وزل: ایک نئی صنفِ سخن کا تعارف

[محمد خرم یاسین]

خوبصورت اور پر مزہ تحریر۔

 

[محمد خلیل الرحمٰن]

"میں نے مزاح میں ایک نئی غزل ایجاد کی ہے جس کا نام ہے 'پاگل غزل'، غزل کی ہیئت میں کوئی تبدیلی نہیں کی گئی ہے، نہ مصرعے چھوٹے بڑے ہوتے ہیں، صرف خیال میں تبدیلی ہے کہ ایسے بے تکے خیال کوئی صحیح الدماغ شخص ادا نہیں کرسکتا"
( اطہر شاہ خاں جیدی ایک مشاعرے میں اپنی پاگل غزل پیش کرتے ہوئے)

پاگل غزل از اطہر شاہ خان جیدی

 

[محمد خلیل الرحمٰن]

خوبصورت اور پر مزہ تحریر۔

آداب عرض ہے محمد خرم یاسین بھائی

 

[محمد خرم یاسین]

آداب عرض ہے محمد خرم یاسین بھائی

بصد احترام آداب۔

 

[محمد خلیل الرحمٰن]

آج صبح سفیر آفریدی بھائی نے وزل کا ایک تازہ شعر عنایت فرمایا ہے۔ عجب وزل کا غضب شعر!!!

تعین کرنے والے لوگ قتل کے کچھ اسرار رکهتے ہیں
مقتول کے خون نزدیک ہے کچھ بہار رکهتے ہیں

بہت داد قبول فرمائیے ۔

 

[عبید انصاری]

آج صبح سفیر آفریدی بھائی نے وزل کا ایک تازہ شعر عنایت فرمایا ہے۔ عجب وزل کا غضب شعر!!!



بہت داد قبول فرمائیے ۔

یہ تو "ہزل" معلوم ہو رہا۔

 

[محمد خلیل الرحمٰن]

یہ تو "ہزل" معلوم ہو رہا۔

ہزل تو عبید انصاری بھائی پرانی بات ہوئی۔ اب تو وزل کا دور ہے۔ خدارا اس لڑی کے پہلے صفحے پر موجود ہمارے مضمون کو بھی پڑھ ڈالیے۔

اور ہاں! رائے شماری میں حصہ لینا نہ بھولیں.

 

[عبید انصاری]

ہزل تو عبید انصاری بھائی پرانی بات ہوئی۔ اب تو وزل کا دور ہے۔ خدارا اس لڑی کے پہلے صفحے پر موجود ہمارے مضمون کو بھی پڑھ ڈالیے۔

اور ہاں! رائے شماری میں حصہ لینا نہ بھولیں.

چلیں صاحب آپ اپنی ذمہ داری پر سفیر صاحب کے کلام کو وزل میں ڈال لیں۔ لیکن ہم پہلے ہی بتائے دیتے ہیں کہ سفیر صاحب کا ہمہ جہت اور متنوع کلام شامل کرنے کے لیے آپ کو وزل کے بنیادی اصولوں میں بہت سی کتربیونت کرنی پڑے گی۔

 

[فلسفی]

استاد محبوب نرالے عالم کا فارسا کلام بھی قابلِ تعریف ہے۔

نظر خمی خمی، نظر گمی گمی، نظر سمی سمی
دھمک سٹک فزوں، فضا فسردنی، حیا لبم لبم
عشر خموشگی، خمو عشر فشاں، نمو زدم زدم
قلی وقل ونی، وقل فنوقنی، قنا قلم قلم
نظر خمی خمی، نظر گمی گمی، نظر سمی سمی​

محترم اس کا ترجمہ اگر مل جائے تو مزہ آ جائے۔

لہٰذا ہم ایک نیا لفظ‘‘ لمگشتگی ’’ بھی استعمال کیا ہے ۔ گو ابھی ان الفاظ کے معنی دریافت نہیں ہوپائے لیکن ہمیں یقین ہے کہ وقت گزرنے کے ساتھ ساتھ عوام الناس ان الفاظ کو بامعنی بھی بنا دیں گے۔

ہمیں قوی امید ہے کہ وزل کی بڑھتی ہوئی مقبولیت کے سبب موجودہ شعراء گھبرا کر غزل کہنا چھوڑ دیں گے اور وزل کی طرف لپکے ہوئے آئیں گے

 

[عبید انصاری]

محترم اس کا ترجمہ اگر مل جائے تو مزہ آ جائے۔

حیرت ہے کہ اس کے ترجمے میں کیا مشکل پیش آگئی۔
چلیں میں تھوڑا سا ترجمہ کردیتا ہوں اس سے آپ باقی بھی سمجھ جائیں گے:
نظر خمی خمی ہے، نظر گمی گمی ہے اور نظر سمی سمی بھی ہے۔
دھمک سٹک فزوں ہے، فضا فسردنی ہے اور حیا لبم لبم ہے۔
۔۔۔۔ وعلی ہذا القیاس

 

[فلسفی]

حیرت ہے کہ اس کے ترجمے میں کیا مشکل پیش آگئی۔
چلیں میں تھوڑا سا ترجمہ کردیتا ہوں اس سے آپ باقی بھی سمجھ جائیں گے:
نظر خمی خمی ہے، نظر گمی گمی ہے اور نظر سمی سمی بھی ہے۔
دھمک سٹک فزوں ہے، فضا فسردنی ہے اور حیا لبم لبم ہے۔
۔۔۔۔ وعلی ہذا القیاس

محترم آپ اہل علم و فضل میں سے ہیں اور پرانے محفلین بھی۔ ہم جیسے جن کا ادب سے دور دور تک کوئی تعلق نہیں، کے لیے یہ فقط جنتر منتر ہی ہے۔ ہماری کج فہمی دیکھیے کہ آپ کی انتہائی سلیس اردو کے باوجود ہم جیسا ناقصل العقل اس کو سمجھ نہیں پایا۔ اس لیے ہم اپنے الفاظ واپیس لیتے ہیں اور آئندہ ایسی کسی تحریر کو سمجھنے کی جسارت سے تائب ہوتے ہیں۔ وعلی ہذا الیقین

 

[عبید انصاری]

محترم آپ اہل علم و فضل میں سے ہیں اور پرانے محفلین بھی۔ ہم جیسے جن کا ادب سے دور دور تک کوئی تعلق نہیں، کے لیے یہ فقط جنتر منتر ہی ہے۔ ہماری کج فہمی دیکھیے کہ آپ کی انتہائی سلیس اردو کے باوجود ہم جیسا ناقصل العقل اس کو سمجھ نہیں پایا۔ اس لیے ہم اپنے الفاظ واپیس لیتے ہیں اور آئندہ ایسی کسی تحریر کو سمجھنے کی جسارت سے تائب ہوتے ہیں۔ وعلی ہذا الیقین

میرا اشارہ اس طرف ہے کہ یہ اشعار ترجمہ کا بوجھ نہیں اٹھا سکتے۔ اور کوئی بات نہیں۔

 

[عرفان سعید]

آج صبح سفیر آفریدی بھائی نے وزل کا ایک تازہ شعر عنایت فرمایا ہے۔ عجب وزل کا غضب شعر!!!


بہت داد قبول فرمائیے ۔

نثری وزل کے اسرار و رموز سے آگاہی کے لیے آفریدی صاحب کے مراسلہ جات کا بغور مطالعہ فرمائیں!

 

[عرفان سعید]

وزل: ایک نئی صنفِ سخن کا تعارف

محمد خلیل الرحمٰن​

نیا زمانہ ہے ، نیا دور ہے، نئے اوقات ہیں۔ یاروں نے ہر فیلڈ میں روشِ کہنہ کو چھوڑ کر نئی طرزیں نکالی ہیں، نئی روشیں اپنالی ہیں۔ادبِ عالیہ اور ادبِ سافلہ بھی اس نئی ہوا سے نہ بچ پائے ہیں۔ جدید نظم، نثری نظم، جدید افسانہ، علامتی افسانہ ، ملامتی صوفی اور دیگر اصنافِ سخن کی ایجاد و توجیہ کا کام تیزی کے ساتھ جاری و ساری ہے۔یہاں تک کہ صنفِ نازک اور صنفِ غزل بھی اس سے نہ بچ پائے ہیں۔ صنفِ نازک کا تو کہنا ہی کیا، کہ ایسی ایسی نئی صورتیں وجود میں آرہی ہیں کہ دیکھنے والے دنگ رہ جائیں۔ اللہ بچائے حسن والوں سے۔صنفِ نازک گو اصنافِ سخن کا ہمیشہ سے موضوع رہی ہیں لیکن ہمارے اس مضمون کا براہِ راست موضوع نہیں لہٰذا ان کا تذکرہ درمیان میں چھوڑتے ہوئے آگے بڑھتے ہیں۔


غزل جس کا موضوع شروع ہی سے محبوب سے باتیں کرنا تھا اسے بھی ستم ظریفوں نے بدلنا چاہا اور اس میں دنیا جہان کے موضوعات شامل کرنے کی ایک مہم چلائی گئی جو بضفلِ خدا بری طرح ناکام ہوئی۔ اس ناکامی کے بعد جدید اور نثری نظم کی طرز پر جدید اور نثری غزل متعارف کروائی گئیں اور اب ان میں روز افزوں ترقی و تنوع دیکھنے میں آرہا ہے۔


اس نئی صورتِ احوال سے اربابِ سخن تو پریشان تھے ہی ، کل صبح جب ہماری آنکھ کھلی تو ہم بھی پریشان ہوگئے۔ ابھی آنکھیں کھول کر خالی الذہنی کے عالم میں خلا میں گھو رہے تھے کہ بیگم نے عینک ہاتھ میں تھمادی۔ اب جو چونک کر اِدھر اُدھر دیکھا تو وہی کاٹھ کباڑ سے بھری ہوئی دنیاء نظر آئی اور ایک نیا خیال دل میں گھر کر گیا۔ اے عضوِ معطل! اُٹھ اور اُٹھ کر نئی غزل کی تلبیس و تسمیہ کا کارِ عظیم سر انجام دے۔

غزل اور ہزل کی قدیم اصنافِ سخن کے ساتھ ہم اس نئی صنف کا نام وزل تجویز کرتے ہیں اور مندرجہ ذیل مضمون میں اس کی وجہِ تسمیہ اور دیگر اوصاف بیان کرنے کی حتیٰ الوسع کوشش کرتے ہیں۔

اردو زبان مین کسی بھی لفظ کے ساتھ اسکے پہلے حرف کو واو سے بدل کر استعمال کرنے کا طریقہ نیا نہیں ۔ اس دوسرے لفظ کو عموماً بے معنی سمجھا جاتا ہے جو کہ ایک بہت بڑی غلطی ہے۔ یہ لفظ اس پہلے لفظ کا ہمزاد ہوتا ہے اور اس لفظ کے مساوی اور مخالف معنی رکھتا ہے۔ غزل کے ساتھ وزل کا لفظ استعمال کیا جانا چاہیے۔ اسی وزل کو جدید یا نثری غزل بھی کہا جاسکتا ہے۔ذیل میں وزل کے خواص درج کیے جاتے ہیں۔


· ایسے الفاظ و تراکیب کا استعمال جو اب متروک ہیں یا کبھی انہیں استعمال کرنے کی نوبت نہیں آئی

· ایسے الفاظ کا استعمال جو اردو زبان کے لیے نئی دریافت کا درجہ رکھتے ہیں

· ایسی تراکیب کا استعمال جو اساتذہ کے لیے بھی اچنبھے کا باعث ہیں

· اشعار کو بامعنی بنانے کی مصنوعی مساعی سے گریز

· غزل کے برعکس ضروری نہیں کہ شعر کے مضمون کا مکمل ابلاغ بھی ہورہا ہو

· ایک ہی وَزَل میں دو یا دوسے زیادہ بحور کا استعمال

· غزل کے برعکس قافیے پر قافیہ تنگ کردینا یعنی آزادانہ قافیوں کا استعمال

· ردیف کی جگہ وزل کی خصوصیت ‘‘ ردیفِ خفی ’’ کا استعمال ، یعنی

o ہر چند کہیں کہ ہے، نہیں ہے

·



اس نئی صنفِ سخن کو متعارف کروانے والوں میں سرِ فہرست تو امام المتوزلین ( بروزنِ اما م المتغزلین ) جناب استاد محبوب نرالے عالم کا ہے۔ پھر دوسرا نہیں تو تیسرا نام فدوی کا ہونا چاہئے۔ استاد محبوب نرالے عالم کے کلام سے کچھ چیدہ اشعار اس ضمن میں پیش ہیں۔

حسن کو آفتاب میں ضم ہوگیا ہے
عاشقی کو ضرور بے خودی کا غم ہوگیا ہے


پوچھو ہو رشتہ ہم سے فسردہ بہارِ دل
ہم رہنے والے ہیں اسی اجڑے مزار کے​

مزید

تم بھلا باز آؤ گے غالب
راستے میں چڑھاؤ گے غالب
کعبہ کِس منہ سے جاؤ گے غالب
شرم تم کو مگر نہیں آتی
​

استاد محبوب نرالے عالم کا فارسا کلام بھی قابلِ تعریف ہے۔

نظر خمی خمی، نظر گمی گمی، نظر سمی سمی
دھمک سٹک فزوں، فضا فسردنی، حیا لبم لبم
عشر خموشگی، خمو عشر فشاں، نمو زدم زدم
قلی وقل ونی، وقل فنوقنی، قنا قلم قلم
نظر خمی خمی، نظر گمی گمی، نظر سمی سمی
​

اس عارفانہ کلام کے بعد (جو ہم نے جناب ابنِ صفی کی کتاب ڈاکٹر دعاگو سے مستعار لیا ہے) ہم کچھ اپنی نگارشات بھی پیش کرنے کی جسارت کریں گے۔ فی الحال ایک وزل پیشِ خدمت ہے۔

‘‘گو نو ا گو ’’ میں زے بھی آتی ہے
زے لگائیں تو بحر جاتی ہے

کیسا ‘‘لمگشتگی’’ کا عالم ہے
نیند آتی نہ نیند جاتی ہے

ہار کر بھی جو ہارنا چاہوں
جیت ناخن کھڑی چباتی ہے

ایک بکرا ہی چاہیے تھا ‘‘ وَر’’
اس سے سستی تو گائے آتی ہے

اُس ‘‘ نے آخر کو ہولیا خاموش’’
بات کرنی اُسے بھی آتی ہے

‘‘شعر گوئی پہ ہم ہی کیوں مائل’’
تُک (کی) بندی تو سب کو آتی ہے

‘‘دل ہتھیلی میں پیش ’’ کرتے ہی
‘‘نیک نام’’ اپنی داستاں کی ہے

روندنے کو ہی لیک (ن) آجاتے
شاعری روز کی کہانی ہے

​

نوٹ کیجیے کہ کس خوبصورتی کے ساتھ ہم نے لیکن کی جگہ ‘‘لیک’’ اور ورنہ کی جگہ‘‘ ور’’ استعمال کیا ہے۔ مزید یہ کہ اردو زبان کو نئے الفاظ سے روشناس کروانے کا ذمہ بھی چونکہ وزل نے ہی لیا ہے لہٰذا ہم ایک نیا لفظ‘‘ لمگشتگی ’’ بھی استعمال کیا ہے ۔ گو ابھی ان الفاظ کے معنی دریافت نہیں ہوپائے لیکن ہمیں یقین ہے کہ وقت گزرنے کے ساتھ ساتھ عوام الناس ان الفاظ کو بامعنی بھی بنا دیں گے۔

ہمیں قوی امید ہے کہ وزل کی بڑھتی ہوئی مقبولیت کے سبب موجودہ شعراء گھبرا کر غزل کہنا چھوڑ دیں گے اور وزل کی طرف لپکے ہوئے آئیں گے نیز وہ دن دور نہیں جب اردو زبان و ادب نثری نظم اور وزل کے حوالے سے جانے پہچانے جائیں گے۔

ویکی پیڈیا کی طرز پر ہم چاہیں گے کہ دیگر وزل گو شعراء بھی اپنے آپ کو اس دھاگے میں متعارف کروائیں گے اور اپنا نمائندہ کلام پیش کرنے سے نہیں چوکیں گے۔
(جاری)


۔

محترم محمد خلیل الرحمٰن بھائی! کیا ہی خوب مزاح کا شاہکار تخلیق کیا ہے۔ میری نظر سے آج یہ تحریر گزری اور پڑھ کر بے انتہا لطف آیا۔ بہت بہت اعلیٰ!

سرگوشی

یہ تحریر پہلے نظر سے گزری ہوتی تو "وزن" سیکھنے کے لیے اتنا تردد نہ کرتا!!!

 

[محمد خلیل الرحمٰن]

محترم محمد خلیل الرحمٰن بھائی! کیا ہی خوب مزاح کا شاہکار تخلیق کیا ہے۔ میری نظر سے آج یہ تحریر گزری اور پڑھ کر بے انتہا لطف آیا۔ بہت بہت اعلیٰ!

سرگوشی

یہ تحریر پہلے نظر سے گزری ہوتی تو "وزن" سیکھنے کے لیے اتنا تردد نہ کرتا!!!

آداب عرض ہے عرفان سعید بھائی! جزاک اللہ

 

[سفیر آفریدی]

آداب

 

[سفیر آفریدی]

احترامات گوش بر آواز بہتر محسوس ہوتا ہے اصلاح کی ضرورت پڑے کر دیجئیے تنقید ہو مگر طنز میرے کیسی کام کا نہیں

 

[عبید انصاری]

احترامات گوش بر آواز بہتر محسوس ہوتا ہے اصلاح کی ضرورت پڑے کر دیجئیے تنقید ہو مگر طنز میرے کیسی کام کا نہیں

فکر نہ کریں سب محبت سے ہی کہہ رہے ہیں۔

 

[سفیر آفریدی]

اب محترم آپکی باری قاتل قتل بلاوجہ نہیں کرتا آپ درست کہتے ہیں صحیح دماغ شخص ایسا نہیں کرتا
خیال باندھا تو سمجهہ سے عاری باندھا اب اس کے مفہوم یہ ہے
ایک دهماکہ اور ایک ٹارگٹ کلنگ دهماکے سے اڑے انسانی چیهتڑے آپکی تصور پر ایک اثر ایک رنگ چهوڑتا ہے اس طرح ٹارگٹ کلنگ مگر ان کیفیات اور محسوسات کو سمجھنے کے لئے کچھ ایسا اثر لینا پڑے گا
میں نے ایسے میدان کارزار بهی دیکهے جو ایک ماں کے بیٹے آپس میں ایک دوسرے پر حملہ آور ہے اب یہ سمجهنا پڑے گا آخر کیوں
چونکہ بہتر طور پر سمجها دیں دوسرے شعر کا مطلب تو اس کے لئے آپکو چاہیے خلائی مخلوق کے وجود پر غور کرو
فیصلہ کن قوتیں جس طرح نواز شریف کی آنکھوں میں خار ہے
فیصلہ کن قوت کیا وجود رکهتے ہیں
میں نے اس شخص کے گفتگو پہ تبصرہ کیا
جتنے بھی لوگ ہلاک ہوئے معاف کرنا شہید ہوئے
آپ نہیں دیکهتے ہو کیا رہا ہے میں نے عرض کیا ان کے خون رائیگاں نہیں کچھ رنگ لے ائیں گے
اس بات سے بلکل اتفاق ہے ہر کیسی کو اسی کی سمجهہ کے مطابق گفتگو دینا مشکل ہے
اور میں نہیں مانتا یہاں ہر شاعر اور ادیب کی لہہ اور بحر ہر شخص اسی طرح سمجهے جو اس کا احساس تها

میرے پاس ایک شعر ہے

بندہ پرور کوئی خیرات نہیں
ہم وفاؤں کا صلہ مانگتے ہیں

میں یہ گزارش اور امید کرتا ہوں اصلاح کی نظر سے میرا گفتگو دیکهو نہ سمجهو تو پوچھ لیا کریں
نہ کہ اس پر طنز کا نیا سلسلہ شروع کر دیا جائے

 

[جاسمن]

وزل: ایک نئی صنفِ سخن کا تعارف

محمد خلیل الرحمٰن​

نیا زمانہ ہے ، نیا دور ہے، نئے اوقات ہیں۔ یاروں نے ہر فیلڈ میں روشِ کہنہ کو چھوڑ کر نئی طرزیں نکالی ہیں، نئی روشیں اپنالی ہیں۔ادبِ عالیہ اور ادبِ سافلہ بھی اس نئی ہوا سے نہ بچ پائے ہیں۔ جدید نظم، نثری نظم، جدید افسانہ، علامتی افسانہ ، ملامتی صوفی اور دیگر اصنافِ سخن کی ایجاد و توجیہ کا کام تیزی کے ساتھ جاری و ساری ہے۔یہاں تک کہ صنفِ نازک اور صنفِ غزل بھی اس سے نہ بچ پائے ہیں۔ صنفِ نازک کا تو کہنا ہی کیا، کہ ایسی ایسی نئی صورتیں وجود میں آرہی ہیں کہ دیکھنے والے دنگ رہ جائیں۔ اللہ بچائے حسن والوں سے۔صنفِ نازک گو اصنافِ سخن کا ہمیشہ سے موضوع رہی ہیں لیکن ہمارے اس مضمون کا براہِ راست موضوع نہیں لہٰذا ان کا تذکرہ درمیان میں چھوڑتے ہوئے آگے بڑھتے ہیں۔


غزل جس کا موضوع شروع ہی سے محبوب سے باتیں کرنا تھا اسے بھی ستم ظریفوں نے بدلنا چاہا اور اس میں دنیا جہان کے موضوعات شامل کرنے کی ایک مہم چلائی گئی جو بضفلِ خدا بری طرح ناکام ہوئی۔ اس ناکامی کے بعد جدید اور نثری نظم کی طرز پر جدید اور نثری غزل متعارف کروائی گئیں اور اب ان میں روز افزوں ترقی و تنوع دیکھنے میں آرہا ہے۔


اس نئی صورتِ احوال سے اربابِ سخن تو پریشان تھے ہی ، کل صبح جب ہماری آنکھ کھلی تو ہم بھی پریشان ہوگئے۔ ابھی آنکھیں کھول کر خالی الذہنی کے عالم میں خلا میں گھو رہے تھے کہ بیگم نے عینک ہاتھ میں تھمادی۔ اب جو چونک کر اِدھر اُدھر دیکھا تو وہی کاٹھ کباڑ سے بھری ہوئی دنیاء نظر آئی اور ایک نیا خیال دل میں گھر کر گیا۔ اے عضوِ معطل! اُٹھ اور اُٹھ کر نئی غزل کی تلبیس و تسمیہ کا کارِ عظیم سر انجام دے۔

غزل اور ہزل کی قدیم اصنافِ سخن کے ساتھ ہم اس نئی صنف کا نام وزل تجویز کرتے ہیں اور مندرجہ ذیل مضمون میں اس کی وجہِ تسمیہ اور دیگر اوصاف بیان کرنے کی حتیٰ الوسع کوشش کرتے ہیں۔

اردو زبان مین کسی بھی لفظ کے ساتھ اسکے پہلے حرف کو واو سے بدل کر استعمال کرنے کا طریقہ نیا نہیں ۔ اس دوسرے لفظ کو عموماً بے معنی سمجھا جاتا ہے جو کہ ایک بہت بڑی غلطی ہے۔ یہ لفظ اس پہلے لفظ کا ہمزاد ہوتا ہے اور اس لفظ کے مساوی اور مخالف معنی رکھتا ہے۔ غزل کے ساتھ وزل کا لفظ استعمال کیا جانا چاہیے۔ اسی وزل کو جدید یا نثری غزل بھی کہا جاسکتا ہے۔ذیل میں وزل کے خواص درج کیے جاتے ہیں۔


· ایسے الفاظ و تراکیب کا استعمال جو اب متروک ہیں یا کبھی انہیں استعمال کرنے کی نوبت نہیں آئی

· ایسے الفاظ کا استعمال جو اردو زبان کے لیے نئی دریافت کا درجہ رکھتے ہیں

· ایسی تراکیب کا استعمال جو اساتذہ کے لیے بھی اچنبھے کا باعث ہیں

· اشعار کو بامعنی بنانے کی مصنوعی مساعی سے گریز

· غزل کے برعکس ضروری نہیں کہ شعر کے مضمون کا مکمل ابلاغ بھی ہورہا ہو

· ایک ہی وَزَل میں دو یا دوسے زیادہ بحور کا استعمال

· غزل کے برعکس قافیے پر قافیہ تنگ کردینا یعنی آزادانہ قافیوں کا استعمال

· ردیف کی جگہ وزل کی خصوصیت ‘‘ ردیفِ خفی ’’ کا استعمال ، یعنی

o ہر چند کہیں کہ ہے، نہیں ہے

·



اس نئی صنفِ سخن کو متعارف کروانے والوں میں سرِ فہرست تو امام المتوزلین ( بروزنِ اما م المتغزلین ) جناب استاد محبوب نرالے عالم کا ہے۔ پھر دوسرا نہیں تو تیسرا نام فدوی کا ہونا چاہئے۔ استاد محبوب نرالے عالم کے کلام سے کچھ چیدہ اشعار اس ضمن میں پیش ہیں۔

حسن کو آفتاب میں ضم ہوگیا ہے
عاشقی کو ضرور بے خودی کا غم ہوگیا ہے


پوچھو ہو رشتہ ہم سے فسردہ بہارِ دل
ہم رہنے والے ہیں اسی اجڑے مزار کے​

مزید

تم بھلا باز آؤ گے غالب
راستے میں چڑھاؤ گے غالب
کعبہ کِس منہ سے جاؤ گے غالب
شرم تم کو مگر نہیں آتی
​

استاد محبوب نرالے عالم کا فارسا کلام بھی قابلِ تعریف ہے۔

نظر خمی خمی، نظر گمی گمی، نظر سمی سمی
دھمک سٹک فزوں، فضا فسردنی، حیا لبم لبم
عشر خموشگی، خمو عشر فشاں، نمو زدم زدم
قلی وقل ونی، وقل فنوقنی، قنا قلم قلم
نظر خمی خمی، نظر گمی گمی، نظر سمی سمی
​

اس عارفانہ کلام کے بعد (جو ہم نے جناب ابنِ صفی کی کتاب ڈاکٹر دعاگو سے مستعار لیا ہے) ہم کچھ اپنی نگارشات بھی پیش کرنے کی جسارت کریں گے۔ فی الحال ایک وزل پیشِ خدمت ہے۔

‘‘گو نو ا گو ’’ میں زے بھی آتی ہے
زے لگائیں تو بحر جاتی ہے

کیسا ‘‘لمگشتگی’’ کا عالم ہے
نیند آتی نہ نیند جاتی ہے

ہار کر بھی جو ہارنا چاہوں
جیت ناخن کھڑی چباتی ہے

ایک بکرا ہی چاہیے تھا ‘‘ وَر’’
اس سے سستی تو گائے آتی ہے

اُس ‘‘ نے آخر کو ہولیا خاموش’’
بات کرنی اُسے بھی آتی ہے

‘‘شعر گوئی پہ ہم ہی کیوں مائل’’
تُک (کی) بندی تو سب کو آتی ہے

‘‘دل ہتھیلی میں پیش ’’ کرتے ہی
‘‘نیک نام’’ اپنی داستاں کی ہے

روندنے کو ہی لیک (ن) آجاتے
شاعری روز کی کہانی ہے

​

نوٹ کیجیے کہ کس خوبصورتی کے ساتھ ہم نے لیکن کی جگہ ‘‘لیک’’ اور ورنہ کی جگہ‘‘ ور’’ استعمال کیا ہے۔ مزید یہ کہ اردو زبان کو نئے الفاظ سے روشناس کروانے کا ذمہ بھی چونکہ وزل نے ہی لیا ہے لہٰذا ہم ایک نیا لفظ‘‘ لمگشتگی ’’ بھی استعمال کیا ہے ۔ گو ابھی ان الفاظ کے معنی دریافت نہیں ہوپائے لیکن ہمیں یقین ہے کہ وقت گزرنے کے ساتھ ساتھ عوام الناس ان الفاظ کو بامعنی بھی بنا دیں گے۔

ہمیں قوی امید ہے کہ وزل کی بڑھتی ہوئی مقبولیت کے سبب موجودہ شعراء گھبرا کر غزل کہنا چھوڑ دیں گے اور وزل کی طرف لپکے ہوئے آئیں گے نیز وہ دن دور نہیں جب اردو زبان و ادب نثری نظم اور وزل کے حوالے سے جانے پہچانے جائیں گے۔

ویکی پیڈیا کی طرز پر ہم چاہیں گے کہ دیگر وزل گو شعراء بھی اپنے آپ کو اس دھاگے میں متعارف کروائیں گے اور اپنا نمائندہ کلام پیش کرنے سے نہیں چوکیں گے۔
(جاری)


۔

ایک بار پھر سے پورا پڑھا۔۔۔ خلیل بھائی بس کمال ہی کمال کیا ہے آپ نے۔ لطف اندوز بھی ہوئے اور رشک بھی کیا۔
ماشاءاللہ۔ اللہ پاک آپ کو دونوں جہانوں میں کامیاب کرے۔ خوشیاں اور آسانیاں عطا فرمائے. آمین!