وہ اردو اشعار جن میں فارسی گو شعراء کا ذکر ہے

[اوشو]

مقام ذکر کمالاتِ رومی و عطار
مقامِ فکر مقالاتِ بو علی سینا
(علامہ اقبال)

 

[اوشو]

ہم خوگرِ محسوس ہیں ساحل کے خریدار
ایک بحرِ پر آشوب و پراسرار ہے رومی!
تو بھی ہے اسی قافلہَ شوق میں اقبال
جس قافلہِ شوق کا سالار ہے رومی!
اس عصر کو بھی اس نے دیا ہے کوئی پیغام؟
کہتے ہیں چراغِ رہِ احرار ہے رومی!
(علامہ اقبال)

 

[اوشو]

فردوس میں رومی سے یہ کہتا تھا سنائی
مشرق میں ابھی تک ہے وہی کاسہ وہی آش
حلاج کی لیکن یہ روایت ہے کہ آخر
اک مرد قلندر نے کیا راز خودی فاش
(علامہ اقبال)

 

[اوشو]

گستہ تار ہے تیری خودی کا ساز اب تک
کہ تو ہے نغمہ رومی سے بے نیاز اب تک
(علامہ اقبال)

 

[سید عاطف علی]

سنائی کے ادب سے میں نے غواصی نہ کی ورنہ
ابھی اس بحر میں باقی ہیں لاکھوں لولوئے لالا
اقبال ۔۔۔۔حکیم سنائی ۔

 

[الف نظامی]

رومی و جامی و سعدی ہی پہ موقوف نہیں
ان کے مداحوں میں مظہر کا بھی نام آتا ہے

 

[سید عاطف علی]

رومی و جامی و سعدی ہی پہ نہیں موقوف
ان کے مداحوں میں مظہر کا بھی نام آتا ہے

نظامی صاحب ! خوب۔۔۔ غالباً ٹائپنگ کی غلطی رہ گئی ۔ شاید یہاں "نہیں ہے موقوف" ہو گا۔

 

[x boy]

شکریہ
یہ فوٹو والے صاحب کی تعریف
ہمیشہ کی طرح بتائے۔

 

[الف نظامی]

نظامی ! خوب۔۔۔ غالباً ٹائپنگ کی غلطی رہ گئی ۔ شاید یہاں "نہیں ہے موقوف" ہو گا۔

تصحیح کا بہت شکریہ!

 

[الف نظامی]

میں فقط نام لیوا ہوں اُنﷺ کا ، اُن ﷺ کی توصیف میں کیا کروں گا
میں نہ اقبال! خسرو نہ سعدی میں نہ قدسی نہ جامی نہ حالی
(اقبال عظیم)​

 

[الف نظامی]

رومی و جامی و سعدی ہی پہ موقوف نہیں
ان کے مداحوں میں مظہر کا بھی نام آتا ہے

سید عاطف علی
اب دیکھیے گا۔

 

[الف نظامی]

دعاوں میں جامی کے اشعار پڑھتے
نظامی کی لب پر مناجات ہوتی​

 

[سید عاطف علی]

سید عاطف علی
اب دیکھیے گا۔

جی نظامی صاحب۔ بالکل درست ہے ۔ اور یقیناً یوں ہی ہوگا ۔ میں نے تو اوزان کی مناسبت سے محض اندازہ لگایا تھا ۔ ۔۔

 

[حسان خان]

مصحفی شعرِ سادہ کہنے میں
وقت کا اپنے تو فغانی ہے
(غلام ہمدانی مصحفی)
بابا فغانی شیرازی

 

[حسان خان]

ولی لکھتا ہے تیری مست انکھیاں دیکھ اے ساقی
بیاضِ گردنِ مینا اُپر دیوان جامی کا
(ولی دکنی)

 

[حسان خان]

یہ ریختہ ولی کا جا کر اُسے سناؤ
رکھتا ہے فکرِ روشن جو انوری کے مانند
(ولی دکنی)

 

[حسان خان]

عرفی و انوری و خاقانی
مجکوں دیتے ہیں سب حسابِ سخن
(ولی دکنی)

 

[حسان خان]

پڑے سن کر اُچھل جیوں مصرعِ برق
اگر مصرع لکھوں ناصر علی کوں
(ولی دکنی)
ناصر علی سرہندی

 

[حسان خان]

تیرے سخن کے نغمۂ رنگیں کوں سن ولی
ڈوبا عرق کے بیچ عراقی عراق میں
(ولی دکنی)
فخرالدین عراقی

 

[حسان خان]

پیدا ہوا ہے جگ میں ولی صاحبِ سخن
میری طرف سوں جا کے کہو انوری کے تئیں
(ولی دکنی)