وصلِ موجِ سوز نے دیوانہ کیا۔۔۔۔۔۔نور سعدیہ شیخ

[نور وجدان]

وصلِ موجِ سوز نے دیوانہ کیا
خوگرِ میخانہ کو پیمانہ کیا


قطرہ قطرہ زہر کا قلزم بن گیا
درد نے کچھ مجھ سے یوں یارانہ کیا


نور ؔ نے شیشہ محل کرچی کر دیا
الجھنوں نےمجھ کو یوں دیوانہ کیا


رتبہ محشر میں شہادت کا پاؤں گی
روح کو تجدید نے مستانہ کیا


مے کدے میں جلوہِ حق کو دیکھ کر
سات پھیروں نے ہی پروانہ کیا



شرم ساری ختم کیسے ہو عصیاں کیا
رب! گلہ تجھ سے بھی گستاخانہ کیا


صبح نو کی اک جھلک دکھلا دیجئے
ان غموں نے حال سے اب بیگانہ کیا

​

​

 

[نور وجدان]

محترم الف عین محمد یعقوب آسی محمد خلیل الرحمن مزمل شیخ بسمل ادب دوست ابن رضا

 

[متلاشی]

بہت خوب ۔۔۔۔! بحر ہے
فاعلاتن فاعلاتن مستفعلن

 

[متلاشی]

قطرہ قطرہ زہر کا بن قلزم گیا
اس مصرعے کو یوں کر دیں تو روانی بڑھ جائے
قطرہ قطرہ زہر کا قلزم بن گیا

 

[متلاشی]

یہ مصرعے بھی خارج از بحر
شرمساری اب گناہوں کی کیسے جائے
شکوہ مالک! میں نے گستاخانہ کیا۔۔!
استعارہ سحر ، کوئی امید دے۔۔!
مجھ کو تو آشفتگی نے بیگانہ کیا

 

[محمد یعقوب آسی]

وصلِ موجِ سوز نے دیوانہ کیا
خوگرِ میخانہ کو پیمانہ کیا

بحر میرے لئے غیرمانوس ہے۔ جنابِ متلاشی نے نشان دہی کی ہے، اس پر توجہ فرمائیے گا۔ زبان اور مضامین کے حوالے کچھ عرض کروں گا، ولے ذرا سنبھل کے کہ آج کل میرے "مہربان" خاصی زیرکی کا اظہار فرما رہے ہیں۔

 

[نور وجدان]

بحر میرے لئے غیرمانوس ہے۔ جنابِ متلاشی نے نشان دہی کی ہے، اس پر توجہ فرمائیے گا۔ زبان اور مضامین کے حوالے کچھ عرض کروں گا، ولے ذرا سنبھل کے کہ آج کل میرے "مہربان" خاصی زیرکی کا اظہار فرما رہے ہیں۔

بحر تو میرے لیے بھی غیر مانوس ہے ۔۔آپ جانتے ہیں میں کس طرز کی شاعری کرتی ہوں ۔۔ جو دل کی بحر چلتی ہے وہ چلا دیتی ہوں ۔۔۔۔۔۔۔۔۔۔۔ میں انتظار کروں گی آپ کی اصلاح کا۔۔۔۔۔۔۔۔۔۔۔آخری جملے نے دل کو خوش کر دیا۔۔۔

 

[محمد یعقوب آسی]

وصلِ موجِ سوز نے دیوانہ کیا
خوگرِ میخانہ کو پیمانہ کیا
۔۔ دونوں مصرعوں کا معنوی تعلق اور رعایت مطلع میں غزل کے بقیہ اشعار کی نسبت کہیں زیادہ اہم ہوتے ہیں۔

 

[محمد یعقوب آسی]

قطرہ قطرہ زہر کا قلزم بن گیا
درد نے کچھ مجھ سے یوں یارانہ کیا
۔۔۔۔ مناسب ہے۔

 

[محمد یعقوب آسی]

نور ؔ نے شیشہ محل کرچی کر دیا
وحشتوں نے اس طرح دیوانہ کیا
۔۔ وحشتوں نے دیوانہ کیا؟ سبب اپنا مسبب کیوں کر ہوا؟ ۔۔۔
دوسری بات، اگر اس کو مقطع بنا لیا جاتا؟ کیوں کہ رسم یہی ہے کہ تخلص مقطع میں لاتے ہیں۔

 

[محمد یعقوب آسی]

رتبہ محشر میں شہادت کا پاؤں گی
روح کو تجدید نے مستانہ کیا
۔۔۔ دوسرا مصرع اپنی سمجھ میں یوں نہیں آیا کہ اس میں یا تو کوئی کڑی ارادی طور پر چھپائی گئی ہے یا بیان نہیں ہو پائی۔ شاعرہ جانے۔

 

[محمد یعقوب آسی]

مے کدے میں جلوہِ حق کو دیکھ کر
ایک سجدے نے مجھے پروانہ کیا
۔۔۔ مناسب ہے، اظہار کو بہتر بنائیے۔ یہاں تو خیر بحر بھی میرے آڑے آ رہی ہے۔

 

[محمد یعقوب آسی]

شرم ساری ختم کیسے ہو عصیاں کی
شکوہ مالک! میں نے گستاخانہ کیا۔۔!
۔۔ دونوں مصرعوں کے مفاہیم کا تعلق مضبوط تر ہونا چاہئے تھا۔

 

[محمد یعقوب آسی]

صبح نو کی اک جھلک دکھلا دیجئے
مجھ کو تو آشفتگی نے بیگانہ کیا
۔۔۔۔ یہاں بھی وہی بات ہے۔ آشفتگی نے بیگانہ کیا؟ ۔۔۔۔۔۔۔۔۔۔۔

 

[محمد یعقوب آسی]

بحر تو میرے لیے بھی غیر مانوس ہے ۔۔آپ جانتے ہیں میں کس طرز کی شاعری کرتی ہوں ۔۔ جو دل کی بحر چلتی ہے وہ چلا دیتی ہوں ۔۔۔۔۔۔۔۔۔۔۔ میں انتظار کروں گی آپ کی اصلاح کا۔۔۔۔۔۔۔۔۔۔۔آخری جملے نے دل کو خوش کر دیا۔۔۔

چلئے آپ کی مسرت کا کچھ سامان میرے ہاتھوں بھی ہو گیا۔ اچھی بات ہے۔

 

[نور وجدان]

چلئے آپ کی مسرت کا کچھ سامان میرے ہاتھوں بھی ہو گیا۔ اچھی بات ہے۔

جی ۔۔ بالکل ۔۔ ہوا ہے ۔۔مگر مکمل سامان کردیں ۔۔ دوسری غزل بھی دیکھ دیں ۔۔

 

[الف عین]

مطلع کی اصلاح بہت خوب کی ہے آسی بھائی نے۔ ورنہ اصل مطلع میں تو قافیہ ہی غائب تھا۔
وصلِ موجِ سوز نے دیوانہ کیا
درد تجھ کو جاں کا نذرانہ دیا

 

[متلاشی]

مطلع کی اصلاح بہت خوب کی ہے آسی بھائی نے۔ ورنہ اصل مطلع میں تو قافیہ ہی غائب تھا۔
وصلِ موجِ سوز نے دیوانہ کیا
درد تجھ کو جاں کا نذرانہ دیا

استاذِ گرامی ردیف بدل نہیں گیا دوسرے مصرعے کا ؟؟؟؟ یا اس طرح بھی جائز ہوتا ہے ؟؟؟

 

[متلاشی]

مطلع کی اصلاح بہت خوب کی ہے آسی بھائی نے۔ ورنہ اصل مطلع میں تو قافیہ ہی غائب تھا۔
وصلِ موجِ سوز نے دیوانہ کیا
درد تجھ کو جاں کا نذرانہ دیا

اور اس غزل میں ردیف ’کیا‘ فعو کے وزن پر ہے نا؟؟؟ اگر اسی طرح ہے تو پھر تو دوسرا مصرع خارج از بحر ہو جاتا ہے ۔۔۔

 

[متلاشی]

اصل میں نہ آپ کی یہ غزل دو بحروں میں ہے ۔۔۔۔
کچھ اشعار اس بحر میں درست تقطیع ہو رہے ہیں
فاعلاتن فاعلاتن فاعلن
تو کچھ اس بحر میں
فاعلاتن فاعلاتن مستفعلن
اسی لیے مسئلہ ہو رہا ہے آپ سب اشعار کو ایک ہی بحر میں رکھیں