عائشہ عزیز
لائبریرین
او او
کچھ غلط کہا تو سوری
کچھ غلط کہا تو سوری
تعارف میں ابوشامل ہوں
- صاحب لڑی ابوشامل
- تاریخ ابتداء
ابوشامل
محفلین
ارے نہیں بچہ! آپ نے کچھ غلط نہیں بولا۔ یہ ایسے ہی محب علوی ہمارے ساتھ دل پشوریاں کر رہے ہیں، بڑی پرانی یاری ہے ہماری ان کے ساتھ
عائشہ عزیز
لائبریرین
تھینک یو انکل مجھے لگا کچھ غلط بول دیا۔ارے نہیں بچہ! آپ نے کچھ غلط نہیں بولا۔ یہ ایسے ہی محب علوی ہمارے ساتھ دل پشوریاں کر رہے ہیں، بڑی پرانی یاری ہے ہماری ان کے ساتھ
شعیب سعید شوبی
محفلین
بے شک ابو شامل (فہد بھائی) کا بلاگ واحد بلاگ ہے جس میں میں نے کبھی کوئی بے تکی تحریر نہیں دیکھی اور ان چند بلاگرز میں سے ایک ہیں جن کا بلاگ میں بطور خاص پڑھتا ہوں! یہ الگ بات ہے کہ اب وہ کرک نامہ پر زیادہ توجہ مرکوز رکھے ہوئے ہیں!
ابوشامل
محفلین
پسندیدگی کا شکریہ شوبی۔ مجھے گزشتہ ایک سال سے زیادہ عرصے سے اس حوالے سے بہت شکایات سننے کو ملی ہیں کہ میری توجہ ذاتی بلاگ پر کم ہو گئی ہے۔زیادہ تر یہ شکایت ان لوگوں نےکی ہے جو میرے اور کرک نامہ کے پس منظر سے ناواقف ہیں۔ دراصل کھیلوں پر لکھنا میرا پیشہ رہا ہے، اور میں اس میں مزید آگے بڑھنا چاہتا ہوں۔ یہ سمجھ لیں کہ یہ پروفیشنل ڈیولپمنٹ کا ایک حصہ ہے اور ساتھ میں اس کے کچھ اہداف بھی ہیں، جو ان شاء اللہ ضرور حاصل ہوں گے۔ آپ جیسے دوستوں کی رائے میرے لیے بہت قیمتی ہے اور میں کوشش کروں گا کہ اپنے ذاتی بلاگ کو زیادہ سے زیادہ وقت دوں۔
میر انیس
لائبریرین
اسی انکل کے کہنے پر تو اتنی بات ہوئی تھی بی بی دراصل فہد کو ہم بھی اتنا بڑا نہیں سمجھتے کہ بڑے بچےانکو انکل بولیں ہاں میرے برابر تک کے لئے صحیح ہے
محمدصابر
محفلین
یعنی اب میری ذمہ داری شروع کہ میں اگلے سوال ’’کنورٹ‘‘ کروں۔
ابوشامل
محفلین
دھیرج مہاراج دھیرج، تھوڑا ٹھنڈا کر کے کھائیںیعنی اب میری ذمہ داری شروع کہ میں اگلے سوال ’’کنورٹ‘‘ کروں۔
ابوشامل
محفلین
آپکا پورا نام؟
فہد احمد کیہر
پیار سے کیا پکارا جاتا ہے؟
نام پیارا ہے تو اسی سے ہی پکارا جاتا ہے
عمر کتنی ہے؟
تقریباً 32 سال
جائے پیدائش ؟
جیکب آباد۔ شمالی سندھ کا شہر جو اپنی گرمیوں کی وجہ سے بہت مشہور ہے۔
حاضر مقام؟
کراچی
مصروفیت کیا ہے؟
پرائی بیگار یعنی ملازمت۔ اردو میں بلاگنگ کرنے کا عارضہ بھی ہے۔ تین بلاگز بنا رکھے ہیں، ابوشامل، کرک نامہ اور فلمستان کے نام سے۔ فلمستان پر میری سرگرمیاں اب تقریباً ختم ہو چکی ہیں البتہ کرک نامہ پر مستقل لکھتا ہوں،ذاتی بلاگ یعنی ابوشامل پر کبھی کبھار کوئی تحریر آ ہی جاتی ہے ۔ اس کے علاوہ روزنامہ ڈان کی اردو ویب سائٹ کے لیے بھی لکھنے کا سلسلہ شروع کیا ہے۔
تعلیمی قابلیت؟
اٹھ جماعت پاس، ڈریکٹ حوالدار
مشاغل، ویب کے علاوہ؟
یہ آپ نے "ویب کے علاوہ" لکھ کر تو گل ای مکا دی، بہرحال، اگر نیٹ میسر نہ تو کتابيں کھنگالنے کو مشغلہ بنا لیتا ہوں۔ ویسے کسی زمانے میں ڈاک ٹکٹ جمع کرنے کا شوق تھا، گردش زمانہ کی نذر ہو گیا ، ٹکٹ نہیں شوق
کونسی زبانیں روانی سے بولنا آتی ہیں؟
روانی تو صرف اردو اور سندھی میں ہی ہے۔
اور بڑے ہوکر کیا بننے کا ارادہ ہے؟
مزید بڑے ہو کربوڑھا ہونے کا ارادہ ہے
آپ کو سکول میں اپنا پہلا دن یاد ہے؟ اس بارے میں کچھ تفصیلی تاثرات
بالکل یاد ہے۔ مجھے اردو بالکل نہیں آتی تھی کیونکہ اُس وقت بھی آج ہی کی طرح ہمارے گھر میں سندھی بولی جاتی تھی۔ سارا دن ہونق ہو کر دوسرے بچوں کے منہ دیکھتا رہا ۔ اس لیے ٹیچر نے آدھے دن میں ہی گھر بھجوا دیا
کیا آپ کی پڑھائی مکمل ہو چکی یا جاری ہے؟
علم کو قبر میں پہنچنے تک حاصل کرنا چاہیے، اس لیے ہماری طلبِ علم ابھی جاری ہے۔ لیکن روایتی پڑھائی کا عمل عرصہ ہوا مکمل ہو چکا۔
آپ کی تاریخ پیدائش اور Zodiac Sign ؟
18 نومبر 1980ء، جس کے مطابق ستارہ "عقرب" یعنی Scorpio ہے۔
آپ کا فارغ اوقات میں کیا مشغلہ ہے؟
فارغ وقت؟ ایسا کوئی لفظ میری لغت میں موجود نہیں۔میں ہر وقت کو استعمال کرتا ہوں، چاہے ایسی سرگرمیوں ہی میں سہی جنہیں لوگ عموماً وقت کا ضیاع سمجھیں۔ جیسا کہ موویز دیکھنا عموماً فارغ اوقات کی تفریح سمجھی جاتی ہے لیکن میں وہ دیکھنے کے بعد بھی ایک عدد مضمون لکھتا ہوں اور پھر فلمستان کی زینت بنا دیتا ہوں۔
کس طرح کے لوگ اچھے لگتے ہیں؟
سچے، محنتی اور بات کے پکے۔ جھوٹے اور نکمے لوگ ایک آنکھ نہیں بھاتے مجھے۔
آپ کے ساتھ دوستی کی کیا شرائط ہیں؟
دوستی شرائط کی بنیاد پر تو نہیں ہوتی اس کے حالات پیدا ہو جاتے ہیں بس۔ یہ کہہ سکتے ہیں جو وجوہات عشق و محبت کی ہیں شاید انہی میں سے کسی وجہ سے دوستی بھی ہو جاتی ہے۔ بس ذہن و خیالات کا ملنا ضروری ہوتا ہے، چاہے دوست کسی موقف پر متفق نہ بھی ہوں تب بھی دوستی ہو ہی جاتی ہے۔ ایسے بہت لنگوٹیے یار دیکھے ہیں جو نظریاتی طور پر ایک دوسرے کے الٹ ہوتے ہیں لیکن ان میں زبردست دوستی ہوتی ہے۔
میں دوستی بہت دیر سے کرتا ہوں، یہ بہت بری عادت ہے مجھ میں۔ میں فوری طور پر قدم آگے نہيں بڑھاتا اور بڑا چھان پھٹک کر اور اعتماد کے بعد ہی کسی کو دوست منتخب کرتا ہوں۔ ایسا شاذونادر ہی ہوا ہے کہ میں نے کسی کو ایک یا دو ملاقاتوں میں ہی اپنا دوست بنا لیا ہو۔ یہی وجہ ہے کہ میرے حلقہ احباب بہت مختصر ہے۔
کوئی ایسی بات یا عادت جو اگر کسی میں ہو اور وہ آپ کے لیے ناقابلِ برداشت ہو؟
اپنے مطلب کے لیے دوسرے لوگوں کو استعمال کرنے کی عادت۔ آسان الفاظ میں دوسروں کو ٹشو پیپر سمجھنا۔ پیشہ ورانہ زندگی میں ایسے لوگوں سے سامنا ہوتا ہے اور یقین کریں مجھے سخت نفرت ہے ایسے لوگوں سے۔ اس کے علاوہ دوسروں لوگوں کو حقیر و گھٹیا سمجھنے والے افراد بھی سخت ناپسند ہیں۔
خود کی وہ عادت جو آپ کو بہت پسند ہو؟
ہمم۔۔۔ یہ بہت مشکل سوال ہے، مجھے نہیں لگتا کہ میرے اندر کوئی خوبی ہے۔ دوسری بات خود پسندی بذات خود بہت بری عادت ہے۔
خود کی وہ عادت جو بُری لگتی ہو؟
بہت ساری۔ سستی و کاہلی، لوگوں سے میل جول میں کمی، نظام الاوقات ترتیب نہ دینا، غصہ آنا، صحت سے بے پروائی، جس کام پر دل رضامند نہ ہو، چاہے جتنا ضروری ہو، اسےکرنے سے کترانا اور اس طرح ایک طویل فہرست ہے برائیوں کی۔
اگر آپ سے کہا جائے کہ خود کو تین لفظوں میں بیان کریں تو۔۔؟
یہ بھی ایک مشکل سوال ہے۔ میں ذاتی طور پر کوشش کرتا ہوں مخلص، محنتی اور کارآمد بننے کی۔ اور سب سے بڑھ کر یہ کہ میری ذات سے کسی کو کوئی تکلیف نہ پہنچے۔ اب اس مقصد میں کتنا کامیاب ہو پاتا ہوں، یہ قریبی لوگ ہی جانتے ہوں گے۔
فہد احمد کیہر
پیار سے کیا پکارا جاتا ہے؟
نام پیارا ہے تو اسی سے ہی پکارا جاتا ہے
عمر کتنی ہے؟
تقریباً 32 سال
جائے پیدائش ؟
جیکب آباد۔ شمالی سندھ کا شہر جو اپنی گرمیوں کی وجہ سے بہت مشہور ہے۔
حاضر مقام؟
کراچی
مصروفیت کیا ہے؟
پرائی بیگار یعنی ملازمت۔ اردو میں بلاگنگ کرنے کا عارضہ بھی ہے۔ تین بلاگز بنا رکھے ہیں، ابوشامل، کرک نامہ اور فلمستان کے نام سے۔ فلمستان پر میری سرگرمیاں اب تقریباً ختم ہو چکی ہیں البتہ کرک نامہ پر مستقل لکھتا ہوں،ذاتی بلاگ یعنی ابوشامل پر کبھی کبھار کوئی تحریر آ ہی جاتی ہے ۔ اس کے علاوہ روزنامہ ڈان کی اردو ویب سائٹ کے لیے بھی لکھنے کا سلسلہ شروع کیا ہے۔
تعلیمی قابلیت؟
اٹھ جماعت پاس، ڈریکٹ حوالدار
مشاغل، ویب کے علاوہ؟
یہ آپ نے "ویب کے علاوہ" لکھ کر تو گل ای مکا دی، بہرحال، اگر نیٹ میسر نہ تو کتابيں کھنگالنے کو مشغلہ بنا لیتا ہوں۔ ویسے کسی زمانے میں ڈاک ٹکٹ جمع کرنے کا شوق تھا، گردش زمانہ کی نذر ہو گیا ، ٹکٹ نہیں شوق
کونسی زبانیں روانی سے بولنا آتی ہیں؟
روانی تو صرف اردو اور سندھی میں ہی ہے۔
اور بڑے ہوکر کیا بننے کا ارادہ ہے؟
مزید بڑے ہو کربوڑھا ہونے کا ارادہ ہے
آپ کو سکول میں اپنا پہلا دن یاد ہے؟ اس بارے میں کچھ تفصیلی تاثرات
بالکل یاد ہے۔ مجھے اردو بالکل نہیں آتی تھی کیونکہ اُس وقت بھی آج ہی کی طرح ہمارے گھر میں سندھی بولی جاتی تھی۔ سارا دن ہونق ہو کر دوسرے بچوں کے منہ دیکھتا رہا ۔ اس لیے ٹیچر نے آدھے دن میں ہی گھر بھجوا دیا
کیا آپ کی پڑھائی مکمل ہو چکی یا جاری ہے؟
علم کو قبر میں پہنچنے تک حاصل کرنا چاہیے، اس لیے ہماری طلبِ علم ابھی جاری ہے۔ لیکن روایتی پڑھائی کا عمل عرصہ ہوا مکمل ہو چکا۔
آپ کی تاریخ پیدائش اور Zodiac Sign ؟
18 نومبر 1980ء، جس کے مطابق ستارہ "عقرب" یعنی Scorpio ہے۔
آپ کا فارغ اوقات میں کیا مشغلہ ہے؟
فارغ وقت؟ ایسا کوئی لفظ میری لغت میں موجود نہیں۔میں ہر وقت کو استعمال کرتا ہوں، چاہے ایسی سرگرمیوں ہی میں سہی جنہیں لوگ عموماً وقت کا ضیاع سمجھیں۔ جیسا کہ موویز دیکھنا عموماً فارغ اوقات کی تفریح سمجھی جاتی ہے لیکن میں وہ دیکھنے کے بعد بھی ایک عدد مضمون لکھتا ہوں اور پھر فلمستان کی زینت بنا دیتا ہوں۔
کس طرح کے لوگ اچھے لگتے ہیں؟
سچے، محنتی اور بات کے پکے۔ جھوٹے اور نکمے لوگ ایک آنکھ نہیں بھاتے مجھے۔
آپ کے ساتھ دوستی کی کیا شرائط ہیں؟
دوستی شرائط کی بنیاد پر تو نہیں ہوتی اس کے حالات پیدا ہو جاتے ہیں بس۔ یہ کہہ سکتے ہیں جو وجوہات عشق و محبت کی ہیں شاید انہی میں سے کسی وجہ سے دوستی بھی ہو جاتی ہے۔ بس ذہن و خیالات کا ملنا ضروری ہوتا ہے، چاہے دوست کسی موقف پر متفق نہ بھی ہوں تب بھی دوستی ہو ہی جاتی ہے۔ ایسے بہت لنگوٹیے یار دیکھے ہیں جو نظریاتی طور پر ایک دوسرے کے الٹ ہوتے ہیں لیکن ان میں زبردست دوستی ہوتی ہے۔
میں دوستی بہت دیر سے کرتا ہوں، یہ بہت بری عادت ہے مجھ میں۔ میں فوری طور پر قدم آگے نہيں بڑھاتا اور بڑا چھان پھٹک کر اور اعتماد کے بعد ہی کسی کو دوست منتخب کرتا ہوں۔ ایسا شاذونادر ہی ہوا ہے کہ میں نے کسی کو ایک یا دو ملاقاتوں میں ہی اپنا دوست بنا لیا ہو۔ یہی وجہ ہے کہ میرے حلقہ احباب بہت مختصر ہے۔
کوئی ایسی بات یا عادت جو اگر کسی میں ہو اور وہ آپ کے لیے ناقابلِ برداشت ہو؟
اپنے مطلب کے لیے دوسرے لوگوں کو استعمال کرنے کی عادت۔ آسان الفاظ میں دوسروں کو ٹشو پیپر سمجھنا۔ پیشہ ورانہ زندگی میں ایسے لوگوں سے سامنا ہوتا ہے اور یقین کریں مجھے سخت نفرت ہے ایسے لوگوں سے۔ اس کے علاوہ دوسروں لوگوں کو حقیر و گھٹیا سمجھنے والے افراد بھی سخت ناپسند ہیں۔
خود کی وہ عادت جو آپ کو بہت پسند ہو؟
ہمم۔۔۔ یہ بہت مشکل سوال ہے، مجھے نہیں لگتا کہ میرے اندر کوئی خوبی ہے۔ دوسری بات خود پسندی بذات خود بہت بری عادت ہے۔
خود کی وہ عادت جو بُری لگتی ہو؟
بہت ساری۔ سستی و کاہلی، لوگوں سے میل جول میں کمی، نظام الاوقات ترتیب نہ دینا، غصہ آنا، صحت سے بے پروائی، جس کام پر دل رضامند نہ ہو، چاہے جتنا ضروری ہو، اسےکرنے سے کترانا اور اس طرح ایک طویل فہرست ہے برائیوں کی۔
اگر آپ سے کہا جائے کہ خود کو تین لفظوں میں بیان کریں تو۔۔؟
یہ بھی ایک مشکل سوال ہے۔ میں ذاتی طور پر کوشش کرتا ہوں مخلص، محنتی اور کارآمد بننے کی۔ اور سب سے بڑھ کر یہ کہ میری ذات سے کسی کو کوئی تکلیف نہ پہنچے۔ اب اس مقصد میں کتنا کامیاب ہو پاتا ہوں، یہ قریبی لوگ ہی جانتے ہوں گے۔
وجی
لائبریرین
یعنی آپ بھی عقرب ہیں
ابوشامل
محفلین
آپ کو غصہ آتا ہے؟
بالکل آتا ہے، گو کہ ایسے مواقع بہت کم آتے ہیں، لیکن حقیقت یہ ہے کہ جب بھی موقع آتا ہے تو چھپڑ پھاڑ کر آتا ہے
اگر ہاں تو آپ کا شدید غصے میں کیا ردعمل ہوتا ہے؟
زیادہ غصہ آئے تو کیا ہوتا ہے؟ بندہ پھٹ پڑتا ہے اور کیا۔ البتہ یہ بالکل انتہائی غصے کی علامت ہی میں ہوتا ہے عموماً خاموش ہو جاتا ہوں یا اس جگہ سے اٹھ جاتا ہوں۔
غصہ کس بات پر آتا ہے ؟
غصہ ہمیشہ ناپسندیدہ باتوں پر ہی آتا ہے۔ جیسے جیسے کسی کے جھوٹ پر اڑے رہنے پر یا پھر دوسرے کو حقیر سمجھنے پر۔ یا پھر میری غلطی نہ ہو اس کے باوجود مجھ پر غصہ اتارا جائے تو۔ امی ابو اور بڑوں کے سامنے تو غصہ ظاہر کرنے کی ہمت نہیں (اور اللہ ایسی ہمت دے بھی نہ) البتہ کسی بھی غلط حرکت پر بہن بھائیوں پر خوب رعب جھاڑا ہے کسی زمانے میں۔
ڈیپریشن میں کیا ردعمل ہوتا ہے؟
الحمد للہ، کوئی ذہنی تناؤ نہیں ہے۔ اگر ناگزیر صورتحال پیدا ہو جائے تو میں سخت مضطرب ہو جاتا ہوں لیکن کسی کو محسوس نہیں ہونے دیتا۔ ابو کے اچانک انتقال پر جب سب گھر والے سناٹے میں تھے، میں نے سب کو سنبھالا، دلاسہ دیا، انتظامات کیے اور جب ٹھیک ہو گئے، تو تنہائی میں خوب رویا
کیا آپ عام زندگی میں کم گو ہیں یا …؟
عام زندگی میں کم گو اور خاص زندگی میں بڑ بولا ۔ یعنی اگر محفل میرے پسندیدہ موضوع پر چل رہی ہو تو مجھ سے زیادہ بولنے والا کوئی نہیں ہوگا لیکن ویسے خاموش رہتا ہوں۔
آپ کی خوشی کے اظہار کا کیا طریقہ ہے ؟
خوشی کی "شدت" پر منحصر ہے اگر خوشی اچانک اور بہت زیادہ ہو تو اچھل پڑتا ہوں۔ اگر اندازہ ہو کہ خوشی کی خبر مل سکتی ہے تو ملنے پر اللہ کا شکر ادا کرتا ہوں۔
اگر خدانخواستہ کبھی کچھ پریشان ہوں تو اس کے اظہار کا کیا طریقہ ہے ؟
لیکن کیونکہ گھر میں سب سے بڑا ہوں اس لیے جب تک کوئی پوچھے یا کریدے نہیں، میں منہ نہیں کھولتا۔ مجھے اچھا نہیں لگتا کہ اورلوگ میری وجہ سے پریشانی کا شکار ہوں۔ اس سے ایک نقصان تو یہ ہوتا ہے کہ مجھے پریشان کن صورتحال سے نکلنے کے لیے خود سے جنگ لڑنا پڑتی ہے لیکن فائدہ یہ ہوتا ہے کہ میں کئی لوگوں کو پریشانی سے بچا لیتا ہوں۔
کیا آپ کے لئے دوسروں کوسمجھانا آسان ہے یا مشکل ؟
شاید میرے لیے مختصر الفاظ میں سمجھانا مشکل ہوتا ہے، بات طول پکڑ جاتی ہے بس۔ ویسے سمجھنے کی ذہنی استعداد پر بھی منحصر ہے، کچھ لوگ میری ٹوٹی پھوٹی باتیں جلد سمجھ جاتے ہیں، کچھ نہیں۔ البتہ ایک چیز طے ہے کہ میں اچھا استاد نہیں
کیا چیز آپ کو بہت اداس کر دیتی ہے؟
کسی اور کو مشکل میں دیکھ کر مجھے بہت دکھ ہوتا ہے۔ اپنے گرد غربت، مسائل اور پریشانیاں مجھے بہت افسردہ کرتی ہیں۔ تاریخ میرا پسندیدہ موضوع ہے، جب پڑھتا ہوں تو تب بھی رونا آتا ہے کہ ہم بحیثیت امت مسلمہ کیا تھے اور اب ہمارا کیا حال ہے؟ حتیٰ کہ کوئی بھی ایسا ناول یا فلم جو غمگین موضوع پر ہو اسے پڑھ کر بھی اداسی کی کیفیت طاری ہو جاتی ہے۔
آپ کا خراب موڈ جلدی سے اچھا کرنا ہو تو اس کے لیے کیا کرنا پڑتا ہے؟
اگر کسی وجہ سے مزاج بگڑ جائے تو اس کا فوری نسخہ یہ ہوتا ہے کہ میں اہل خانہ کے ساتھ کسی اچھی سی جگہ پر جا کر کھانا کھا لیتا ہوں، یہ فوری اور مجرب نسخہ ہے مزاج سدھارنے کا۔ یعنی کہہ سکتے ہیں کہ اچھا کھانا میرے موڈ کو ٹھیک کر دیتا ہے۔ خالص مردانہ عادت ہے نا؟
کوئی وہم جو آپ کو پریشان کرتا ہو ؟
الحمد للہ کوئی وہم نہیں۔ کسی زمانے میں بہت تھے، خصوصاً مستقبل کے حوالے سے، لیکن اب بالکل نہیں۔ ایک واقعے نے زندگی گزارنے کے ڈھنگ کو بالکل بدل دیا تھا، اس کا ذکر میں نیچے دوسرے سوال میں کروں گا۔
آپ کا قیمتی اثاثہ ؟
ہر شخص کے لیے اس کا قیمتی ترین اثاثہ اس کے اہل خانہ ہوتے ہیں، باقی سب چیزیں بعد میں آتی ہیں۔ میرے لیے ابو کے گزرنے کے بعد امی قیمتی ترین اثاثہ ہیں، اس کے بعد اہلیہ اور بچے۔
آپ کی کوئی ایسی خواہش جس کی تکمیل تک زندہ رہنے کو جی چاہیے؟
ہزاروں خواہشیں ایسی ۔۔۔۔۔ لیکن یہ بھی سوچتا ہوں کہ جو کام مکمل ہونا ہے وہ میرے بغیر بھی ہوگا، کوئی کام کسی شخص کا محتاج نہیں ہوتا۔ وہ مشہور مقولہ ہے کہ "قبرستان ایسے لوگوں سے بھرے پڑے ہیں جو سمجھتے تھے کہ ان کے بغیر کاروبارِ دنیا رک جائے گا"۔ بہرحال، اس وقت تو میری سب سے بڑی خواہش یہ ہے کہ خودکفیل ہو جاؤں اور نوکری وغیرہ سے جان چھوٹ جائے۔ فی الحال تو غلامی کی اس چکی سے نکلنے کی کوئی سبیل دکھائی نہیں دیتی لیکن اللہ اسباب پیدا کرنے والا ہے۔ ہو رہے گا کچھ نہ کچھ گھبرائیں کیا؟
مشکل حالات میں مایوسی ہوتی ہے یا…؟
بحیثیت انسان مایوسی تو بہرحال ہوتی ہے۔ ابھی حال ہی میں بہت مشکل وقت گزارا ہے۔ ابو کے انتقال کے بعد گھر کی تمام تر ذمہ داری میرے کاندھوں پر آئی اور میں اسے بفضل تعالیٰ نبھا رہا ہوں۔ ایک چیز دل کو دل کو مطمئن کرتی ہے "یہ وقت بھی گزر جائے گا"
آپ کی کس عادت سے گھر والے بیزار رہتے ہیں؟
میری سستی و کاہلی سے، خصوصاً دوستوں رشتہ داروں سے ملنے جلنے میں کوتاہی کی وجہ سے۔
کون سا موسم دل کو بھاتا ہے؟
سردیاں بہت زیادہ پسندہیں۔
آپ کا فیورٹ رنگ؟
گہرا نیلا رنگ، اس کے علاوہ پاکستان کے جھنڈے کا گہرا سبز رنگ۔
آپ کی فیورٹ خوشبو؟
کبھی کوئی ایک خوشبو استعمال نہیں کی، ہمیشہ بدلتا رہتا ہوں۔ ویسے خوشبوؤں کا کبھی خاص شوق بھی نہیں رہا۔
پھولوں میں پسندیدہ پھول ؟
گلاب
کھانے میں پسند؟
بھنا ہوا قیمہ کسی زمانے میں بہت پسند رہا ہے۔ بچپن و لڑکپن میں بڑا نخرے کرنے والا بچہ رہاہوں، سبزی کھانے سے جان جاتی تھی لیکن وقت نے بہت کچھ سکھا دیا۔ اب جو ملے کھا لیتا ہوں، ہاں اگر اچھا کھانا بنتا ہے تو کھا کر خوشی ہوتی ہے، آخر مرد کے دل کا راستہ معدے سے ہو کر گزرتا ہے
پہلی ملاقات میں مقابل شخصیت کی کیا چیززیرغور رہتی ہے؟
اتنا زیادہ غور تو نہیں کرتا لیکن طرز گفتگو اور الفاظ کا انتخاب مجھے متاثر کرتا ہے۔
زندگی میں کس شخصیت سے آپ سب سے زیادہ متاثر ہیں؟
اگر قریبی افراد میں سے پوچھیں یعنی دوستوں عزیزوں میں تو مرحوم ماموں حبیب اللہ بچپن ہی سے بہت پسند تھے، گو کہ محبت کرنے کے ساتھ ساتھ سخت مزاج بھی بہت تھے، اور ہم نے زندگی کی تقریباً تمام ماریں انہی کے ہاتھوں سے کھائی ہیں، لیکن خیال رکھنے میں پھر وہ سب سے آگے ہوتے تھے۔ اللہ انہیں جنت نصیب فرمائے۔ جوانی میں ہمیں چھوڑ گئے اور ہمارے جینے کے نظریات کو بھی بدل گئے۔ اس سے پہلے میں یہ سمجھتا تھا کہ پیسہ ہی سب کچھ ہے لیکن ماموں کے انتقال نے زندگی کی روش ہی بدل ڈالی۔ سب ناز نخرے دھرے کے دھرے رہ گئے اور ہم درویش بن گئے۔
آپ بہادر ہیں یا ڈرپوک؟
میرے خیال میں میں ڈرپوک ہوں۔ البتہ اگر کوئی واقعہ پیش آتے وقت اور لوگ بھی ساتھ ہوں تو بہادری دکھا جاتا ہوں۔ ویسے صورتحال پر بھی منحصر ہوتا ہے جیسا کہ اگر کوئی جنگلی جانور دیکھ لوں تو خوف ضرور آئے گا لیکن اگر میرے سامنے حادثہ ہو جائے تو اور مدد کو آگے بڑھتا ہوں اور اپنی بساط کے مطابق مدد کی پوری کوشش کرتا ہوں، عموماً لوگ گھبراتے ہیں کہ کون پولیس وغیرہ کے چکر میں پھنسے۔ بلاوجہ ایڈونچرز کا مجھے کوئی شوق نہیں ہے۔
آپ کو پسِ پردہ رہنا اچھا لگتا ہے یا سب کے درمیان اپنی الگ اور نمایاں شناخت کی خواہش موجود ہے؟
پس پردہ رہنا۔ اس عادت سے میرے چند خیر خواہ بہت تنگ ہیں، ان کا کہنا ہے کہ تمہیں شہرت کا کوئی شوق نہیں؟ عجیب آدمی ہو تم۔ بہرحال، ہر شخص کی الگ و نمایاں شناخت تو موجود ہوتی ہی ہے، چاہے وہ مثبت ہو یا منفی، لیکن میں سمجھتا ہوں کہ آگے بڑھ کر اپنی الگ شناخت قائم کروانے کی کوشش بسا اوقات انسان کو سخت مشکلات میں ڈال دیتی ہے، او ریہ کام آپ کے کرنے کا ہے بھی نہیں کہ اپنی شناخت خود قائم کریں۔ آپ اپنا کام ایمانداری و خلوص کے ساتھ کرتے رہیں اور لوگوں کو اپنے بارے میں رائے قائم کرنے دیں۔ اگر آپ اچھا کرتے ہیں تو لوگوں کی آپ کے بارے میں رائے مثبت ہی ہوگی۔ اگر آپ کے اچھے کام کے باوجود چند لوگ بری رائے رکھتے ہیں تو سمجھ لیں وہ افراد آپ کے مخلص نہیں۔
جب کوئی آپ کی تعریف کررہا ہو تو کیسا لگتا ہے؟
اگر حقیقت پوچھیں تو سخت شرمندگی ہوتی ہے۔ جن دوستوں و خیر خواہوں سے اچھی بات چیت ہے ان کو میں ہمیشہ یہی کہتا ہوں کہ اگر کسی محفل میں مجھے شرمندہ کرنا مقصود ہے تو میری تعریف کریں اور اگر آپ ایسا نہیں چاہتے تو للہ اس سے اجتناب کریں۔
کبھی کسی سے لڑائی ہوئی؟
ہاتھا پائی والی لڑائیاں تو نہ ہونے کے برابر ہی ہوئی ہیں میری، اسکول کے زمانے میں ایک لڑکے کو قائد اعظم کے بارے میں غلط بات کہنے پر مارا تھا۔ اس کے علاوہ ایسا کوئی ہاتھا پائی والا جھگڑا یاد نہیں۔ البتہ ایک مرتبہ مار ضرور کھائی ہے ایک لڑکے کے ہاتھوں، جس پھر ہمارے دوستوں نے اُس کی خوب درگت بنائی تھی
وقت کی پابندی کس حد تک ہے؟
اس سوال کا جواب بھی دوست احباب ہی دے سکتے ہیں، اپنی طرف سے کوشش تو میں یہی کرتا ہوں کہ جو وقت دوں اس پر پہنچ جاؤں اور اکثر پہنچتا بھی ہوں۔ لیکن ابھی اردو محفل عید ملن میں سب سے تاخیر سے پہنچا تھا
کنجوس ہیں یا شاہ خرچ؟
بقول بیگم اول درجے کا شاہ خرچ، ایک ہی ہلے میں سارا پیسہ لٹانے والے!
کوئی جانور جو پالنے کا شوق ہے؟
بچپن میں ایک بولنے والا طوطا تھا میرے پاس، اس سے بڑی دوستی تھی۔ اب بھی طوطے پالنے کا ہی شوق ہے لیکن امی ان کے شور سے تنگ ہوتی ہیں، اس لیے نہیں پالتا۔ امی کو گھر کو ہروقت چمکا کر رکھنے کی عادت ہے، اس لیے اگر کوئی پالتو جانور پالنے کی دبی دبی خواہش بھی تھی تو وہ ختم ہو گئی۔
کوئی ایسی بات یا چیز جو آپکو جذباتی کردیتی ہو؟
اگر جذباتی سے emotional مراد ہے تو میں کتابیں پڑھتے ہوئے یا فلم دیکھتے ہوئے ہو جاتا ہوں۔ حال ہی میں انتقال کر جانے والے عبید اللہ بیگ کا ایک ناول "اور انسان زندہ ہے" پڑھا تھا چند سال قبل، تقسیم ہند کے پس منظر میں لکھا گیا تھا۔ اس ناول کو پڑھتے ہوئے میں چند مقامات پر آنسوؤں کے ساتھ رویا۔ اس کے علاوہ حال ہی میں ایک اور ناول "جب زندگی شروع ہوگی" پڑھا، رونا تو چھوٹی بات اس کے بعد مجھے تین دن کے لیے بخار ہو گیا۔ وجہ؟ کیونکہ موخر الذکر ناول کا پس منظر قیامت ہے۔
ویسے کہیں تاریخ کے موضوع پر گفتگو شروع ہو جائے تو بھی دیگر معنوں میں جذباتی (بمعنی پرجوش ) ہو جاتا ہوں۔ نجانے کیوں آجکل اس موضوع پر بات کرنے میں بڑا مزا آتا ہے۔
آپ کا ہمراز کون ہے؟
اہلیہ
کوئی تکیہ کلام ؟
نہیں معلوم۔
کونسا نغمہ گنگناپسندہے ؟
کبھی کبھار اہلیہ کے لیے یہ گنگنا لیتا ہوں "تم کو دیکھا تو یہ خیال آیا، زندگی دھوپ تم گھنا سایہ"۔ اگر کبھی موڈ ہو بھی رہا ہو تو اچھے اشعار یا کوئی غزل گنگنا لیتا ہوں۔
ایک نیکی جو گلے پڑ گئی ہو؟
کتابیں دینے کی نیکی گلے پڑتی رہی ہے۔ دوست احباب کتابیں لے جاتے ہیں اور واپس نہیں کرتے۔ اس کے علاوہ الحمد للہ کبھی کوئی نیکی رائیگاں نہیں گئی۔ ہوگا بھی تو یاد نہیں کیونکہ اصول یہ ہے کہ "نیکی کر دریا میں ڈال" یعنی بھول جا!
صبح اٹھتے ہی کس چیز کی طلب ہوتی ہے؟
بس یہی طلب ہوتی ہے کہ اٹھوں تو تازہ دم اٹھوں۔ چائے نہ بھی ملے تو خیر ہے، اکثر ناشتہ بھی گول کر جاتا ہوں۔
یہ بتائیں کہ آپ فطرت کے کتنا قریب ہیں؟
کنکریٹ کے جنگل میں رہتے ہوئے فطرت کے قریب کون رہ سکتا ہے؟ البتہ جب بھی موقع ملا ہے، قریب تر ہونے کی کوشش کی ہے۔ ویسے فطرت سے قریب ہونا اتنا آسان بھی نہیں ہے۔ ایک مرتبہ ایک سمر کیمپ کے سلسلے میں بالاکوٹ میں دو ہفتے قیام کیا تھا، اس دوران بڑے سائز کی مکڑیاں اور عجیب و غریب کیڑے دیکھ کر تو ہم کراچی والوں کی سٹی ہی گم گئی تھی۔ بہرحال، مجھ سے زیادہ بہادر لوگ موجود تھے کیمپ میں جنہوں نے حشرات الارض پر قابوپانے کے لیے تدابیر اختیار کیں۔ ویسے گاؤں میں رہتے ہوئے کھیتوں میں گھومنے، نہر کنارے درختوں تلے بیٹھنے، درختوں کے جھنڈوں میں چہل قدمی کرنا، تالاب کے کنارے مچھلیوں اور مرغابیوں کا شکار کرنا پسند رہا ہے۔ اس حوالے سے گاؤں کی زندگی کا سواد ہی الگ ہے۔
کبھی کسی گاؤں میں رہنے کا اتفاق ہوا؟
بہت مرتبہ، بلکہ پیشہ ورانہ زندگی کے ایک سال میں تو گاؤں ہر ہفتے جانا پڑتا تھا کیونکہ ملازمت کے سلسلے میں سکھر تبادلہ ہوا تھا اور وہاں سے جیکب آباد قریب ہی ہے۔ وہاں مجھ پر یہ حقیقت منکشف ہوئی کہ وہاں کی زندگی چند روز رہنے کے لیے اچھی ہے لیکن مستقل قیام کے لیے گاؤں بہت سخت جگہ ہے۔ وہاں مسائل بہت زیادہ ہیں، غربت اور سہولیات و آسائشوں کی کمی اور سب سے بڑھ کر یہ کہ معاش کے ذرائع نہ ہونے کے برابر۔ البتہ سیر و تفریح کے لیے گاؤں جانا بہت اچھا ثابت ہوتا ہے، وہاں کے لوگوں کی مہمان نوازی ایسی ہوتی ہے کہ اگر آپ طلب کریں تو جان بھی نچھاور کر دیں گے۔
بالکل آتا ہے، گو کہ ایسے مواقع بہت کم آتے ہیں، لیکن حقیقت یہ ہے کہ جب بھی موقع آتا ہے تو چھپڑ پھاڑ کر آتا ہے
اگر ہاں تو آپ کا شدید غصے میں کیا ردعمل ہوتا ہے؟
زیادہ غصہ آئے تو کیا ہوتا ہے؟ بندہ پھٹ پڑتا ہے اور کیا۔ البتہ یہ بالکل انتہائی غصے کی علامت ہی میں ہوتا ہے عموماً خاموش ہو جاتا ہوں یا اس جگہ سے اٹھ جاتا ہوں۔
غصہ کس بات پر آتا ہے ؟
غصہ ہمیشہ ناپسندیدہ باتوں پر ہی آتا ہے۔ جیسے جیسے کسی کے جھوٹ پر اڑے رہنے پر یا پھر دوسرے کو حقیر سمجھنے پر۔ یا پھر میری غلطی نہ ہو اس کے باوجود مجھ پر غصہ اتارا جائے تو۔ امی ابو اور بڑوں کے سامنے تو غصہ ظاہر کرنے کی ہمت نہیں (اور اللہ ایسی ہمت دے بھی نہ) البتہ کسی بھی غلط حرکت پر بہن بھائیوں پر خوب رعب جھاڑا ہے کسی زمانے میں۔
ڈیپریشن میں کیا ردعمل ہوتا ہے؟
الحمد للہ، کوئی ذہنی تناؤ نہیں ہے۔ اگر ناگزیر صورتحال پیدا ہو جائے تو میں سخت مضطرب ہو جاتا ہوں لیکن کسی کو محسوس نہیں ہونے دیتا۔ ابو کے اچانک انتقال پر جب سب گھر والے سناٹے میں تھے، میں نے سب کو سنبھالا، دلاسہ دیا، انتظامات کیے اور جب ٹھیک ہو گئے، تو تنہائی میں خوب رویا
کیا آپ عام زندگی میں کم گو ہیں یا …؟
عام زندگی میں کم گو اور خاص زندگی میں بڑ بولا ۔ یعنی اگر محفل میرے پسندیدہ موضوع پر چل رہی ہو تو مجھ سے زیادہ بولنے والا کوئی نہیں ہوگا لیکن ویسے خاموش رہتا ہوں۔
آپ کی خوشی کے اظہار کا کیا طریقہ ہے ؟
خوشی کی "شدت" پر منحصر ہے
اگر خوشی اچانک اور بہت زیادہ ہو تو اچھل پڑتا ہوں۔ اگر اندازہ ہو کہ خوشی کی خبر مل سکتی ہے تو ملنے پر اللہ کا شکر ادا کرتا ہوں۔اگر خدانخواستہ کبھی کچھ پریشان ہوں تو اس کے اظہار کا کیا طریقہ ہے ؟
لیکن کیونکہ گھر میں سب سے بڑا ہوں اس لیے جب تک کوئی پوچھے یا کریدے نہیں، میں منہ نہیں کھولتا۔ مجھے اچھا نہیں لگتا کہ اورلوگ میری وجہ سے پریشانی کا شکار ہوں۔ اس سے ایک نقصان تو یہ ہوتا ہے کہ مجھے پریشان کن صورتحال سے نکلنے کے لیے خود سے جنگ لڑنا پڑتی ہے لیکن فائدہ یہ ہوتا ہے کہ میں کئی لوگوں کو پریشانی سے بچا لیتا ہوں۔
کیا آپ کے لئے دوسروں کوسمجھانا آسان ہے یا مشکل ؟
شاید میرے لیے مختصر الفاظ میں سمجھانا مشکل ہوتا ہے، بات طول پکڑ جاتی ہے بس۔ ویسے سمجھنے کی ذہنی استعداد پر بھی منحصر ہے، کچھ لوگ میری ٹوٹی پھوٹی باتیں جلد سمجھ جاتے ہیں، کچھ نہیں۔ البتہ ایک چیز طے ہے کہ میں اچھا استاد نہیں
کیا چیز آپ کو بہت اداس کر دیتی ہے؟
کسی اور کو مشکل میں دیکھ کر مجھے بہت دکھ ہوتا ہے۔ اپنے گرد غربت، مسائل اور پریشانیاں مجھے بہت افسردہ کرتی ہیں۔ تاریخ میرا پسندیدہ موضوع ہے، جب پڑھتا ہوں تو تب بھی رونا آتا ہے کہ ہم بحیثیت امت مسلمہ کیا تھے اور اب ہمارا کیا حال ہے؟ حتیٰ کہ کوئی بھی ایسا ناول یا فلم جو غمگین موضوع پر ہو اسے پڑھ کر بھی اداسی کی کیفیت طاری ہو جاتی ہے۔
آپ کا خراب موڈ جلدی سے اچھا کرنا ہو تو اس کے لیے کیا کرنا پڑتا ہے؟
اگر کسی وجہ سے مزاج بگڑ جائے تو اس کا فوری نسخہ یہ ہوتا ہے کہ میں اہل خانہ کے ساتھ کسی اچھی سی جگہ پر جا کر کھانا کھا لیتا ہوں، یہ فوری اور مجرب نسخہ ہے مزاج سدھارنے کا۔ یعنی کہہ سکتے ہیں کہ اچھا کھانا میرے موڈ کو ٹھیک کر دیتا ہے۔ خالص مردانہ عادت ہے نا؟
کوئی وہم جو آپ کو پریشان کرتا ہو ؟
الحمد للہ کوئی وہم نہیں۔ کسی زمانے میں بہت تھے، خصوصاً مستقبل کے حوالے سے، لیکن اب بالکل نہیں۔ ایک واقعے نے زندگی گزارنے کے ڈھنگ کو بالکل بدل دیا تھا، اس کا ذکر میں نیچے دوسرے سوال میں کروں گا۔
آپ کا قیمتی اثاثہ ؟
ہر شخص کے لیے اس کا قیمتی ترین اثاثہ اس کے اہل خانہ ہوتے ہیں، باقی سب چیزیں بعد میں آتی ہیں۔ میرے لیے ابو کے گزرنے کے بعد امی قیمتی ترین اثاثہ ہیں، اس کے بعد اہلیہ اور بچے۔
آپ کی کوئی ایسی خواہش جس کی تکمیل تک زندہ رہنے کو جی چاہیے؟
ہزاروں خواہشیں ایسی ۔۔۔۔۔ لیکن یہ بھی سوچتا ہوں کہ جو کام مکمل ہونا ہے وہ میرے بغیر بھی ہوگا، کوئی کام کسی شخص کا محتاج نہیں ہوتا۔ وہ مشہور مقولہ ہے کہ "قبرستان ایسے لوگوں سے بھرے پڑے ہیں جو سمجھتے تھے کہ ان کے بغیر کاروبارِ دنیا رک جائے گا"۔ بہرحال، اس وقت تو میری سب سے بڑی خواہش یہ ہے کہ خودکفیل ہو جاؤں اور نوکری وغیرہ سے جان چھوٹ جائے۔ فی الحال تو غلامی کی اس چکی سے نکلنے کی کوئی سبیل دکھائی نہیں دیتی لیکن اللہ اسباب پیدا کرنے والا ہے۔ ہو رہے گا کچھ نہ کچھ گھبرائیں کیا؟
مشکل حالات میں مایوسی ہوتی ہے یا…؟
بحیثیت انسان مایوسی تو بہرحال ہوتی ہے۔ ابھی حال ہی میں بہت مشکل وقت گزارا ہے۔ ابو کے انتقال کے بعد گھر کی تمام تر ذمہ داری میرے کاندھوں پر آئی اور میں اسے بفضل تعالیٰ نبھا رہا ہوں۔ ایک چیز دل کو دل کو مطمئن کرتی ہے "یہ وقت بھی گزر جائے گا"
آپ کی کس عادت سے گھر والے بیزار رہتے ہیں؟
میری سستی و کاہلی سے، خصوصاً دوستوں رشتہ داروں سے ملنے جلنے میں کوتاہی کی وجہ سے۔
کون سا موسم دل کو بھاتا ہے؟
سردیاں بہت زیادہ پسندہیں۔
آپ کا فیورٹ رنگ؟
گہرا نیلا رنگ، اس کے علاوہ پاکستان کے جھنڈے کا گہرا سبز رنگ۔
آپ کی فیورٹ خوشبو؟
کبھی کوئی ایک خوشبو استعمال نہیں کی، ہمیشہ بدلتا رہتا ہوں۔ ویسے خوشبوؤں کا کبھی خاص شوق بھی نہیں رہا۔
پھولوں میں پسندیدہ پھول ؟
گلاب
کھانے میں پسند؟
بھنا ہوا قیمہ کسی زمانے میں بہت پسند رہا ہے۔ بچپن و لڑکپن میں بڑا نخرے کرنے والا بچہ رہاہوں، سبزی کھانے سے جان جاتی تھی لیکن وقت نے بہت کچھ سکھا دیا۔ اب جو ملے کھا لیتا ہوں، ہاں اگر اچھا کھانا بنتا ہے تو کھا کر خوشی ہوتی ہے، آخر مرد کے دل کا راستہ معدے سے ہو کر گزرتا ہے
پہلی ملاقات میں مقابل شخصیت کی کیا چیززیرغور رہتی ہے؟
اتنا زیادہ غور تو نہیں کرتا لیکن طرز گفتگو اور الفاظ کا انتخاب مجھے متاثر کرتا ہے۔
زندگی میں کس شخصیت سے آپ سب سے زیادہ متاثر ہیں؟
اگر قریبی افراد میں سے پوچھیں یعنی دوستوں عزیزوں میں تو مرحوم ماموں حبیب اللہ بچپن ہی سے بہت پسند تھے، گو کہ محبت کرنے کے ساتھ ساتھ سخت مزاج بھی بہت تھے، اور ہم نے زندگی کی تقریباً تمام ماریں انہی کے ہاتھوں سے کھائی ہیں، لیکن خیال رکھنے میں پھر وہ سب سے آگے ہوتے تھے۔ اللہ انہیں جنت نصیب فرمائے۔ جوانی میں ہمیں چھوڑ گئے اور ہمارے جینے کے نظریات کو بھی بدل گئے۔ اس سے پہلے میں یہ سمجھتا تھا کہ پیسہ ہی سب کچھ ہے لیکن ماموں کے انتقال نے زندگی کی روش ہی بدل ڈالی۔ سب ناز نخرے دھرے کے دھرے رہ گئے اور ہم درویش بن گئے۔
آپ بہادر ہیں یا ڈرپوک؟
میرے خیال میں میں ڈرپوک ہوں۔ البتہ اگر کوئی واقعہ پیش آتے وقت اور لوگ بھی ساتھ ہوں تو بہادری دکھا جاتا ہوں۔ ویسے صورتحال پر بھی منحصر ہوتا ہے جیسا کہ اگر کوئی جنگلی جانور دیکھ لوں تو خوف ضرور آئے گا لیکن اگر میرے سامنے حادثہ ہو جائے تو اور مدد کو آگے بڑھتا ہوں اور اپنی بساط کے مطابق مدد کی پوری کوشش کرتا ہوں، عموماً لوگ گھبراتے ہیں کہ کون پولیس وغیرہ کے چکر میں پھنسے۔ بلاوجہ ایڈونچرز کا مجھے کوئی شوق نہیں ہے۔
آپ کو پسِ پردہ رہنا اچھا لگتا ہے یا سب کے درمیان اپنی الگ اور نمایاں شناخت کی خواہش موجود ہے؟
پس پردہ رہنا۔ اس عادت سے میرے چند خیر خواہ بہت تنگ ہیں، ان کا کہنا ہے کہ تمہیں شہرت کا کوئی شوق نہیں؟ عجیب آدمی ہو تم۔ بہرحال، ہر شخص کی الگ و نمایاں شناخت تو موجود ہوتی ہی ہے، چاہے وہ مثبت ہو یا منفی، لیکن میں سمجھتا ہوں کہ آگے بڑھ کر اپنی الگ شناخت قائم کروانے کی کوشش بسا اوقات انسان کو سخت مشکلات میں ڈال دیتی ہے، او ریہ کام آپ کے کرنے کا ہے بھی نہیں کہ اپنی شناخت خود قائم کریں۔ آپ اپنا کام ایمانداری و خلوص کے ساتھ کرتے رہیں اور لوگوں کو اپنے بارے میں رائے قائم کرنے دیں۔ اگر آپ اچھا کرتے ہیں تو لوگوں کی آپ کے بارے میں رائے مثبت ہی ہوگی۔ اگر آپ کے اچھے کام کے باوجود چند لوگ بری رائے رکھتے ہیں تو سمجھ لیں وہ افراد آپ کے مخلص نہیں۔
جب کوئی آپ کی تعریف کررہا ہو تو کیسا لگتا ہے؟
اگر حقیقت پوچھیں تو سخت شرمندگی ہوتی ہے۔ جن دوستوں و خیر خواہوں سے اچھی بات چیت ہے ان کو میں ہمیشہ یہی کہتا ہوں کہ اگر کسی محفل میں مجھے شرمندہ کرنا مقصود ہے تو میری تعریف کریں اور اگر آپ ایسا نہیں چاہتے تو للہ اس سے اجتناب کریں۔
کبھی کسی سے لڑائی ہوئی؟
ہاتھا پائی والی لڑائیاں تو نہ ہونے کے برابر ہی ہوئی ہیں میری، اسکول کے زمانے میں ایک لڑکے کو قائد اعظم کے بارے میں غلط بات کہنے پر مارا تھا۔ اس کے علاوہ ایسا کوئی ہاتھا پائی والا جھگڑا یاد نہیں۔ البتہ ایک مرتبہ مار ضرور کھائی ہے ایک لڑکے کے ہاتھوں، جس پھر ہمارے دوستوں نے اُس کی خوب درگت بنائی تھی
وقت کی پابندی کس حد تک ہے؟
اس سوال کا جواب بھی دوست احباب ہی دے سکتے ہیں، اپنی طرف سے کوشش تو میں یہی کرتا ہوں کہ جو وقت دوں اس پر پہنچ جاؤں اور اکثر پہنچتا بھی ہوں۔ لیکن ابھی اردو محفل عید ملن میں سب سے تاخیر سے پہنچا تھا
کنجوس ہیں یا شاہ خرچ؟
بقول بیگم اول درجے کا شاہ خرچ، ایک ہی ہلے میں سارا پیسہ لٹانے والے!
کوئی جانور جو پالنے کا شوق ہے؟
بچپن میں ایک بولنے والا طوطا تھا میرے پاس، اس سے بڑی دوستی تھی۔ اب بھی طوطے پالنے کا ہی شوق ہے لیکن امی ان کے شور سے تنگ ہوتی ہیں، اس لیے نہیں پالتا۔ امی کو گھر کو ہروقت چمکا کر رکھنے کی عادت ہے، اس لیے اگر کوئی پالتو جانور پالنے کی دبی دبی خواہش بھی تھی تو وہ ختم ہو گئی۔
کوئی ایسی بات یا چیز جو آپکو جذباتی کردیتی ہو؟
اگر جذباتی سے emotional مراد ہے تو میں کتابیں پڑھتے ہوئے یا فلم دیکھتے ہوئے ہو جاتا ہوں۔ حال ہی میں انتقال کر جانے والے عبید اللہ بیگ کا ایک ناول "اور انسان زندہ ہے" پڑھا تھا چند سال قبل، تقسیم ہند کے پس منظر میں لکھا گیا تھا۔ اس ناول کو پڑھتے ہوئے میں چند مقامات پر آنسوؤں کے ساتھ رویا۔ اس کے علاوہ حال ہی میں ایک اور ناول "جب زندگی شروع ہوگی" پڑھا، رونا تو چھوٹی بات اس کے بعد مجھے تین دن کے لیے بخار ہو گیا۔ وجہ؟ کیونکہ موخر الذکر ناول کا پس منظر قیامت ہے۔
ویسے کہیں تاریخ کے موضوع پر گفتگو شروع ہو جائے تو بھی دیگر معنوں میں جذباتی (بمعنی پرجوش ) ہو جاتا ہوں۔ نجانے کیوں آجکل اس موضوع پر بات کرنے میں بڑا مزا آتا ہے۔
آپ کا ہمراز کون ہے؟
اہلیہ
کوئی تکیہ کلام ؟
نہیں معلوم۔
کونسا نغمہ گنگناپسندہے ؟
کبھی کبھار اہلیہ کے لیے یہ گنگنا لیتا ہوں "تم کو دیکھا تو یہ خیال آیا، زندگی دھوپ تم گھنا سایہ"۔ اگر کبھی موڈ ہو بھی رہا ہو تو اچھے اشعار یا کوئی غزل گنگنا لیتا ہوں۔
ایک نیکی جو گلے پڑ گئی ہو؟
کتابیں دینے کی نیکی گلے پڑتی رہی ہے۔ دوست احباب کتابیں لے جاتے ہیں اور واپس نہیں کرتے۔ اس کے علاوہ الحمد للہ کبھی کوئی نیکی رائیگاں نہیں گئی۔ ہوگا بھی تو یاد نہیں کیونکہ اصول یہ ہے کہ "نیکی کر دریا میں ڈال" یعنی بھول جا!
صبح اٹھتے ہی کس چیز کی طلب ہوتی ہے؟
بس یہی طلب ہوتی ہے کہ اٹھوں تو تازہ دم اٹھوں۔ چائے نہ بھی ملے تو خیر ہے، اکثر ناشتہ بھی گول کر جاتا ہوں۔
یہ بتائیں کہ آپ فطرت کے کتنا قریب ہیں؟
کنکریٹ کے جنگل میں رہتے ہوئے فطرت کے قریب کون رہ سکتا ہے؟ البتہ جب بھی موقع ملا ہے، قریب تر ہونے کی کوشش کی ہے۔ ویسے فطرت سے قریب ہونا اتنا آسان بھی نہیں ہے۔ ایک مرتبہ ایک سمر کیمپ کے سلسلے میں بالاکوٹ میں دو ہفتے قیام کیا تھا، اس دوران بڑے سائز کی مکڑیاں اور عجیب و غریب کیڑے دیکھ کر تو ہم کراچی والوں کی سٹی ہی گم گئی تھی۔ بہرحال، مجھ سے زیادہ بہادر لوگ موجود تھے کیمپ میں جنہوں نے حشرات الارض پر قابوپانے کے لیے تدابیر اختیار کیں۔ ویسے گاؤں میں رہتے ہوئے کھیتوں میں گھومنے، نہر کنارے درختوں تلے بیٹھنے، درختوں کے جھنڈوں میں چہل قدمی کرنا، تالاب کے کنارے مچھلیوں اور مرغابیوں کا شکار کرنا پسند رہا ہے۔ اس حوالے سے گاؤں کی زندگی کا سواد ہی الگ ہے۔
کبھی کسی گاؤں میں رہنے کا اتفاق ہوا؟
بہت مرتبہ، بلکہ پیشہ ورانہ زندگی کے ایک سال میں تو گاؤں ہر ہفتے جانا پڑتا تھا کیونکہ ملازمت کے سلسلے میں سکھر تبادلہ ہوا تھا اور وہاں سے جیکب آباد قریب ہی ہے۔ وہاں مجھ پر یہ حقیقت منکشف ہوئی کہ وہاں کی زندگی چند روز رہنے کے لیے اچھی ہے لیکن مستقل قیام کے لیے گاؤں بہت سخت جگہ ہے۔ وہاں مسائل بہت زیادہ ہیں، غربت اور سہولیات و آسائشوں کی کمی اور سب سے بڑھ کر یہ کہ معاش کے ذرائع نہ ہونے کے برابر۔ البتہ سیر و تفریح کے لیے گاؤں جانا بہت اچھا ثابت ہوتا ہے، وہاں کے لوگوں کی مہمان نوازی ایسی ہوتی ہے کہ اگر آپ طلب کریں تو جان بھی نچھاور کر دیں گے۔
ابوشامل
محفلین
کبھی پھولوں سے باتیں کیں؟
نہیں، ایسی دیوانگی کبھی نہیں چھائی
گرمیوں کی دوپہر میں کبھی درختوں کے نیچے بیٹھنے کا اتفاق ہوا؟
لڑکپن میں بہت۔ بلکہ اس زمانے میں جمعے کو چھٹی ہوا کرتی تھی تو ہم دوست اکثر گھر کے قریب باغیچوں میں جمع ہوتے تھے اور کبھی کبھار خود کھانا پکانے کی بھی کوشش کرتے تھے۔
اگر آپ کو کسی ویران جگہ بھیجا جائے تو کسے ساتھ لیجانا پسند ہوگا؟
کوئی ایسا شخص جو مجھے برداشت کر سکے، اور فی الحال دنیا میں امی اور بیوی کے علاوہ ایسا کوئی نہیں جو ’جیسا ہے جہاں ہے‘ کی بنیاد پر مجھے قبول و برداشت کرے
کون کون سے شہر دیکھنے کا اتفاق ہوا؟
کراچی، لاہور، اسلام آباد، حیدرآباد، کوئٹہ، سکھر، شکارپور، جیکب آباد، نواب شاہ، بالاکوٹ، مانسہرہ، ایبٹ آباد، ناران، میرپورخاص اور سندھ کے بہت سارے شہر۔ پاکستان سے باہر جانے کی بڑی خواہش ہے خصوصاً ایران، ترکی اور وسط ایشیا۔
کن کن شہروں میں رہنے کا اتفاق ہوا؟
کراچی میں تو مستقل قیام ہے اور جیکب آباد آبائی علاقہ۔ اس کے علاوہ سکھر میں ایک سال رہنے کا اتفاق ہوا، اسی زمانے میں شکارپور بھی آنا جانا رہا۔ کوئٹہ ایک ہفتے اور بالاکوٹ میں دو ہفتے گزرے، جس دوران ناران میں بھی ایک یادگار دن بتایا۔ میرپورخاص میں گزشتہ سال دودن قیام کیا،میزبانوں اور چند ہم سفروں کی بدولت یہ بھی زندگی کے بہترین سفروں میں سے ایک رہا۔
سفر کے لیے کون سی سواری پسند ہے؟
اگر بوقت چلے اور منزل پر پہنچائے تو ٹرین سے مزیدار سواری کون سی ہوگی، البتہ زیادہ تر سفر بسوں میں کیا ہے۔
کیا کسی ایک ہی شخص سے دو دفعہ دھوکہ کھایا ہے؟
نہیں، اس معاملے میں میں بہت حساس ہوں۔ اگر شائبہ بھی ہو جائے کہ کوئی شخص دھوکہ کر رہا ہے تو کنارہ کشی اختیار کر لیتا ہوں۔
اگر کبھی موقع ملا تو کس سے ملنے میں زبردست خوشی ہوگی ؟
علامہ اقبال سے
حسن یا ذہانت؟ وجہ بھی لکھیں۔
صنف پر منحصر ہے۔ اگر صنف نازک ہو تو حسن اور صنف کرخت ہوتو ذہانت اور اس معاملے میں مردوں سے وجہ نہیں پوچھتے
آئینہ دیکھ کر کیا خیال آتا ہے؟
یہ منہ اور مسور کی دال
آپ کو اپنے چہرے میں کیا چیز سب سے زیادہ اچھی لگتی ہے؟
اگر کنگھا کرنے کی مجبوری نہ ہوتی تو آئینے کے سامنے دن میں پانچ سیکنڈ بھی نہ گزاروں۔ کبھی غور ہی نہیں کیا اس پر۔
بہنوں سے تعلقات کیسے ہیں؟
ایک ہی بہن ہے، اس سے بچپن سے بہت اچھی بلکہ مثالی دوستی رہی ہے۔
بھائیوں سے تعلقات کیسے ہیں؟
جیسے بھائیوں کے درمیان ہوتے ہیں، یعنی بچپن سے ایک دوسرے پر کراٹے اور جوڈو آزمانے والے، اور کسی بات پر متفق نہ ہونے والے
اگر آدھی رات کو آنکھ کھل جائے تو ؟
وقت دیکھ کر دوبارہ سوجاتا ہوں۔
نہیں، ایسی دیوانگی کبھی نہیں چھائی
گرمیوں کی دوپہر میں کبھی درختوں کے نیچے بیٹھنے کا اتفاق ہوا؟
لڑکپن میں بہت۔ بلکہ اس زمانے میں جمعے کو چھٹی ہوا کرتی تھی تو ہم دوست اکثر گھر کے قریب باغیچوں میں جمع ہوتے تھے اور کبھی کبھار خود کھانا پکانے کی بھی کوشش کرتے تھے۔
اگر آپ کو کسی ویران جگہ بھیجا جائے تو کسے ساتھ لیجانا پسند ہوگا؟
کوئی ایسا شخص جو مجھے برداشت کر سکے، اور فی الحال دنیا میں امی اور بیوی کے علاوہ ایسا کوئی نہیں جو ’جیسا ہے جہاں ہے‘ کی بنیاد پر مجھے قبول و برداشت کرے
کون کون سے شہر دیکھنے کا اتفاق ہوا؟
کراچی، لاہور، اسلام آباد، حیدرآباد، کوئٹہ، سکھر، شکارپور، جیکب آباد، نواب شاہ، بالاکوٹ، مانسہرہ، ایبٹ آباد، ناران، میرپورخاص اور سندھ کے بہت سارے شہر۔ پاکستان سے باہر جانے کی بڑی خواہش ہے خصوصاً ایران، ترکی اور وسط ایشیا۔
کن کن شہروں میں رہنے کا اتفاق ہوا؟
کراچی میں تو مستقل قیام ہے اور جیکب آباد آبائی علاقہ۔ اس کے علاوہ سکھر میں ایک سال رہنے کا اتفاق ہوا، اسی زمانے میں شکارپور بھی آنا جانا رہا۔ کوئٹہ ایک ہفتے اور بالاکوٹ میں دو ہفتے گزرے، جس دوران ناران میں بھی ایک یادگار دن بتایا۔ میرپورخاص میں گزشتہ سال دودن قیام کیا،میزبانوں اور چند ہم سفروں کی بدولت یہ بھی زندگی کے بہترین سفروں میں سے ایک رہا۔
سفر کے لیے کون سی سواری پسند ہے؟
اگر بوقت چلے اور منزل پر پہنچائے تو ٹرین سے مزیدار سواری کون سی ہوگی، البتہ زیادہ تر سفر بسوں میں کیا ہے۔
کیا کسی ایک ہی شخص سے دو دفعہ دھوکہ کھایا ہے؟
نہیں، اس معاملے میں میں بہت حساس ہوں۔ اگر شائبہ بھی ہو جائے کہ کوئی شخص دھوکہ کر رہا ہے تو کنارہ کشی اختیار کر لیتا ہوں۔
اگر کبھی موقع ملا تو کس سے ملنے میں زبردست خوشی ہوگی ؟
علامہ اقبال سے
حسن یا ذہانت؟ وجہ بھی لکھیں۔
صنف پر منحصر ہے۔ اگر صنف نازک ہو تو حسن اور صنف کرخت ہوتو ذہانت اور اس معاملے میں مردوں سے وجہ نہیں پوچھتے
آئینہ دیکھ کر کیا خیال آتا ہے؟
یہ منہ اور مسور کی دال
آپ کو اپنے چہرے میں کیا چیز سب سے زیادہ اچھی لگتی ہے؟
اگر کنگھا کرنے کی مجبوری نہ ہوتی تو آئینے کے سامنے دن میں پانچ سیکنڈ بھی نہ گزاروں۔ کبھی غور ہی نہیں کیا اس پر۔
بہنوں سے تعلقات کیسے ہیں؟
ایک ہی بہن ہے، اس سے بچپن سے بہت اچھی بلکہ مثالی دوستی رہی ہے۔
بھائیوں سے تعلقات کیسے ہیں؟
جیسے بھائیوں کے درمیان ہوتے ہیں، یعنی بچپن سے ایک دوسرے پر کراٹے اور جوڈو آزمانے والے، اور کسی بات پر متفق نہ ہونے والے
اگر آدھی رات کو آنکھ کھل جائے تو ؟
وقت دیکھ کر دوبارہ سوجاتا ہوں۔
ابوشامل
محفلین
زندگی میں فیصلوں کی کیا اہمیت ہے ؟
اگر آپ گھر یا کسی ادارے میں فیصلہ کن شخصیت کی حیثیت سے موجود ہیں تو اس کے نظام کا دارومدار ہی آپ کے فیصلوں پر ہے۔ اس سے زیادہ اہمیت کسی اور چیز کی ہو ہی نہیں سکتی کیونکہ گھر یا دفتر کے نظام میں موجود کئی افراد کی زندگیاں آپ کی وجہ سے سنور اور بگڑ سکتی ہیں۔ اس لیے اگر کہیں آپ فیصلہ کن قوت ہیں تو سب سے پہلے اپنے سے نیچے موجود لوگوں کو اہمیت دیں۔ مجھ پر یہ ذمہ داری ابو کے انتقال پر بعد پڑی ہے، اور میں اپنی حیثیت کے مطابق کوشش کرتا ہوں اس سے عہدہ برآ ہونے کی۔
صیحو فیصلہ اور غلط فیصلہ کیا ہوتا ہے ؟
صحیح فیصلہ وہ ہے جو اپنے اثرات میں نچلی سطح تک تمام افراد کے لیے مثبت ثابت ہو، اور غلط فیصلہ وہ جو آپ کی رعیت کے لیے نقصان دہ ہو۔
کیا صیحے فیصلہ یہ ہے کہ فیصلہ انسان کے اپنے مفاد میں ہو؟
میرے خیال میں ایسا نہیں ہے۔ اگر فیصلے کا اطلاق صرف اپنی ذات پر ہو تو ٹھیک لیکن آپ کے فیصلے کے نتیجے میں دیگر لوگوں کی زندگیاں بھی متاثر ہوں تو ان پر پڑنے والے اثرات کو بھی جانچنا ہوگا۔
آپ کا فیصلہ دل سے ہوتا ہے یا دماغ سے؟
میرا فیصلہ دماغ کا ہوتا ہے۔ ایسا لگتا ہے کہ جب بھی میں دل سے فیصلہ کرنے لگتا ہوں اور تہیہ کر لیتا ہوں تو نفاذ سے پہلے دماغ درمیان میں آ جاتا ہے۔ اس وجہ سے میں زندگی میں کئی بے وقوفانہ فیصلوں سے بچا ہوں۔ انہی میں ایک فیصلہ شریک حیات کے انتخاب کا تھا، اگر دل کا فیصلہ کرتا تو آج اپنے سر کے بال نوچ رہا ہوتا، لیکن اس وقت دماغ کا کیا گیا فیصلہ کام آ گیا اور آج الحمد للہ ایک پرسکون زندگی گزار رہا ہوں
کوئی ایسا شخص جس کہ بارے میں آپ کہہ سکیں کہ یہ مجھے جانتا اور سمجھتا ہے؟
میری اہلیہ
اگر آپ کو ملک کا صدر بنا دیا جائے تو پہلا کام کیا کریں گے؟
پہلا کام تعلیم کو ملک کے چپے چپے میں پھیلانے کے لیے تعلیمی بجٹ میں اضافہ۔
پسندیدہ کتاب؟
محسن انسانیت از نعیم صدیقی
آخری کتاب کب کونسی پڑھی تھی اور کیوں؟
اگر کتاب کا مکمل مطالعہ شرط ہے گاندھی کی آپ بیتی "تلاش حق"۔
نا پسندیدہ کتاب کا نام بتائیں اور وجہ بھی بیان کریں؟
بی بی سی کی مشہور صحافی کرسٹینا لیمب کی کتاب "Sewing Circles of Herat" جس کا ترجمہ شاید "طالبان کا افغانستان" کے نام سے پاکستان میں شایع کیا گیا تھا۔ طالبان کے کئی پہلو اجاگر کرنے پر تو مجھے زیادہ اعتراض نہ تھا، لیکن پہلو مجھے اس کتاب کا بہت برا لگا، اور یہ کتاب ناپسندیدہ ٹھیری تھی، وہ یہ کہ محترمہ نے اپنے موقف کے حامی افراد کی بھی اس کتاب میں ٹھیک ٹھاک تضحیک کی ہے۔ ویسے یہ بھی ہو سکتا ہے کہ اب دوبارہ پڑھوں تو یہ کتاب اتنی بری نہ لگے
آپ کیوں زندہ ہیں؟
شاید میرے ذمے ابھی کوئی اہم کام باقی ہے اس کے لیے
اور کب تک؟
"موت کا ایک دن معیّن ہے"جب وہ آئے گی تب تک۔
آپ کا خیال میں بھاگتے چور کی لنگوٹی کیا کام آ سکتی ہے؟
آج کل کے دور میں تو ایسی نادر شے کو فریم کروا کر عجائب گھر میں رکھوانا چاہیے کیونکہ نہ ہی ایسے چور رہے جو لنگوٹی پہن کر کارروائی کریں اور نہ ہی ایسے بہادر افراد جو چوروں کا نہ صرف تعاقب کریں بلکہ اس حد تک قریب پہنچ جائیں کہ "دو چار جب کہ لب بام رہ گیا"
اگر آپ گھر یا کسی ادارے میں فیصلہ کن شخصیت کی حیثیت سے موجود ہیں تو اس کے نظام کا دارومدار ہی آپ کے فیصلوں پر ہے۔ اس سے زیادہ اہمیت کسی اور چیز کی ہو ہی نہیں سکتی کیونکہ گھر یا دفتر کے نظام میں موجود کئی افراد کی زندگیاں آپ کی وجہ سے سنور اور بگڑ سکتی ہیں۔ اس لیے اگر کہیں آپ فیصلہ کن قوت ہیں تو سب سے پہلے اپنے سے نیچے موجود لوگوں کو اہمیت دیں۔ مجھ پر یہ ذمہ داری ابو کے انتقال پر بعد پڑی ہے، اور میں اپنی حیثیت کے مطابق کوشش کرتا ہوں اس سے عہدہ برآ ہونے کی۔
صیحو فیصلہ اور غلط فیصلہ کیا ہوتا ہے ؟
صحیح فیصلہ وہ ہے جو اپنے اثرات میں نچلی سطح تک تمام افراد کے لیے مثبت ثابت ہو، اور غلط فیصلہ وہ جو آپ کی رعیت کے لیے نقصان دہ ہو۔
کیا صیحے فیصلہ یہ ہے کہ فیصلہ انسان کے اپنے مفاد میں ہو؟
میرے خیال میں ایسا نہیں ہے۔ اگر فیصلے کا اطلاق صرف اپنی ذات پر ہو تو ٹھیک لیکن آپ کے فیصلے کے نتیجے میں دیگر لوگوں کی زندگیاں بھی متاثر ہوں تو ان پر پڑنے والے اثرات کو بھی جانچنا ہوگا۔
آپ کا فیصلہ دل سے ہوتا ہے یا دماغ سے؟
میرا فیصلہ دماغ کا ہوتا ہے۔ ایسا لگتا ہے کہ جب بھی میں دل سے فیصلہ کرنے لگتا ہوں اور تہیہ کر لیتا ہوں تو نفاذ سے پہلے دماغ درمیان میں آ جاتا ہے۔ اس وجہ سے میں زندگی میں کئی بے وقوفانہ فیصلوں سے بچا ہوں۔ انہی میں ایک فیصلہ شریک حیات کے انتخاب کا تھا، اگر دل کا فیصلہ کرتا تو آج اپنے سر کے بال نوچ رہا ہوتا، لیکن اس وقت دماغ کا کیا گیا فیصلہ کام آ گیا اور آج الحمد للہ ایک پرسکون زندگی گزار رہا ہوں
کوئی ایسا شخص جس کہ بارے میں آپ کہہ سکیں کہ یہ مجھے جانتا اور سمجھتا ہے؟
میری اہلیہ
اگر آپ کو ملک کا صدر بنا دیا جائے تو پہلا کام کیا کریں گے؟
پہلا کام تعلیم کو ملک کے چپے چپے میں پھیلانے کے لیے تعلیمی بجٹ میں اضافہ۔
پسندیدہ کتاب؟
محسن انسانیت از نعیم صدیقی
آخری کتاب کب کونسی پڑھی تھی اور کیوں؟
اگر کتاب کا مکمل مطالعہ شرط ہے گاندھی کی آپ بیتی "تلاش حق"۔
نا پسندیدہ کتاب کا نام بتائیں اور وجہ بھی بیان کریں؟
بی بی سی کی مشہور صحافی کرسٹینا لیمب کی کتاب "Sewing Circles of Herat" جس کا ترجمہ شاید "طالبان کا افغانستان" کے نام سے پاکستان میں شایع کیا گیا تھا۔ طالبان کے کئی پہلو اجاگر کرنے پر تو مجھے زیادہ اعتراض نہ تھا، لیکن پہلو مجھے اس کتاب کا بہت برا لگا، اور یہ کتاب ناپسندیدہ ٹھیری تھی، وہ یہ کہ محترمہ نے اپنے موقف کے حامی افراد کی بھی اس کتاب میں ٹھیک ٹھاک تضحیک کی ہے۔ ویسے یہ بھی ہو سکتا ہے کہ اب دوبارہ پڑھوں تو یہ کتاب اتنی بری نہ لگے
آپ کیوں زندہ ہیں؟
شاید میرے ذمے ابھی کوئی اہم کام باقی ہے اس کے لیے
اور کب تک؟
"موت کا ایک دن معیّن ہے"جب وہ آئے گی تب تک۔
آپ کا خیال میں بھاگتے چور کی لنگوٹی کیا کام آ سکتی ہے؟
آج کل کے دور میں تو ایسی نادر شے کو فریم کروا کر عجائب گھر میں رکھوانا چاہیے کیونکہ نہ ہی ایسے چور رہے جو لنگوٹی پہن کر کارروائی کریں اور نہ ہی ایسے بہادر افراد جو چوروں کا نہ صرف تعاقب کریں بلکہ اس حد تک قریب پہنچ جائیں کہ "دو چار جب کہ لب بام رہ گیا"
ناعمہ عزیز
لائبریرین
میں اپنے سوالات کی فہرست ترتیب دیتی ہوں صابر لالہ ، ویسے بھی بابا سے سوال کس طرح کے کرنے ہیں یہ سوچنے میں ٹائم لگ جائے گا تھوڑا
مقدس
لائبریرین
ہائے بھیا۔۔ آپ کا مطلب زیادہ بولنے والوں کو۔۔ تاکہ دھاگہ چلے نہیں بلکہ دوڑنے لگے
