

[محمد اسامہ سَرسَری]

وہ اک کہیں گے ہم سے تو ہم سو سنائیں گے
منہ آئیں گے ہمارے تو اب منہ کی کھائیں گے
بیدم شاہ وارثی
پوری غزل​

 

[محمد اسامہ سَرسَری]

بے دلوں کی ہستی کیا، جیتے ہیں نہ مرتے ہیں
خواب ہے نہ بیداری، ہوش ہے نہ مستی ہے
کیمیائے دل کیا ہے، خاک ہے مگر کیسی؟
لیجیے تو مہنگی ہے، بیچیے تو سستی ہے
یاس عظیم آبادی
پوری غزل​

 

[محمد اسامہ سَرسَری]

مضمحل ہو گئے قویٰ غالبؔ
وہ عناصر میں اعتدال کہاں
مکمل غزل​

 

[محمد اسامہ سَرسَری]

ہنسنے نہیں دیتا کبھی رونے نہیں دیتا
یہ دل تو کوئی کام بھی ہونے نہیں دیتا
عباس تابش
مکمل غزل​

 

[محمد اسامہ سَرسَری]

کچھ فرق درست اور غلط میں نہیں باقی
ہر بات پہ کچھ لوگ اِدھر بھی ہیں اُدھر بھی
عدیم ہاشمی
مکمل غزل​

 

[محمد اسامہ سَرسَری]

رفیقوں سے رقیب اچھے جو جل کرنام لیتے ہیں
گلوں سے خار بہتر ہیں جو دامن تھام لیتے ہیں
شاعر: نامعلوم​

 

[محمد اسامہ سَرسَری]

جسے بھلائے کئی سال ہو گئے کامل
میں آج اس کی گلی سے گزر گیا کیسے
شاعر: نامعلوم
مکمل غزل​

 

[محمد اسامہ سَرسَری]

اس نے آہستہ سے جب پکارا مجھے
جھک کے تکنے لگا ہر ستارہ مجھے
شاعر: امجد اسلام امجد
مکمل غزل​

 

[محمد اسامہ سَرسَری]

ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں
شاعر: بشیر بدر
مکمل غزل​

 

[محمد اسامہ سَرسَری]

ایک منزل سے ہو کے آئے ہیں
ایک منزل ہے رُوبُرو لوگو
شاعر: ابن انشا
مکمل غزل​

 

[محمد اسامہ سَرسَری]

ہدیہ دل مفلس کا ، چھ شعر غزل کے ہیں
قیمت میں تو ہلکے ہیں ، انشا کی نشانی ہے
شاعر: ابن انشا
مکمل غزل​