دل تو میرا بھی بڑا چاہ رہا ہے کہ پاکستان فائنل تک پہنچے پاکستانی ٹیم کی گزشتہ کارکردگی کی بنیاد پر تو نہیں کہا جا سکتا کہ وہ سیمی فائنل جیتے گی۔ صرف ایک میچ میں اچھے کھیل پر قوم نے امیدوں کے پہاڑ کھڑے کر لیے ہیں۔
اچھا سیمی فائنل آج والا ہے جس میں دونوں ان فارم ٹیمیں یعنی انگلینڈ اور سری لنکا کھیلیں گی۔ سری لنکا نے بھارت کے خلاف جس طرح میچ جیتا ہے اس نے انگلینڈ کے کیمپ میں ہلچل ضرور مچا دی ہوگی۔ فارم کی بنیاد پر انگلینڈ کا پلہ بھاری دکھائی دیتا تھا لیکن آخری میچ میں شاندار کارکردگی کا مظاہرہ کر کے سری لنکا نے بتا دیا ہے کہ وہ برابر کی ٹکر دے گا۔
فائنل میں کون پہنچے گا اس حوالے سے اس وقت کچھ نہیں کہا جا سکتا کیونکہ ٹوئنٹی 20 میں ہمیشہ غیر متوقع نتائج آتے ہیں۔ اندازہ اس بات سے لگا لیں کہ گزشتہ تین سالوں سے ٹیسٹ اور ون ڈے کرکٹ میں سب سے گھٹیا کارکردگی دکھانے والی ٹیم پاکستان اس میں مسلسل تیسری مرتبہ سیمی فائنل میں پہنچی ہے
