پھل اور انکے فائدے اور نقصانات

[بنت آدم]

شکر قندی

گرم تر قابض اور پھپھڑوں کو طاقت دیتی ہے۔ اس میں نشاستہ بہت ہوتا ہے۔ لہازا محنت مزدوری والوں کو بہت فائدہ دیتی ہے۔ شکر قندی کے بعد سونف چبا لینا چاہیے بہت مفید ہوتا ہے​

 

[بنت آدم]

سردا

معتدل تر دل اور دماغ گردے اور مثانے کو تقویت پہنچاتا ہے۔ جسم میں رطوبت بڑھاتا ہے۔ پیشاب آور اور پیشاب کی جلن میں سود مند ہے​

 

[بنت آدم]

جامن

سرد خشک ہے۔ دانتوں کو مضبوط اور خون صاف کرتا ہے۔ معدہ جگر کو قوت بخشتا ہے۔ گرم مزاجوں کیلیے مفید ہے بالوں کو گرنے سے روکتا ہے۔ پیشاب کی زیادتی مثانے کی کمزوری کیلیے فائدہ مند ہے۔ جامن قدرے قابض ہوتے ہیں

​

 

[بنت آدم]

خوبانی

گرم ہے۔ قبض کشا ہے جسم کو طاقت بخشتی ہے۔ پیاس کی شدت بخار بواسیر اور آنتوں کے سترے در کرتی ہے۔ پیٹ کے کیڑے ہلاک کرتی ہے​

 

[بنت آدم]

شریفہ

گرم تر دل اور دماغ کو طاقت بخشتا ہے مگر دیر میں ہضم ہوتا ہے قدرے اپھارہ کرتا ہے​

 

[بنت آدم]

لیچی

سرد تر دل دماغ کو طاقت دیتی ہے۔ پیاس بھجاتی ہے قدرے بھاری ہے۔ تھوڑی تھوڑی کھائیں

​

 

[بنت آدم]

ٹماٹر

معتدل خشک بھوک لگاتا ہے۔ کھانے کو ہضم کرتا ہے۔ طاقت اور فرحت بخشتا ہے۔ موٹاپہ اور شوگر کے مریض زیادہ استعمال کریں قبض کشا ہے۔ اپھارہ دور کرتا ہے۔ کچا ابال کر چھلکا اتار کر کھانا زیادہ مفید ہے۔ زیادہ گھی پڑی ترکاری کھانے سے ٹماٹر کے فائدے کم ہو جاتے ہیں ی سب فائدے کچے ٹماٹر میں ہی ہوتے ہیں

​

 

[بنت آدم]

یہ لاسٹ شئیرنگ تھی اب میری زندگی ہوئی تو انشا اللہ مزید شئیرنگ سبزیوں کے حوالے سے کروں گی مطلب شئیرنگ سبزیاں فائدے اور نقصانات ہوں گی

اللہ حافظ​

 

[میم نون]

شریفہ

گرم تر دل اور دماغ کو طاقت بخشتا ہے مگر دیر میں ہضم ہوتا ہے قدرے اپھارہ کرتا ہے​

یہ کیا چیز ہے، اسے نہ تو پہلے کبھی دیکھا ہے اور نہ ہی سنا ہے

 

[بنت آدم]

کھانے کا اتفاق مجھے بھی نہیں ہوا ہی ہی ہی ہی ہی ہاں دیکھا ضرور ہے وہ بھی اچھرا لاہور میں

 

[بنت آدم]

یہ رہی آخری شئیرنگ اب انشا اللہ مزید سٹف ملتا گیا شئیرنگ کرتی رہوں گی

اجازت دیں

اللہ حافظ​

 

[میم نون]

جزاک اللہ الخیر

 

[بنت آدم]

ہیں پھلوں میں سبزیوں کی شئیرنگ کیوں ہیں؟ پلز یہ ٹنڈے کے بعد جتنی شئیرنگکز سب سبزیوں والے تھریڈ میں موو کر دیں

 

[بنت آدم]

السلام علیکم ورحمتہ اللہ وبرکاتہ

انار

سرد تر اور قدرے قابض ہے۔ معدے اور جگر کی کمزوری دور کر کے طاقت بخشتا ہے۔ خون بکثر ت پیدا کرتا ہے۔ خون کو صاف اور جسم کو موٹا کرتا ہے۔ پیاس کو تسکین دیتا ہے۔ بے چینی دور اور پیشاب لاتا ہے۔ قے اور دست روکتا ہے۔ شربت انار قے اور دست روکتا ہے۔ پیشاب کی جلن دور کرتا ہے۔ سوزاک مین مفید ہے۔ البتہ گلے کے لیے مضر ہے۔ اور بلغم کو بگارتا ہے انار دانہ قابض مقوی معدہ اور اشتہا آور ہے

​

 

[شمشاد]

یہ بتائیں کہ شکرقندی پھل ہے یا سبزی؟

 

[میم نون]

سبزی ہے، پھل کیسے ہوئی

 

[شمشاد]

سبزی ہے تو پھر یہاں پھلوں میں کیا کر رہی ہے اور ہے بھی پھلوں میں سب سے اوپر

 

[شمشاد]

یہ کیا چیز ہے، اسے نہ تو پہلے کبھی دیکھا ہے اور نہ ہی سنا ہے

یہ شریفہ ہے، بہت ہی شریف ہوتا ہے۔ کھانے کے بعد بھی شرافت ہی دکھاتا ہے۔

 

[شمشاد]

ٹماٹر کے متعلق میرا اپنا خیال یہ ہے کہ سبزی میں بھی شمار ہوتا ہے اور پھلوں میں بھی۔

 

[میم نون]

یہ شریفہ ہے، بہت ہی شریف ہوتا ہے۔ کھانے کے بعد بھی شرافت ہی دکھاتا ہے۔

ہو سکتا ہے کہ کسی "شریفاں" بیبی سے نام ادھار لیا ہو