میر کے بہتر نشتر

[نیرنگ خیال]

تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

بھلا ہوا بھلے وقتوں میں ہی ایسے بھلے اشعار کہہ کر مسلمان ہی راہ عدم کو سدھارا۔

 

[ابو ہاشم]

تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

یہ شعر مجھے بھی بہت پسند آیا تھا جب ناصر کاظمی کا انتخابِ میر کہیں کہیں سے پڑھا تھا

 

[فاتح]

بھلا ہوا بھلے وقتوں میں ہی ایسے بھلے اشعار کہہ کر مسلمان ہی راہ عدم کو سدھارا۔

بجا کہتے ہو، سچ کہتے ہو پھر کہیو کہ ہاں کیوں ہو

 

[یاز]

تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

سبحان اللہ۔
بے مثال و لاجواب۔

 

[فاتح]

اگر مطالعاتِ میر پر ایک نظر ڈالی جائے توبہت ساری کجرویاں نشان زد کی جا سکتی ہیں۔ جس کی ابتدا محمد حُسین آزاد سے ہوتی ہے۔ اُنھوں نے نہ جانے کسی عالمِ وجد میں میر کے بہتر نشتر کا فقرہ کہہ دیا، اور پوری اردو بیت العلمی بجائے اُن نشتروں کو تلاش کرنے اور اُس کے مخرج کا پتہ لگانے کے، آزاد کے اس فقرے پر دھڑا دھڑایمان لاتی چلی گئی۔ میر کے بارے میں یہ بات ہم سب جانتے ہیں کہ اُنھوں نے تین منثور کتابیں بھی لکھی ہیں۔ اُنھیں کتابوں میں ایک اُن کی خود نوشت “ذکرِ میر “بھی ہے۔ لیکن اس کتاب میں میر نے اپنے کسی بھی ایسے بہتر شعر کا ذکر نہیں کیا ہے جو بقول آزاد نشتر کی طرح ہیں۔

درست کہتے ہیں۔ آزاد کا زمانہ حسرت سے پہلے کا ہے اور انھوں نے بہتر نشتر کا ذکر کیا ہے تو اس کا مطلب ہے حسرت نے شاید اسی عدد کی رعایت سے میر کے 72 بہترین اشعار انتخاب کیے ہوں گے۔
ابھی تلاش کیا تو اس حوالے سے آبِ حیات کا یہ حوالہ ملا:

میر کے غزلوں کے دیوان اگرچہ رطب ویابس سے بھرے ہوئے ہیں، مگر جو ان میں انتخاب ہیں وہ فصاحت کے عالم میں انتخاب ہیں۔ اُردو زبان کے جوہری قدیم سے کہتے آئے ہیں کہ ستر (۷۰) اور دو بہتر (۷۲) نشتر باقی میر صاحب کا تبرک ہے، لیکن یہ بہتر (۷۲) کی رقم فرضی ہے۔ کیوں کہ جب کوئی تڑپتا ہوا شعر پڑھا جاتا ہے تو ہر سخن شناس سے مبالغہ تعریف میں یہی سُنا جاتا ہے کہ دیکھئے یہ انھیں بہتر نشتروں میں ہے۔

اور آزاد بھی لکھ رہے ہیں کہ "قدیم سے کہتے آئے ہیں۔۔۔" جس کا مطلب ہے کہ دراصل یہ آزاد کا بھی قول یا اختراع نہیں بلکہ ان سے بھی پہلے سے یہ بہتر نشتر سرگرداں تھے۔

 

[ابو ہاشم]

دُور بیٹھا غبارِ میر اُس سے
عشق بِن یہ ادب نہیں آتا

واہ

ابتدا ہی میں مر گئے سب یار
عشق کی کون انتہا لایا

اب تو جاتے ہیں بت کدے سے میر
پھر ملیں گے اگر خدا لایا

تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

سرسری تم جہان سے گزرے!
ورنہ ہر جا ۔۔۔۔ جہانِ دیگر تھا!

نرا دھوکا ہی ہے دریائے ہستی
نہیں کچھ تہ سے تجھ کو آشنائی

احباب نے کچھ شعر لکھے ہیں ایک میں بھی لکھ دوں

کھلنا کم کم کلی نے سیکھا ہے
تیری آنکھوں کی نیم خوابی سے

 

[محمد وارث]

صبح تک شمع سر کو دھنتی رہی
کیا پتنگے نے التماس کیا

 

[فہد اشرف]

آج لیپ ٹاپ کے پی ڈی ایف والے فولڈر میں ایک فائل ملی جو کبھی ڈیجیٹل لائبریری آف انڈیا سے ڈاؤنلوڈ کیا تھا۔ کتاب کا نام ”میر کے نشتر“ ہے جو کسی مسعود الرحمن خان ندوی کی تصنیف ہے۔
۔
۔
نوٹ: ابھی پڑھنا باقی ہے

 

[ذیشان الحق]

 

[سید عاطف علی]

نوٹ: ابھی پڑھنا باقی ہے

فہد یار یہ فائل مجھے (ای میل میں یا کسی اور طرح) بھیجو بھئی ۔
دیکھنے سے تو لگتا ہے فائل سائز کم ہی ہو گا۔

 

[فہد اشرف]

فہد یار یہ فائل مجھے (ای میل میں یا کسی اور طرح) بھیجو بھئی ۔
دیکھنے سے تو لگتا ہے فائل سائز کم ہی ہو گا۔

یہ رہا
Meer Ke 72 Nashtar : Free Download, Borrow, and Streaming : Internet Archive

 

[نیرنگ خیال]

آج لیپ ٹاپ کے پی ڈی ایف والے فولڈر میں ایک فائل ملی جو کبھی ڈیجیٹل لائبریری آف انڈیا سے ڈاؤنلوڈ کیا تھا۔ کتاب کا نام ”میر کے نشتر“ ہے جو کسی مسعود الرحمن خان ندوی کی تصنیف ہے۔
۔
۔
نوٹ: ابھی پڑھنا باقی ہے

کب تک پڑھ لیں گے۔۔۔

 

[فہد اشرف]

کب تک پڑھ لیں گے۔۔۔

پڑھ لیں گے بھئی اتنی بھی کیا جلدی ہے

 

[نیرنگ خیال]

پڑھ لیں گے بھئی اتنی بھی کیا جلدی ہے

بس یہی برس ہے آپ کے پاس۔۔۔ اگلے برس میں خود ارادہ کر لوں گا اس کو پڑھنے کا