پانی، سمندر، دریا، نہر، ندی، نالا، چشمہ، جھیل، تالاب، آبشار، کنواں

[جاسمن]

ایسے اشعار جن میں پانی، سمندر، دریا، نہر، ندی، نالا، چشمہ، جھیل، تالاب، آبشار یا کنواں۔۔۔۔کے الفاظ آتے ہوں۔

 

[جاسمن]

شاید کسی نے نخلِ زمیں پر کیا ہے طنز
گہرے سمندروں سے جزیرے نکال کر

 

[محمد تابش صدیقی]

مرے پانی میں ملا اور ذرا سا پانی
مری عادت ہے کہ پیتا ہوں میں پتلا پانی

انور مسعود

 

[لاریب مرزا]

ساحل ، ریت ، سمندر ، بستی
جنگل ، صحرا ، دریا سارے
آج سے سب کچھ نام تمہارے..!!

خواب کی باتیں یاد کے قصے
سوچ کے پہلو نیند کے لمحے
درد کے آنسو چین کے نغمے
اڑتے وقت کے بہتے دھارے
آج سے یہ سب نام تمہارے..!!

روح کی آہٹ جسم کی جنبش
خون کی وحشت سانس کی لرزش
آنکھ کا آنسو ہونٹ کی رنگت
چاہت کے عنوان یہ سارے
آج سے سب کچھ نام تمہارے۔۔!!

 

[طالب سحر]

قطرہ اپنا بھی حقیقت میں ہے دریا لیکن
ہم کو تقلیدِ تنک ظرفیِ منصور نہیں
--غالب

 

[جاسمن]

بہت شدید توجہ کا سامنا تھا مجھے
سو اک گلاس کو پانی سے بھر لیا میں نے
ہوا میں ہاتھ گمایا غزل نہیں آئی
اچک کے پھول ہی کاغذ پہ دھر لیا میں نے
فیضان ہاشمی

 

[جاسمن]

سامنے آتے تھے جب تو ڈھونڈتے تھے کشتیاں
چار آنکھوں سے بنی اِک جھیل پر ہوتے تھے ہم
فیضان ہاشمی

 

[زیرک]

اشک سے دشت بھریں، آہ سے سوکھیں دریا
مچھلیاں دشت میں پیدا ہوں، ہرن پانی میں

 

[زیرک]

یہ گھر کی تنہائیاں تو محسن سدا رہیں گی
چلو! سحر کی ہوا پکارے، ندی کنارے
محسن نقوی

 

[زیرک]

ٹوٹ جائیں کہ پگھل جائیں مرے کچے گھڑے
تجھ کو میں دیکھوں، کہ آگ کا دریا دیکھوں
پروین شاکر

 

[زیرک]

چاند بھی حیران، دریا بھی پریشانی میں ہے
عکس کس کا ہے کہ اتنی روشنی پانی میں ہے
فرحت احساس

 

[زیرک]

بڑے لوگوں سے ملنے میں ہمیشہ فاصلہ رکھنا
جہاں دریا سمندر سے ملا، دریا نہیں رہتا
بشیر بدر

 

[عبدالرحمن آزاد]

بہت گدلا تھا پانی اس ندی کا
مگر میں اپنا چہرہ دیکھ آیا
شارق کیفی

 

[عبدالرحمن آزاد]

تیرے انکھوں میں جو دیکھے اوسے پیاس لگے
تونے انکھوں میں سمندر کو اوٹھا رکھا ہے

 

[زیرک]

تیرے انکھوں میں جو دیکھے اوسے پیاس لگے
تونے انکھوں میں سمندر کو اوٹھا رکھا ہے

املاء کی غلطیاں ہیں
تیری آنکھوں میں جو دیکھے اسے پیاس لگے
تونے آنکھوں میں سمندر کو اٹھا رکھا ہے

میری طرف سے شعر

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح
پروین شاکر

 

[زیرک]

ابھی تو ساتھ چلنا ہے سمندر کے کنارے تک
کنارے پر ہی دیکھیں گے کنارہ کون کرتا ہے

 

[عبدالرحمن آزاد]

املاء کی غلطیاں ہیں
تیری آنکھوں میں جو دیکھے اسے پیاس لگے
تونے آنکھوں میں سمندر کو اٹھا رکھا ہے

میری طرف سے شعر

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح
پروین شاکر

جی بلکل خیال ہی نا رہا
تشکر

 

[زیرک]

یاد کا بےکراں سمندر ہے
ہر طرف میں ہوں ہر طرف تم ہو

 

[زیرک]

مجھ کو درکار وہ ساقی ہے جو دریا دل ہو
ایک دو جام سے بھرتی نہیں نیت اپنی

 

[زیرک]

اداسی، شام، تنہائی، کسک، یادوں کی بے چینی
مجھے سب سونپ کر سورج اتر جاتا ہے پانی میں