حضور ہم آپ کی محنت کو سلام پیس کرتے ہیں
میرا مقصد ہر گز ییہ نہیں تھا کہ آپ نے جمیل نستعلیق یا فیض نستعلیق کی تیاری میں کوئی محنت نہیں کی
میں اس کام کے تمام مراحل سے بخوبی آگاہ ہوں
لیکن اگر ان فونٹس کے لگیچر بھی ہمیں خود تیار کرنا پڑتے تو ان پر کتنی محنت اور وقت صرف ہوتا اس کا شاید آپ کو احساس ہی نہیں
ایک معمار تیار شدہ اینٹوں سے دیوار کھڑی کرنے میں جو محنت کرتا ہے وہ یقینا محنت ہے
لیکن اگر معمار کو اینٹیں بھی تیار کرنا پڑیں تو اسے نانی یاد آجائے
میں کچھ اسی قسم کی محنت کا ذکر کر رہا تھا
اگر اس قسم کی محنت کرنے کے لیے کچھ رضا کار تیار ہو جاتے تو ہم آج ایک خالص لاہوری فونٹ تیار کر چکے ہوتے
اور ہمیں فیض نستعلیق جیسے آدھے تیتر آدھے بٹیر ترسیموں پر گزارا نہ کرنا پڑتا اور اتنی باتیں بھی نہ سننا پڑتیں
فیض نستعلیق والوں نے لاہوری خط کو دہلی کی شناخت دینے کے چکر میں جو اس کی مت ماری ہے وہ آپ کے سامنے ہے
میر عمار کے پروجیکٹ کے سلسلہ میں سسٹر مہوش علی نے جو اصرار اور تکرار کی میں اسے فراموش نہیں کر سکتا انہوں نے میری بہت حوصلہ افزائی کی برادرم بلال کا تعاون بھی مجھے ملا اور انہوں نے کچھ ترسیمے تیار کرنے میں میری مدد بھی کی اسی طرح خاور بلال نے بھی میری مدد کی ترسیموں کی تیاری میں عبدالمجید کا خصوصی شکر گزار ہوں کہ انہوں نے پکچر فائلوں کو فونٹس فائلوں میں کنورٹ کر کے دیا
الحمد للہ عماد نستعلیق اب اس قابل ہو گیا ہے کہ
میں نے اس فونٹ پر دو کتابیں شائع کی ہیں
لیکن کام ابھی نا مکمل ہے
By
hassanizami
By
hassanizami
السلام علیکم
محترم شاکر بھائی نے میرا نام بار بار لیکر مجھے شرمندہ کر دیا کیونکہ میں بھی انہیں میں شامل ہوں جنہیں فونٹ کی الف بے تک نہیں پتا اور اسی وجہ سے عملی طور پر کسی طرح کی مدد کرنے سے قاصر ہیں۔
یہ دو چار ادھر اُدھر کی ہانک دینا ایک بات، اور عملی طور پر "جنون" کے تحت کام کرنا اور بات ہے۔ یہ محترم شاکر بھائی اور علوی بھائی کا "جنون" تھا جس نے ان پچھلے پراجیکٹز کو مکمل کیا اور اب بھی انہیں چین سے نہیں بیٹھنے دیتا اور اب بھی یہ بہتر سے بہتر کی تلاش میں ہیں۔
ایسے جنوں کے حامل افراد ہمیشہ قوم کے لیے وہ "رجل" ہوتے ہیں جو بڑی مشکل سے چمن میں پیدا ہوتے ہیں اور اسکے لیے ہمیں اللہ کا شکر ادا کرتے رہنا چاہیے۔ شکر الحمدللہ۔
****************
چند ایک باتیں جو دماغ میں آ رہی ہیں، انہیں یہاں بیان کر دیتی ہوں۔
انگلش کا Times New Roman فونٹ انتہائی خوبصورت ہے۔
مگر اسکے باوجود ضرورت کے تحت بے تحاشہ اور خوبصورت انگلش فونٹ بنائے گئے اور انکا استعمال ہر جگہ ہوا۔
اردو میں ایک نستعلیق فونٹ کے لیے پہلے تڑپتے تھے۔
مگر ضرورت ہمیں کئی قسم کے نستعلیق فونٹز کی ہے۔
ان میں سے یہ فونٹز اہم ہیں۔
1۔ دہلوی نستعلیق سٹائل
علوی اور جمیل نستعلیق اس ضمن میں اس ضرورت کو تقریبا پورا مکمل کرتے ہیں۔ ترسیموں پر اعتراض ختم ہو سکے تو یہ تقریبا پرفیکٹ ہیں۔
استعمال: دہلوی سٹائل ویب سائیٹ کے استعمال کے لیے بہترین ہے۔ ویب کے لیے بہترین فونٹ وہ مانے جاتے ہیں جو زیادہ جگہ نہ گھیریں اور جس میں الفاظ ایک دوسرے کے بہت قریب ہوں اور دو لائنوں کے مابین فاصلہ بہت کم ہو تاکہ کمپیوٹر کی سکرین پر زیادہ سے زیادہ مواد جمع ہو سکے اور اسے بار بار سکرول ڈاؤن نہ کرنا پڑے۔
2۔ لاہوری نستعلیق سٹائل
فیض نستعلیق اس سلسلے میں موجود ہے، مگر یہ کچھ دو سٹائلوں کا مربع بن گیا ہے اور لاہوری نستعلیق کی خوبصورتی پر پورا نہیں اترتا۔
اس سلسلے میں ایک نئے فونٹ کی بہرحال ضرورت موجود ہے۔ اشد ضرورت بلکہ۔
استعمال: اخبارات اور کتابیں [شاعری کے علاوہ] کی کتابت کے لیے یہ فونٹ آئیڈیل ہے۔ اگرچہ کہ دہلوی سٹائل میں بھی یہ ممکن ہے، مگر پرفیکٹ کام کے لیے لاہوری نستعلیق سٹائل کا جواب نہیں۔
مجھے یہ فونٹ ہر فن مولا لگتا ہے کیونکہ اس میں ویب پر بھی کام کیا جا سکے گا۔ پاکستان کے تہذیبی ورثے کے حوالے سے اس فونٹ کا ایجاد ہونا بہت ضروری ہے۔ دہلوی نستعلیق ابھی تک ہمارے ہاں مہمان ہے۔ گستاخی معاف، یہ میں تعصب کی بات نہیں کر رہی ہوں بلکہ حقیقت بیان کر رہی ہوں۔
3۔ ایرانی نستعلیق سٹائل
عماد نستعلیق اسکی بہترین مثال ہے۔
یہ مکمل طور پر ایرانی و عجمی نہیں، بلکہ برصغیر میں کم از کم شاعری کی کتب کی تمام تر کتابت اسی فونٹ میں ہوتی رہی ہے۔
اور آج بھی اگر شاعری کی کوئی کتاب شائع ہوتی ہے، تو عماد نستعلیق کی موجودگی میں کوئی شقاوت بھرا دل ہی ہو گا جو اسے چھوڑ کی کسی اور فونٹ میں شاعری کی کتابت کرے۔
اوپر جو امیجز محترم شاکر بھائی نے پیش کیے ہیں، انہیں ایک دفعہ پھر دیکھ لیں تو آپ کو اس بات کا اندازہ ہو جائے گا۔
ایک مسئلہ اور یہ ہے کہ شاعری صرف کتابوں تک محدود نہیں، بلکہ نیٹ پر بھی شاعری کی کتب آنلائن کی جاتی ہیں اور ہر مضمون میں کہیں نہ کہیں دو چار اشعار تحریر میں آ ہی جاتے ہیں۔ اس لیے نیٹ پر بھی یہ فونٹ شاعری کے لیے قابل استعمال ہونا چاہیے۔
اوپر شاکر بھائی نے اس فونٹ میں ایک عام تحریر کا عکس بھی ارسال کیا ہے۔ میرے دل کی بات سننا چاہیں تو وہ یہ ہے کہ عام غیر شاعری تحریر بھی اس فونٹ میں اسقدر جاذب نظری و دلکشی رکھتی ہے کہ میں اسے دہلی نستعلیق سٹائل پر شائد ہمیشہ فوقیت دیتی رہوں۔
عماد نستعلیق کے مقابلے میں لاہوری نستعلیق اور دہلوی نستعلیق ایک دوسرے سے تھوڑے قریب ہیں اور انکا استعمال بھی تقریبا ایک جیسا ہے۔ جبکہ عماد نستعلیق شاعری کتب میں اپنے استعمال کی وجہ سے بالکل جدا اور لازمی ہے۔
اس لیے میرا ووٹ بھی اس سلسلے میں یہی ہو گا کہ پہلے عماد نستعلیق پر توجہ دی جائے اور اسے مکمل کیا جائے۔ یہ پہلے ہی اپنی تخلیق کے بہت سے مراحل پورے کر چکا ہے، لہذا لاہوری نستعلیق پراجیکٹ کو نئے سرے سے شروع کرنے کی جگہ پہلے اس پراجیکٹ کو ہر صورت مکمل کر لیا جائے۔
فنڈ اکھٹا کرنے کا پلان بہت ہی اچھا ہے اور میں تو بہت پہلے سے اسکے حق میں رہی ہوں۔ یہ جنوں و شوق اپنی جگہ، مگر ہر کسی کے ساتھ ایک پیٹ بھی بندھا ہوا ہے۔ محترم فاروق سرور صاحب نے علوی نستعلیق فونٹ کی تکمیل پر خوش ہو کر علوی بھائی کو پچاس ہزار روپے بطور انعام دیے۔ اور میں اُس وقت سوچ رہی تھی اگر فاروق سرور صاحب اس پراجیکٹ کے آغاز میں ہی علوی بھائی کو یہ پچاس ہزار روپے دے دیتے تو شاید علوی نستعلیق فونٹ ایک سال پہلے ہی ریلیز ہو جاتا
خیر دیر آید درست آید۔ ہر پروجیکٹ کے لیے چندہ جمع کرنا انتہائی لازمی چیز ہے۔ اگر ہم نے پچھلے تجربات سے کوئی سبق سیکھ لیا ہے تو اب اسکا ہمیں استعمال کرنا چاہیے۔
محترم شاکر بھائی سے درخواست ہے کہ وہ کسی خطاط سے پوچھ کر اس پورے پروجیکٹ کا تخمینہ بیان کر دیں۔ اور اس تخمینے کو نہ صرف یہ کہ اردو ویب پر لگایا جائے [جیسا کہ ویب ڈونیشن کے لیے بینر لگا ہے] بلکہ یہ تخمینہ دیگر اردو بلکہ ہر پاکستانی انگلش ویب سائیٹ پر بھی موجود ہو۔
4۔نستعلیق کا نیا سٹائل
مجھے نستعلیق کا یہ نیا ڈیزائن بہت پسند آیا ہے۔ نہ صرف دیباچہ، بلکہ تحریر کے دوران جہاں پر کسی چیز کو QUOTE کرنا پڑے، یا پھر آیت کے ترجمے کے لیے جہاں کہیں بھی کچھ سطروں کو بقیہ ٹیکسٹ سے ممتار کرنا ہو، وہاں اس فونٹ کا استعمال آئڈیل ثابت ہو گا۔
اور یقین کریں اس فونٹ کو پہلی نظر دیکھ کر مجھے فورا کچھ کتابوں کے دیباچے ہیں یاد آئے تھے
۔ ماشاء اللہ، یہ بہت اچھی کوشش ہے اور محترم شاکر بھائی یہ جو کام مکمل کر چکے ہیں اسکی طرف شاید اگلے کچھ سالوں تک ہمارا دماغ تک نہ پہنچ پاتا۔ آپ کو اس کام کے لیے بہت بہت مبارکباد اور اگرچہ کہ میں آپ سے چھوٹی ہوں مگر پھر بھی آپکو بہت بہت شاباش۔ اللہ آپکی توفیقات میں مزید اضافہ فرمائے اور آپکا سایہ ہمارے سروں ہر دیر تک قائم و دائم رکھے۔ امین۔ والسلام۔
