"و" کے ذریعے تشکیل پانے والے مرکبات

[ابن سعید]

ایسے تو انسان کو عفو و در گزر سے کام لینا چاہئے پر جب پارہ صبر و برداشت کی حد سے اوپر چلا جائے تب کیا کریں۔

 

[شمشاد]

یہاں موسم کا حال بتاؤں کہ کم و بیش ہر دوسرے تیسرے دن گرد و غبار کا اکثر و بیشتر طوفان آیا رہتا ہے۔

 

[ابن سعید]

اور یہاں صبح و شام بارش کا بول بالا ہے۔

 

[شمشاد]

یہاں باد و باراں کا نشان ہی نہیں ملتا۔

 

[الف عین]

امید و بیم پر دنیا قائم ہے شمشاد۔ انشاء اللہ وہاں بھی بارش ہوگی دشت و صحرا میں۔

 

[عندلیب]

اھلاًوسھلاً الف عین انکل

 

[ابن سعید]

خورد و نوش کے لئے بھی کچھ انتظام و انصرام ہے یا بس اھلاً و سھلاً سے کام چلے گا اپیا؟

 

[شمشاد]

ابھی ابھی وارث بھائی کا لکھا ہوا ایک شعر پڑھا ہے جو سنجیدہ شاعری کو مزاحیہ شاعری میں بدلنا والے دھاگے پر ہے :

"آتے ہیں غیب سے یہ مضامیں خیال میں"
"پیتا ہوں روزِ ابر و شبِ ماہتاب میں"

 

[شمشاد]

عجز و انکساری سے عرض کرتا ہوں کہ اور بھی اراکین اس میں شامل ہوں۔

 

[شمشاد]

ہاں ایک بات اور کہ یہاں مرد و زن کی کوئی تفریق نہیں۔

 

[سارہ خان]

ایسی کیا بات ہے شمشاد بھائی آپ حکم بھی کریں گے تو " دل و جان " سے شامل ہونگے سب ۔۔

 

[ابن سعید]

اور خاص و عام کی بھی کوئی تفریق نہیں۔

بلکہ

امیر و غریب، شاہ و گدا، محمود و ایاز، ادنی و اولیٰ سفید و سیاہ کسی کی بھی کوئی تفریق نہیں۔

 

[شمشاد]

اسلام میں غلاموں کے ساتھ انتہائ حسن سلوک اور رحمت و رافت کے برتاؤ کا حکم دیا گیا ہے۔

 

[شمشاد]

بچوں کو اچھی تعلیم و تربیت دینے اور انہیں سوسائٹی کے عمدہ افراد بنانے کی ہر ممکن کوشش کرنی چاہیے۔

 

[شمشاد]

عورتوں کو چاہیے کہ اپنے شوہروں کی رضا و خدمت کو ترجیح دیا کریں۔

 

[شمشاد]

ایک اچھی سیرت و اخلاق والی بیوی اللہ کی بہت بڑی نعمت ہے۔

 

[شمشاد]

حق و باطل کے درمیان کبھی صلح نہیں ہو سکتی۔ حق حق ہے اور باطل باطل۔

 

[شمشاد]

آج جمعہ ہے اور جمعہ کی نسبت سے اللہ کا فرمان ہے :

اے ایمان والو! جب جمعہ کے دن (جمعہ کی) نماز کے لئے اذان دی جائے تو فوراً اللہ کے ذکر (یعنی خطبہ و نماز) کی طرف تیزی سے چل پڑو اور خرید و فروخت (یعنی کاروبار) چھوڑ دو۔ یہ تمہارے حق میں بہتر ہے اگر تم علم رکھتے ہو۔ (الجمعہ9 )

 

[تعبیر]

ارے واہ یہ دھاگہ تو اب کافی عجیب و دلچسپ ہو گیا ہم بڑے خوش و خرم ہوئے یہ دیکھ کر

 

[ابن سعید]

جب آپ جیسی مشفق و مہربان ہستیوں‌ کا یہاں آنا جانا ہے تو دلچسپی تو بڑھنی ہی تھی۔