متفرق نظم ۔ اتنی محنت کون کرے ۔ محمداحمد

[محمداحمد]

خاکسار کی ایک معصوم سی نظم شائقین اور خائفینِ پائتھون کے نام ​

اتنی محنت کون کرے​

​

یوں تو دنیا ٹھیک ہے لیکن
اس کے کچھ انداز غلط ہیں
میری اپنی سوچ ہے بھیا
اس کے "ہم آواز" غلط ہیں
لیکن "اِن" سے کون لڑے
اتنی محنت کون کرے

مانا لیلیٰ پیاری ہوگی
سب کی راج دلاری ہوگی
اُس کو پانا، دنیا بھر کی
خوشیاں پانے جیسا ہوگا
صحراؤں میں کون پھرے
اتنی محنت کون کرے

میر و غالب اچھے ہوں گے
شعر بھی اچھے کہتے ہوں گے
لیکن اتنے مشکل مشکل
لفظوں کے دکھ سہتے ہوں گے
فرہنگ دیکھے، آہ بھرے
اتنی محنت کون کرے

چار کتابیں پڑھ کر میں بھی
باتیں اچھی کر سکتا ہوں
موج و مستی کی دنیا میں
بور کسی کو کر سکتا ہوں
چار کتابیں کون پڑھے
اتنی محنت کون کرے

اک افعی نے بھیا کی بھی
نیند چرا لی، چین چرایا
نیلے پیلے حرف و ہندسے
اور تو کچھ بھی ہاتھ نہ آیا
بھیا ہم سے ہوئے پرے
اتنی محنت کون کرے

انٹرنیٹ کی پیاری دنیا
گود میں بھر لوں ساری دنیا
گوگل، ٹوئٹر، اردو محفل
جن پر ہم نے واری دنیا
وکی پیڈیا کون لکھے
اتنی محنت کون کرے

لیکن بھیا کہتے ہیں کہ
گوگل، ٹوئٹر، اردو محفل
وکی پیڈیا، چیٹ، اسکائپ
سب ہی محنت کا ثمرہ ہیں
جن کی بدولت، جن کے دم پر
آج ہمارا اور اچھا ہے
آنے والی کل کی ساعت
اس سے بھی کچھ ارفع ہوگی
لیکن
لیکن
لیکن پیارے !
تھوڑی محنت کرنا ہوگی۔

محمد احمدؔ​

 

[عبدالقدوس راشد]

واہ جی واہ
واقعی پتا چل رہا ہے کہ آپ نے تھوڑی سی محنت کی ہوگی۔

 

[محمداحمد]

ٹیگ نامہ

 

[محمداحمد]

واہ جی واہ
واقعی پتا چل رہا ہے کہ آپ نے تھوڑی سی محنت کی ہوگی۔

 

[محب علوی]

زبردست محمداحمد ۔

یہ مصرعہ توجہ چاہتا ہے

شعر بھی اچھے کہتے ہیں ہوں گے

 

[سید ذیشان]

بہت اچھی نظم ہے

 

[سیدہ شگفتہ]

زبردست محمد احمد بھائی

 

[مقدس]

احمد بھیا لگتا ہے ہم جیسوں کو آپ نے موٹیویٹ کر کے چھوڑنا ہے

 

[ملائکہ]

چار کتابیں پڑھ کر میں بھی
باتیں اچھی کر سکتا ہوں
موج و مستی کی دنیا میں
بور کسی کو کر سکتا ہوں
چار کتابیں کون پڑھے
اتنی محنت کون کرے

محمد احمدؔ

یہ والا تو بڑا ہی مزے کا ہے

 

[امیداورمحبت]

محمداحمد یہ خوابوں میں بھی پائتھون کا گزر تو نہیں آج کل ؟؟؟؟؟؟

 

[عائشہ عزیز]

اتنی پیاری نظم ہے احمد بھیاا

 

[محب علوی]

بہت اچھی نظم ہے

zeesh
آپ بھی غائب ہیں دوسروں کی طرح ۔

 

[محب علوی]

احمد بھیا لگتا ہے ہم جیسوں کو آپ نے موٹیویٹ کر کے چھوڑنا ہے

مقدس ، تم ابھی متحرک و جذباتی نہیں ہوئی ہو۔

میں اور محمد احمد اب باقاعدہ پائتھون کے خواب دیکھتے ہیں دن میں۔

 

[مقدس]

مقدس ، تم ابھی متحرک و جذباتی نہیں ہوئی ہو۔

میں اور محمد احمد اب باقاعدہ پائتھون کے خواب دیکھتے ہیں دن میں۔

نہیں بھیا۔۔ الحمدللہ ابھی تک میں بالکل ٹھیک ہوں

 

[محمد اسامہ سَرسَری]

نظم تمھاری ٹھیک ہے لیکن​

اس کے کچھ انداز غلط ہیں ​

میری اپنی سوچ ہے بھیا ​

اس کے "ہم آواز" غلط ہیں​

درست اس کو کون کرے​

اتنی محنت کون کرے ​

 

[محب علوی]

احمد ، ویسے تاریخ میں صفحات میں پائتھون پڑھانے کی یہ تاریخی کوشش سنہرے پنوں پر ضرور لکھی جائے گی۔

 

[محب علوی]

نہیں بھیا۔۔ الحمدللہ ابھی تک میں بالکل ٹھیک ہوں

تم کو پائتھون کی چیلی نہ بنایا تو میرا نام نہیں۔

 

[مقدس]

تم کو پائتھون کی چیلی نہ بنایا تو میرا نام نہیں۔

اففف آئی کانٹ اسٹاپ لافنگ بھیا
محب بھیا میں اسی لیے آپ کے ہاتھ نہیں لگتی آج کل

 

[محب علوی]

اففف آئی کانٹ اسٹاپ لافنگ بھیا
محب بھیا میں اسی لیے آپ کے ہاتھ نہیں لگتی آج کل

فکر نہ کرو ، میرے ہاتھ بہت سے لوگ نہیں لگ رہے مگر میں بھی گھات لگا کر بیٹھا ہوا ہوں کہ کون کہاں چوک جائے اور میں پائتھون چھوڑ دوں اس پر ۔

 

[امیداورمحبت]

مقدس آؤ کہیں اور چلیں جہاں لوگ سنہرے خواب دیکھتے ہوں