آیتِ مباہلہ کا مخاطب گروہ یہودی کیسے ہو سکتا ہے جب
آپ اس سے قبل دو آیات پڑھ لیں تو یہ بات واضح ہو جاتی ہے کہ یہ مخاطب عیسائی ہی ہیں
إِنَّ مَثَلَ عِيسَىٰ عِندَ اللَّهِ كَمَثَلِ آدَمَ ۖ خَلَقَهُ مِن تُرَابٍ ثُمَّ قَالَ لَهُ كُن فَيَكُونُ ﴿آل عمران:54﴾
بے شک
عیسی کی مثال اللہ کے نزدیک آدم کی سی ہے کہ اس کو مٹی سے بنایا پھر اس سے کہا کہ ہوجا وہ ہوگیا
(یہ بات کہ آدم کو بلا ماں باپ کے اور عیسی کو بلا باپ کے پیدا کیا ، حق ہے یعنی اللہ جیسا چاہتا ہے وہ کرتا ہے)
الْحَقُّ مِن رَّبِّكَ فَلَا تَكُن مِّنَ الْمُمْتَرِينَ ﴿آل عمران:60﴾
یہ حق (بات) تو تیرے پروردگار کی طرف سے ہے (
کہ عیسی آدم کی طرح انسان ہیں) پس تو ہر گز شک کرنے والوں میں سے نہ ہو (کسی شک میں نہ جا)
حضور سرورِ کائنات صلی اللہ علیہ وسلم تو ہر شک سے بالا تر ہیں یہاں خطاب آپ کی امت کے ہر فرد اور قرآن کی تلاوت کرنے والے سے ہے ، قرآن میں جہاں کسی اہم حقیقت کا بیان کیا گیا ہے وہاں امت کو اسی معجزانہ انداز میں خطاب کیا گیا ہے)
فَمَنْ حَاجَّكَ فِيهِ مِن بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنفُسَنَا وَأَنفُسَكُمْ ثُمَّ نَبْتَهِلْ فَنَجْعَل لَّعْنَتَ اللَّ۔هِ عَلَى الْكَاذِبِينَ ﴿آل عمران:61﴾
(اے رسول) پھر جو کوئی آپ سے اس (
مسیح کی عبدیت اور اللہ کی ربوبیت) کے بارے میں حجت کرے اس کے بعد کہ آپ کے پاس سچی خبر آ چکی ہے تو کہدیجئے (کہ اب فیصلہ اللہ پر چھوڑ دو) آو ہم اپنے بیٹوں کو بھی بُلائیں اور تمہارے بیٹوں کو بھی اور اپنی عورتوں کو بھی، اور تمہاری عورتوں کو بھی ، اور اپنے آپ کو اور تم کو بھی (یعنی ہم خود بھی آئیں اور تم خود بھی آو) پھر ہم نہایت عاجزی سے (اللہ کے حضور) دعا کریں اور جھوٹوں پر خدا کی لعنت بھیجیں (تا کہ اللہ تعالےٰ کی لعنت جھوٹوں پر پڑے اور حق و باطل کا ابھی فیصلہ ہو جائے، یہ آیت مباہلہ ہے اللہ تعالیٰ نے اپنے رسول کو مباہلہ کا حکم دیا)
اس مباہلہ کےلیے جب سرکارِ دوعالم ﷺ تشریف لے چلے تو انوارِ جلال و جمال کا ایک عجیب سماں تھا۔ آپ کے جسمِ اطہر پر سیاہ چادر تھی جو آفتابِ رسالت کی شعاوں کو اپنے آغوش میں لیے تھی اور خود سرورِ کائنات ﷺ اپنے آغوش مبارک میں اپنے معصوم نواسے حضرت امام حسین رضی اللہ عنہ کو لیے اپنے سینے سے چمٹائے ہوئے تھے کہ دنیا دیکھ لے کہ حق کا یہ معصوم پاسبان ہی وقت پڑنے پر آگے ہوگا۔ اور حضور ، حضرت امامِ حسن رضی اللہ عنہ کا ہاتھ تھامے ہوئے تھے ۔ جگر گوشہ رسول ، حضرت فاطمۃ الزہرہ رضی اللہ عنھا حضور کے پیچھے پیچھے گویا حضور ﷺ کے نقشِ قدم پر چل رہی تھیں اور مولائے کائنات اس نورِ محمدی ﷺ کے پیچھے تھے۔ حسنِ ادب کے یہ نظارے جس درجہ پُر وقار تھے اسی قدر تابناک۔ حضور ﷺ فرما رہے تھے کہ جب میں دعا کروں تم سب آمین کہنا۔ جب اس حلقہ نور پر نجران کے لاٹ پادری کی نظر پڑی تو وہ گھبرا کر بول اٹھا اے نصرانیو! میں آج وہ معصوم نورانی چہرے دیکھ رہا ہوں کہ اگر وہ اللہ سے کہیں کہ پہاڑ کو ہٹا دے تو پہاڑ ہٹا دیے جائیں گے۔ لہذا تم ان سے مباہلہ کی ہمت مت کرو ورنہ سب ہلاک ہو جاو گے اور قیامت کے دن تک کسی عیسائی کا نام و نشان باقی نہ رہے گا۔ چنانچہ وہ مباہلہ کی تاب نہ لا سکے اور سب واپس چلے گئے۔
(بحوالہ :
فیوض القرآن صفحہ 125)
