وقت کی ہر گھات کی ہوں معترف

[La Alma]

وقت کی ہر گھات کی ہوں معترف
پل، گھڑی، اوقات کی ہوں معترف

رازِ قدرت ہے چُھپا اضداد میں
سو نفی اثبات کی ہوں معترف

جو عیاں ہے جستجو اُس کی نہیں
غیب کی ہر بات کی ہوں معترف

آبِ کوثر جان کر پیتے ہیں مے
نیتِ سادات کی ہوں معترف

تلخیِ ایّام کا شکوہ نہیں
خوئے تسلیمات کی ہوں معترف

ہو گئی اپنے پرائے کی خبر
گردشِ حالات کی ہوں معترف

ہار میں اپنی ہی اُس کی جیت تھی
آج بھی اُس مات کی ہوں معترف

آنسو بن کر بہہ گئی برفاب رُت
حدّتِ جذبات کی ہوں معترف

خود شناسائی کی لذّت دے گئے
درد کے لمحات کی ہوں معترف

کون المٰی اُنؐ سے بڑھ کر ہے حسیں
فخرِ موجودات کی ہوں معترف


​

 

[فاخر رضا]

بےشک. بہت خوبصورت
کون المٰی اُنؐ سے بڑھ کر ہے حسیں
فخرِ موجودات کی ہوں معترف

 

[کاشف اسرار احمد]

ماشا اللہ۔ خوب اشعار نکالے ہیں۔ اچھی غزل ہے

 

[الف عین]

ماشاء اللہ۔ خوبیِ اشعار کے ہیں معترف!!

 

[La Alma]

بےشک. بہت خوبصورت
کون المٰی اُنؐ سے بڑھ کر ہے حسیں
فخرِ موجودات کی ہوں معترف

بہت نوازش .

 

[La Alma]

ماشا اللہ۔ خوب اشعار نکالے ہیں۔ اچھی غزل ہے

آپ کا حسنِ نظر ہے . شکریہ .

 

[La Alma]

ماشاء اللہ۔ خوبیِ اشعار کے ہیں معترف!!

آپ کے الفاظ میرے لیے نہایت قیمتی ہیں سر . بہت شکریہ .

 

[کاشف اختر]

بہت خوب ! ماشاء اللہ

 

[سید عاطف علی]

آنسو بن کر بہہ گئی

یہاں بن کے آنسو زیادہ بہتر بیان ہو گا۔

ہے چُھپا

یہاں "چھپ گیا" زیادہ رواں ہو گا۔
۔رائے ۔
باقی تمام اشعار بہت اچھے ہیں ۔

 

[La Alma]

بہت خوب ! ماشاء اللہ

بہت مہربانی .

 

[La Alma]

یہاں بن کے آنسو زیادہ بہتر بیان ہو گا۔

آپ درست فرما رہے ہیں . بہت شکریه

یہاں "چھپ گیا" زیادہ رواں ہو گ

روانی تو بہتر ہو جاتی ہے لیکن شعر کا مفہوم بدل جائے گا . چھپ گیا بمعنی اوجھل ہو گیا ، ہو جائے گا . جبکہ یہاں "مخفی ہے " کے معنوں میں استعمال ہوا ہے .

باقی تمام اشعار بہت اچھے ہیں

آپ کا بہت شکریہ . آئندہ بھی اپنی رائے سے نوازتے رہیں .

 

[شزہ مغل]

وقت کی ہر گھات کی ہوں معترف
پل، گھڑی، اوقات کی ہوں معترف

رازِ قدرت ہے چُھپا اضداد میں
سو نفی اثبات کی ہوں معترف

جو عیاں ہے جستجو اُس کی نہیں
غیب کی ہر بات کی ہوں معترف

آبِ کوثر جان کر پیتے ہیں مے
نیتِ سادات کی ہوں معترف

تلخیِ ایّام کا شکوہ نہیں
خوئے تسلیمات کی ہوں معترف

ہو گئی اپنے پرائے کی خبر
گردشِ حالات کی ہوں معترف

ہار میں اپنی ہی اُس کی جیت تھی
آج بھی اُس مات کی ہوں معترف

آنسو بن کر بہہ گئی برفاب رُت
حدّتِ جذبات کی ہوں معترف

خود شناسائی کی لذّت دے گئے
درد کے لمحات کی ہوں معترف

کون المٰی اُنؐ سے بڑھ کر ہے حسیں
فخرِ موجودات کی ہوں معترف


​

یہ کس کی غزل ہے؟؟؟
اگر یہ آپ کی اپنی ہے تو
(آپ کی ہر بات کی ہوں معترف)

 

[La Alma]

یہ کس کی غزل ہے؟؟؟

خدا کی قسم میری ہے

اگر یہ آپ کی اپنی ہے تو
(آپ کی ہر بات کی ہوں معترف

ارے واہ ! یہ تو پابندِ بحور داد ہے .

 

[محمد تابش صدیقی]

بہت عمدہ بہن۔ ماشاء اللہ

 

[لاریب مرزا]

واہ!! بہت خوب!! داد دئیے بنا نہیں رہ سکے ہم!! بہت عمدہ!!

 

[La Alma]

بہت عمدہ بہن۔ ماشاء اللہ

متشکرم .

 

[La Alma]

واہ!! بہت خوب!! داد دئیے بنا نہیں رہ سکے ہم!! بہت عمدہ!!

تھینکس ڈیر .

 

[محمد تابش صدیقی]

آپ کی ہر بات کی ہوں معترف

آپ کے مصرع پر ایک حسرت بھری طرح

میری بیگم خواب میں آ کر کہے
آپ کی ہر بات کی ہوں معترف

 

[عاطف ملک]

خود شناسائی کی لذّت دے گئے
درد کے لمحات کی ہوں معترف
بہت خوب!

 

[La Alma]

خود شناسائی کی لذّت دے گئے
درد کے لمحات کی ہوں معترف
بہت خوب!

بہت شکریہ .