پھول، بہار اور گلستان پر اشعار

[زیرک]

یہ شبنمی لہجہ ہے، آہستہ غزل پڑھنا
تتلی کی کہانی ہے، پھولوں کی زبانی ہے
بشیر بدر

 

[زیرک]

پھول مُرجھا کر بکھر جاتے ہیں گلستان میں
خُوشبو کو دے کر اذنِ رُخصت خزاں میں

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

مہک اور تتلیوں کا نام بھونرے سے جدا کیوں ہے
کہ یہ بھی تو خزاں آنے پہ پھولوں میں نہیں رہتے​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔
ایک دوہا

بابو گیری کرتے ہو گئے عالی کو کئی سال
مرجھایا وہ پھول سا چہرہ، بھورے پڑ گئے بال​

 

[سردار محمد نعیم]

سچ ہے احسان کا بھی بوجھ بہت ہوتا ہے
چار پھولوں سے دبی جاتی ہے تربت میری

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

کوئی بہار کی خاطر کوئی خزاں کے لیے
بس ایک میں ہی رہا صرف گلستاں کے لیے​

 

[زیرک]

ہوا کے ہاتھ نہ لگ جائے موسموں سے کہو
کہ ایک پھول کا سارا جہیز خوشبو ہے​

 

[زیرک]

دل یہ بھی چاہتا ہے، ان پھول سے لبوں کو
دستِ صبا پہ رکھ کر، شبنم کے ہار بھیجیں​

 

[زیرک]

سگرٹیں، چائے، دھواں، رات گئے تک بحثیں
اور کوئی پھول سا آنچل کہیں نم ہوتا ہے​

 

[زیرک]

سُوکھے پتوں کو دیکھ کر ناصر
یاد آتی ہے گُل کی باس بہت
ناصر کاظمی​

 

[زیرک]

پہلے خوشبو کے مزاجوں کو سمجھ لو محسن
پھر گلستاں میں کسی گل سے محبت کرنا
محسن نقوی

 

[زیرک]

اپنے سائے میں خار پالتے ہیں
کتنی اونچی ہے ذات پھولوں کی​

 

[زیرک]

اُسی مقام پہ کل مجھ کو دیکھ کر تنہا
بہت اداس ہوئے پھول بیچنے والے

موضوع میں اگر لفظ گُل کا بھی شامل کر دیں تو زیادہ مناسب رہے گا کیونکہ شاعری میں گُل زیادہ مستعمل لفظ ہے۔ شکریہ

پھول کچھ روز میں لوٹ آئیں گے
دل دوبارہ نہیں کھِلنا،۔ افسوس
ادریس بابر​

 

[زیرک]

وہ مسل دے یا اٹھا کرچوم لے
پھول اس دہلیز پرہم دھرچلے​

 

[زیرک]

پیار کی دو چار باتیں درد کے دو چار پھول
واعظا! انسان کو انسان کرنے کے لیے​

 

[زیرک]

چلنا سمٹ سمٹ کے حیا کے لباس میں
پھولوں سے اور بہار سے آگے کی چیز ہے​

 

[زیرک]

تجھ سے وابستہ ہر اک شخص مجھے پیارا ہے
یہ وہ کانٹے ہیں جو پھولوں کی طرح لگتے ہیں
راکب مختار​

 

[عبدالرحمن آزاد]

اک سخن اپنا کہ ہے رسمِ سخن سے باہر
پھول خود رو ہے کوئی صحنِ چمن سے باہر
سرمد

 

[زیرک]

اسی مقام پر کل مجھ کو دیکھ کر تنہا
بہت اداس ہوئے، پھول بیچنے والے
جمال احسانی​

 

[زیرک]

بس ایک شخص کے ہنسنے سے کام چلتا تھا
ہمارے شہر میں پھولوں کی کوئی دکان نہ تھی​