عدم وہ جو تیرے فقیر ہوتے ہیں - عدم

[فرخ منظور]

وہ جو تیرے فقیر ہوتے ہیں​

آدمی بے نظیر ہوتے ہیں​

​

تیری محفل میں بیٹھنے والے​

کتنے روشن ضمیر ہوتے ہیں​

​

پھول دامن میں چند رکھ لیجئے​

راستے میں فقیر ہوتے ہیں​

​

زندگی کے حسین ترکش میں​

کتنے بے رحم تیر ہوتے ہیں​

​

وہ پرندے جو آنکھ رکھتے ہیں​

سب سے پہلے اسیر ہوتے ہیں​

​

دیکھنے والا اک نہیں ملتا​

آنکھ والے کثیر ہوتے ہیں​

​

جن کو دولت حقیر لگتی ہے​

اُف! وہ کتنے امیر ہوتے ہیں​

​

جن کو قدرت نے حسن بخشا ہو​

قدرتاً کچھ شریر ہوتے ہیں​

​

ہے خوشی بھی عجیب شے لیکن​

غم بڑے دلپذیر ہوتے ہیں​

​

اے عدم احتیاط لوگوں سے​

لوگ منکر نکیر ہوتے ہیں​

​

---- عبدالحمید عدم​

 

[رضوان]

وہ پرندے جو آنکھ رکھتے ہیں
سب سے پہلے اسیر ہوتے ہیں


واہ صاحب وا
کیا عمدہ کلام شریکِ سخن کیا ہے!

 

[محمد وارث]

واہ واہ کیا لا جواب کلام ہے، شکریہ جناب

 

[محمداحمد]

سخنور صاحب

یہ غزل مجھے بے حد پسند ہے ، کتنی سادہ اور کتنی بھرپور، یقیناً یہ سادگی اور پُرکاری ہی عدم کا خاصہ ہے.

یہ غزل ہر دفعہ وہی لطف دیتی ہے جو پہلی بار پڑھنے پر ملا تھا، یہاں پڑھ کر بھی بہت لطف آیا، آپ کی عنایت کے آپ نےاسے محفل میں پیش کیا۔

شکریہ،

مخلص
محمد احمد

 

[زینب]

نہایت خوبصورت غزل شیئر کی سخنور۔۔۔۔۔۔۔۔۔

 

[ابوشامل]

عزیز میاں قوال نے اسے گایا بھی بہت خوب ہے۔ شیئر کرنے کا بہت شکریہ سخنور صاحب

 

[فرخ منظور]

بہت بہت شکریہ آپ سب کا - یہ غزل مجھے وراثتاً منتقل ہوئی ہے -

 

[محمداحمد]

بہت بہت شکریہ آپ سب کا - یہ غزل مجھے وراثتاً منتقل ہوئی ہے -

یہ سن کر تو اور بھی اچھا لگا ۔ اگر ذرا صاف صاف ہو جائے تو کیسا رہے گا؟

 

[فرخ منظور]

یہ سن کر تو اور بھی اچھا لگا ۔ اگر ذرا صاف صاف ہو جائے تو کیسا رہے گا؟

قبلہ دھو کر ہی تو پیش کی تھی - مزید صفائی کی گنجائش نہیں ہے -

 

[فرحت کیانی]

وہ پرندے جو آنکھ رکھتے ہیں
سب سے پہلے اسیر ہوتے ہیں

اے عدم احتیاط لوگوں سے
لوگ منکر نکیر ہوتے ہیں


بہت خوب۔۔۔ شکریہ سخنور

 

[فرحت کیانی]

قبلہ دھو کر ہی تو پیش کی تھی - مزید صفائی کی گنجائش نہیں ہے -

:ڈ :ڈ

 

[فاتح]

شکریہ فرخ صاحب! میرے پاس گلشن آرا سید کی آواز میں موجود ہے۔ وقت ملتے ہی اپلوڈ کروں گا۔

 

[سیدہ شگفتہ]

لاجواب کلام ، عمدہ انتخاب !

 

[مرک]

بہت اچھی ہے

 

[فرخ منظور]

بہت شکریہ فاتح، سیدہ شگفتہ اور مرک آپ سب کا -

 

[امیداورمحبت]

غزل ​

وہ جو تیرے فقیر ہوتے ہیں ​

آدمی بے نظیر ہوتے ہیں ​

​

تیری محفل میں بیٹھنے والے​

کتنے روشن ضمیر ہوتے ہیں ​

​

زندگی کی حسین ترکش میں ​

کتنے بے رحم تیر ہوتے ہیں ​

​

وہ پرندے جو آنکھ رکھتے ہیں ​

سب سے پہلے اسیر ہوتے ہیں​

​

اے عدم احتیاط لوگوں سے​

لوگ منکر نکیر ہوتے ہیں ​

خالد ابن عدم ​

 

[فرخ منظور]

http://www.urduweb.org/mehfil/threads/وہ-جو-تیرے-فقیر-ہوتے-ہیں-عدم.13182/

 

[محمداحمد]

فاتح بھائی!

یہ پوسٹ دیکھ کر خیال آیا کہ آپ کو یاد دہانی کروادی جائے۔

شکریہ فرخ صاحب! میرے پاس گلشن آرا سید کی آواز میں موجود ہے۔ وقت ملتے ہی اپلوڈ کروں گا۔

 

[فاتح]

فاتح بھائی!

یہ پوسٹ دیکھ کر خیال آیا کہ آپ کو یاد دہانی کروادی جائے۔

بہت شکریہ جناب۔ میرے پاس کسی کیسٹ میں تھی جو مل نہیں سکی۔ جیسے ہی کیسٹ ہاتھ لگتی ہے میں اپلوڈ کر دوں گا۔۔۔ تب تک اسی غزل کےچار مزید اشعار پڑھ کر لطف اٹھائیے:

دیکھنے والا اک نہیں ملتا​

آنکھ والے کثیر ہوتے ہیں​

​

جن کو دولت حقیر لگتی ہے​

اُف! وہ کتنے امیر ہوتے ہیں​

​

جن کو قدرت نے حسن بخشا ہو​

قدرتاً کچھ شریر ہوتے ہیں​

​

ہے خوشی بھی عجیب شے لیکن​

غم بڑے دلپذیر ہوتے ہیں​

​

 

[محمداحمد]

واہ واہ واہ
فاتح بھائی بہت خوب ! یہ چار شعر بھی کسی نعمت سے کم نہیں ہیں۔

خاص طور پر یہ شعر

جن کو دولت حقیر لگتی ہے​

اُف! وہ کتنے امیر ہوتے ہیں​

خوش رہیے۔​