م س ورڈ میں کرسر کی آخری پوزیشن ؟

[طمیم]

م س ورڈ میں کام کے دوران ایک مسئلہ آیا ہے کہ فائل پر کام کرنے کے بعد جب اسے بند کیا جاتا ہے اور دوبارہ کھولنے پر کرسر پہلے صفحہ پر موجود ہوتا ہے ۔
کیا کوئی ایسی سیٹنگ ہے کہ کرسر دوبارہ فائل کھولنے پر اپنی آخری پوزیشن پر جہاں پر کام کیا گیا ہو نظر آئے تاکہ وہاں سے ہی آگے کام کیا جاسکے ؟ نہ کہ دوبارہ تلاش کرنا پڑے کہ آخری دفعہ کہاں پر کام کیا تھا۔
میرے پاس م س ورڈ 2007 ورژن ہے ۔ گوگل میں ایک جگہ ایک جگہ بیان کیا گیا تھا کہ شفٹ f5 کے ساتھ ایسا ممکن ہے لیکن میرے پاس تو نہیں ہوا ۔

 

[دوست]

اگر آخر پر جانا ہے تو کنٹرول جمع اینڈ پریس کرنے سے آپ آخر پر پہنچ سکتے ہیں۔

 

[محمدصابر]

شفٹ f5 کے ساتھ ایسا ممکن ہے

 

[arifkarim]

یہ شارٹ کٹ ورڈ 2007 میں کام نہیں کرتا!

 

[الف عین]

یہ صرف اوپن آفس میں کیا جا سکتا ہے، اس کو کانفی گیور کر کے. ورڈ میں نہیں.

 

[محمدصابر]

عارف کریم۔ یہ شارٹ کٹ فائل بند ہونے کے بعد دوبارہ کھولنے پر کام واقعی نہیں کررہا ۔ لیکن مائیکروسافٹ آفس کے شارٹ کٹس کی لسٹ میں شامل ہے۔

 

[نعیم سعید]

کیا ایسا ممکن نہیں کہ اس کے لیے ورڈ ہی میں ’میکرو‘ بنا دیا جائے۔ یعنی فائل بند کرنے سے پہلے ’میکرو‘ کے ذریعے کرسر پوزیشن کو رکارڈ کر لیا جائے۔ اور فائل دوبارہ کھولنے پر ’میکرو‘ ہی کی مدد سے اسی مقام پر پہنچا جاسکے۔
جب سے اپنے کام کو ’ورڈ‘ پر منتقل کیا ہے، اس چیز نے مجھے بھی بہت پریشان کیا ہوا ہے، کیونکہ ’ان پیج‘ کی چند خوبیوں میں سے ایک خوبی یہ بھی ہے کہ جس پوزیشن پر رہتے ہوئے فائل کو آخری بار سیو کیا جائے دوبارہ کھولنے پر خود بہ خود فائل اسی پوزیشن ہی سے کھلتی ہے، اور کسی تیار شدہ مسودہ پر کام کرتے وقت اس فیچر کی بڑی اہمیت ہے خاص طور اس وقت جب آپ اپنی فائل کو اپنی مرضی سے سیو کر کے بند کرنے کا پورا اختیار بھی نہ رکھتے ہوں۔ یعنی نہ جانے کب بجلی چلی جائے اور آپ اپنے کمپیوٹر کی بند اسکرین کو دیکھتے رہ جائیں۔

 

[طمیم]

http://blogs.bnet.com/businesstips/?p=5190

شفٹ f5 کا فنکشن 2007 میں‌کام نہیں کرتا ۔ اس کے لئے میرے خیال میں بھی ایک میکرو بنانا پڑے گا ۔ میکرو بنانے کے بارہ میں مجھے کچھ معلوم نہیں ۔
لیکن ایسا میکرو جو کہ کسی ایک ٹیکسٹ فائل کے ساتھ محفوظ نہ ہو بلکہ ورڈ کی اپنی سیٹنگ میں محفوظ ہو تاکہ ہر فائل پر لاگو ہوسکے۔

 

[نعیم سعید]

کیونکہ ’ایکسل‘ میں یہ سہولت موجود ہے، اس لیے ’ورڈ ‘ میں ایسا کرنا کوئی ناممکن بات نہیں ہونی چاہئے۔

 

[فرحان دانش]

شفٹ f5 کا فنکشن 2007 میں‌کام نہیں کرتا

 

[arifkarim]

لیجئے دوستو حل مل گیا۔ یہ ماکرو ڈیفالٹ Normal.dotm ٹیمپلیٹ میں شامل کر لیں اور انپیج کی طرح جہاں کھولیں گے، بند کریں گے، وہیں سے دوبارہ کھلے گا:

Sub FileSave() 
On Error Resume Next 
ActiveDocument.Bookmarks.Add Range:=Selection.Range, name:="OpenAt" 
ActiveDocument.Save 
End Sub 

Sub FileSaveAs() 
On Error Resume Next 
ActiveDocument.Bookmarks.Add Range:=Selection.Range, name:="OpenAt" 
Dialogs(wdDialogFileSaveAs).Show 
'Add filename and path to title bar 
ActiveWindow.Caption = ActiveDocument.FullName 
End Sub 

Sub AutoOpen() 
'add filename and path to title bar 
ActiveWindow.Caption = ActiveDocument.FullName 
'turn on table grid line display 
ActiveWindow.View.TableGridlines = True 
If ActiveDocument.Bookmarks.Exists("OpenAt") = True Then 
    ActiveDocument.Bookmarks("OpenAt").Select 
End If 
End Sub

 

[جیہ]

یہ ٹیمپلیٹ کہاں واقع ہے؟

 

[طمیم]

یہ ٹیمپلیٹ کہاں واقع ہے
کیسے بدلنا ہے؟
کیا اس کے اندر موجود ٹیکسٹ کو کیا مکمل طور پر بدلنا ہے؟
یا صرف کوڈ کا کوئی حصہ بدلنا ہے؟

 

[arifkarim]

Normal.dotm تک رسائی:
http://office.microsoft.com/en-us/word/HA100307561033.aspx
ماکرو شامل کرنے کا طریقہ:
http://office.microsoft.com/en-us/word/HA100997691033.aspx
ویسے کوئی سا بھی ماکرو بنا کر اسکو ایڈیٹ کر لیں اور وہاں مندرجہ بالا پوسٹ والا کوڈ کاپی پیسٹ کر لیں۔ اور Normal.dotm کو سیو کر لیں!

 

[نعیم سعید]

عارف بھائی کے دیئے ہوئے ’ماکرو کوڈ‘ کو ’ورڈ 2007‘ میں استعمال کرنے کا آسان طریقہ:
ورڈ میں Developer ٹیب کے ذریعہ Visual Basic میں جائیں۔ اگر پیج بالکل خالی ہو تو شروع ہی میں ’ماکرو کوڈ‘ کی تفصیل کاپی کر کے پیسٹ کر دیں، اور پہلے سے کچھ تفصیل موجود ہو تو آخر میں جاکر پیسٹ کر لیں۔ سیو کر کے Visual Basic بند کردیں۔
لیجیے آپ کا ’ماکرو‘ بن گیا، اب کسی بھی ورڈ فائل کو کھول کر چیک کر لیں جہاں آخری بار سیو کر کے فائل بند کی جائے گی دوبارہ کھولنے پر فائل وہیں سے کھلے گی۔