پھول، بہار اور گلستان پر اشعار

[زیرک]

تیزاب گردی پہ ایک شعر
عشق میں ہار بھی ممکن ہے مگر بدلے میں
پھول سے چہروں پر تیزاب نہ ڈالا جائے

 

[محمد تابش صدیقی]

نظرؔ فریب تو ہے دل پسند ہو نہ سکا
وہ پھول جس میں بجز رنگ کوئی باس نہیں
نظرؔ لکھنوی

 

[محمد تابش صدیقی]

اے حسنِ ذوق صحنِ گلستاں سے پھول چُن
کانٹوں سے کیا غرض ہے یمین و یسار کے
نظرؔ لکھنوی

 

[زیرک]

سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
احمد فراز

 

[زیرک]

سو دیکھ کر ترے رخسار و لب یقیں آیا
کہ پھول کھلتے ہیں گلزار کے علاوہ بھی
احمد فراز

 

[زیرک]

کل دیکھا اک آدمی اَٹا سفر کی دھول میں
گم تھا اپنے آپ میں، جیسے خوشبو پھول میں
منیر نیازی

 

[زیرک]

باغباں تیری عنایت کا بھرم کیوں کھلتا
ایک بھی پھول جو گلشن میں ہمارا ہوتا
پروین فنا سید

 

[زیرک]

تتلی کی طرح اڑتے چلے جاتے ہیں لمحے
پھولوں کی طرح دیکھتے رہتے ہیں انہیں ہم
فہیم شناس کاظمی

 

[زیرک]

اغیار کو گل پیرہنی ہم نے عطا کی
اپنے لئے پھولوں کا کفن ہم نے بنایا
نشور واحدی

 

[زیرک]

پھول چڑھانے والے آنا چھوڑ گئے
رفتہ رفتہ قبر کا کتبہ ٹوٹ گیا
جون ایلیا

 

[زیرک]

کسی سے تیرے آنے کی سرگوشی کو سنتے ہی
میں نے کتنے پھول چنے اور اپنی شال میں رکھے
نوشی گیلانی

 

[زیرک]

جھوٹی قسمیں شہر میں تھیں اور گاؤں میں
بس تکیے پر پھول بنانے ہوتے تھے

 

[زیرک]

تب کہیں مہندی لگا وہ ہاتھ پہچانا گیا
اس نے در کی اوٹ سے جب پھول مارا دوسرا
عدیم ہاشمی

 

[زیرک]

تُو نے جب پھول کتابوں سے نکالے ہونگے
دینے والا بھی تجھے یاد تو آیا ہو گا

 

[زیرک]

مسکراتے ہوئے پھولوں کی نزاکت پہ نہ جا
کوئی اندر سے پریشان بھی ہو سکتا ہے
فیصل امام رضوی

 

[زیرک]

پھولوں کو ڈھونڈ تا ہوا پھرتا ہوں باغ میں
باد صبا کو کام میں لانا ہے اور بس
سلیم کوثر

 

[عبدالرحمن آزاد]

وہ تو خوشبو ہے ہواہوں میں بکھر جائے گا
مسلہ تو پھول کا ہے پھول کدھر جائے گا
پروین شاکر

 

[زیرک]

کس کی آمد ہے یہ کیسی چمن آرائی ہے
ہر طرف پھول مہکتے ہیں بہار آئی ہے

 

[زیرک]

آتے آتے یوں ہی دم بھر کو رکی ہوگی بہار
جاتے جاتے یوں ہی پل بھر کو خزاں ٹھہری ہے
فیض

 

[زیرک]

یہ سوچ کے گلشن میں چلے آئے صبح ہم
وہ پھول سا چہرہ ہے گلابوں میں ملے گا