میں اک اچھا بچہ ہوں ۔۔۔ (بچوں کے لیے نظم)

[محمد اسامہ سَرسَری]

میں اک اچھا بچہ ہوں
قول و عمل کا سچا ہوں

باتیں سچی کرتا ہوں
محنت اچھی کرتا ہوں

استاد ، ابو اور امی
مجھ سے کرتے ہیں نرمی

روز کا میرا ہے معمول
شوق سے جاتا ہوں اسکول

کوشش کرتا ہوں اکثر
مجھ سے خوش ہو ہر ٹیچر

رستہ بھی ہے میرا صاف
بستہ بھی ہے میرا صاف

یونی فارم جو میرا ہے
بے حد صاف اور ستھرا ہے

اپنی کاپی اور کتاب
کرتا بھی ہوں میں نہ خراب

میری پیاری سی ڈبیا
چھوٹی سی ہے اک دنیا

مجھ کو محنت کرنی ہے
قوم کی خدمت کرنی ہے

ہر ہر ساتھی اچھا ہے
میرے جیسا بچہ ہے

مل جل کر ہم پڑھتے ہیں
آگے آگے بڑھتے ہیں

میری لڑائی ہوتی نہیں
میری پٹائی ہوتی نہیں

گھر کا کام جو ملتا ہے
روز ہمیں وہ کرنا ہے

فائدہ اس میں اپنا ہے
شوق سے ہم کو کھپنا ہے

آؤ اسامہ! عزم کریں
لاپروائی ختم کریں
​

 

[جیہ]

ایسا بچہ دیکھا نہیں ذرا تصویر تو لگا دیں اس بچے کا ‘’

 

[محمد اسامہ سَرسَری]

نظر لگ جائے گی۔
اللہ اسے تھانے کے چکروں سے بچائے رکھے۔

 

[ابن رضا]

بڑا اچھا بچہ ہے جی۔نظم بچوں کے لیے مخصوص ہے یا بڑے بھی پڑھ سکتے ہیں؟


خوش رہیں

 

[فارقلیط رحمانی]

میں اک اچھا بچہ ہوں
قول و عمل کا سچا ہوں
×××××
آؤ اسامہ! عزم کریں
لاپروائی ختم کریں
​

السلام علیکم ورحمۃ اللہ و برکاتہ
بہت خوب! نہایت آسان اور عمدہ نظم ہے۔
ان شاء اللہ تعالیٰ آئندہ کل ہمارے اسکول کے حمد کے پروگرام میں پڑھی جائے گی۔

 

[معاویہ منصور]

ایسا بچہ دیکھا نہیں ذرا تصویر تو لگا دیں اس بچے کا ‘’

نظر لگ جائے گی۔
اللہ اسے تھانے کے چکروں سے بچائے رکھے۔

وہ کیا ہے اسامہ بھائی اپنی تصویر لگانا پسند نہیں کرتے ورنہ تعمیل ہوتی۔

 

[خالد محمود چوہدری]

بہت اچھی ہے

 

[محمد اسامہ سَرسَری]

بڑا اچھا بچہ ہے جی۔نظم بچوں کے لیے مخصوص ہے یا بڑے بھی پڑھ سکتے ہیں؟


خوش رہیں

آپ دونوں پڑھ سکتے ہیں۔

 

[محمد اسامہ سَرسَری]

السلام علیکم ورحمۃ اللہ و برکاتہ
بہت خوب! نہایت آسان اور عمدہ نظم ہے۔
ان شاء اللہ تعالیٰ آئندہ کل ہمارے اسکول کے حمد کے پروگرام میں پڑھی جائے گی۔

وعلیکم السلام ورحمۃ اللہ وبرکاتہ۔
اتنی حوصلہ افزائی پر تہ دل سے ممنون ہوں۔
اللہ خوش رکھے۔
ضرور پڑھوائیے۔ میرے لیے سعادت کی بات ہے۔
جزاکم اللہ خیرا۔

 

[محمد اسامہ سَرسَری]

وہ کیا ہے اسامہ بھائی اپنی تصویر لگانا پسند نہیں کرتے ورنہ تعمیل ہوتی۔

اور آپ بھی۔

 

[محمد اسامہ سَرسَری]

بہت اچھی ہے

بہت شکریہ جناب۔
جزاکم اللہ خیرا۔

 

[ابن رضا]

آپ دونوں پڑھ سکتے ہیں۔

اور کوئی تجویز بھی دے سکتے ہیں کیا؟

 

[محمد اسامہ سَرسَری]

اور کوئی تجویز بھی دے سکتے ہیں کیا؟

درمیانے لوگ بھی پڑھ سکتے ہیں۔

 

[سید عاطف علی]

اسامہ بھائی ۔ کھپنا کی بجائے پڑھنا یا کچھ اور کردیں ۔پلیز
نہیں تو زرداری کی نظم لگے گی۔

 

[عبد الرحمن]

وہ کیا ہے اسامہ بھائی اپنی تصویر لگانا پسند نہیں کرتے ورنہ تعمیل ہوتی۔

اور آپ بھی۔

بھائیوں! آپ دونوں کو میں نے اپنی بچپن کی خفیہ ڈائری اس لیے تھوڑی دی تھی کہ اس پر باہمی مشورے سے ایک نظم بنادیں۔ بہت غلط کیا آپ لوگوں نے۔
کٹی!!!

 

[ابن رضا]

اسامہ بھائی ۔ کھپنا کی بجائے پڑھنا یا کچھ اور کردیں ۔پلیز
نہیں تو زرداری کی نظم لگے گی۔

اور سچا کو پکا کردیں اگر مناسب لگے تو کہ سچائی کا تو اگلے شعر میں تذکرہ ہے

 

[الف عین]

اچھی نظم ہے، بچوں کی ہے، اور اصلاح سخن میں نہیں، اس لئے قوافی کی اغلاط قبول کی جا سکتی ہیں۔ میرا ستھرا، ڈبیا، دنیا، امی گرمی غلط ہیں

 

[محمد اسامہ سَرسَری]

اور سچا کو پکا کردیں اگر مناسب لگے تو کہ سچائی کا تو اگلے شعر میں تذکرہ ہے

نظم کا دوسرا شعر پہلے شعر کے دوسرے مصرع کی تشریح ہے۔

 

[محمد اسامہ سَرسَری]

اسامہ بھائی ۔ کھپنا کی بجائے پڑھنا یا کچھ اور کردیں ۔پلیز
نہیں تو زرداری کی نظم لگے گی۔

ہمم۔۔۔۔ پڑھنا زیادہ اچھا لگے گا۔۔۔ بچوں کی مناسبت سے۔

 

[نایاب]

واہہہہہہہہہہہہہہ
بہت پیاری نظم ہے ۔۔۔۔۔۔۔۔۔۔ ماشاءاللہ
بہت دعائیں