چائے پئیں

فہیم

فہیم

لائبریرین
نور وجدان نے کہا:
مے کا ذکر ان کی شاعری میں بکثرت ہے
مزید نمائش کے لیے کلک کریں۔۔۔
اقبال کی اولین شاعری یعنی نوجوانی والی میں شاید ہو۔
لیکن اقبال کی انقلابی شاعری میں اگر مے کا ذکر آیا بھی ہے تو وہ کسی اور پیرائے میں آیا ہے۔
باقی بہتر وارث بھائی بتا سکتے ہیں:)
 
سیما علی

سیما علی

لائبریرین
نور وجدان نے کہا:
انداز دلفریب ہے آپکا:) آگہی کی تعریف جاننا ہے یا باریک بینی کہیے. آپ اس کو کیسے متعارف کروائیں گی تجرباتِ زندگی کی روشنی میں


بہت خوب! بہت داد!

آپ اشعار یاد کرتی ہیں یا کہ ہر دلچسپ شعر حفظ ہوجاتا ہے؟ حافظہ تو بہت اچھا ہے آپکا، ذہانت و عقل میں کیا فرق ہوگا؟



جوہر سے مراد انسان کی قابلیت ہے، آپ کے نزدیک جوہر کیا ہوگا

جوہر کو کیسے جانچا جاتا ہے؟

  • انسان بنیادی طورپرخود شناس ہے‘ یعنی اس کی ذات کا جوہر ہی آگاہی ہے‘ لیکن ایسا نہیں ہے کہ پہلے انسان کا جوہر ذات وجود میں آئے اور اس کے بعد انسان اس سے آگاہ ہو۔
  • ‘ بلکہ اس کے جوہر ذات کی پیدائش ہی اس کی خود آگاہی کی پیدائش ہے اور اس مرحلے میں آگاہ ”آگاہی“ اور درجہ آگاہی میں آیا ہوا‘ تینوں ایک ہی چیز ہیں۔ جوہر ذات وہ حقیقت ہے جو عین خود آگاہی ہے۔
  • حضرت علی علیہ السلام اس پرمغز کلام سے اس قسم کی خود شناسی کی عکاسی ہوتی ہے:

    ”خدا اس پر رحمت کرے جو یہ جان لے کہ وہ کہاں سے آیا ہے؟ وہ کہاں ہے؟ اور کہاں جا رہا ہے؟
    اس کا راز انسان کے وجود اور اس کی اصلیت میں پوشیدہ ہے۔
    الغرض تخلیقِ انسانی کا پہلا مرحلہ مٹی کا خلاصہ اور جوہر ہے۔اب انسان پر منحصر ہے کہ وہ بگاڑ لے یا سنوار لے۔۔اپنی سی کوشش کی ہے کہ آپکے سوال کا جواب آپ کے معیار کے مطابق ہو۔ اب کس حد تک درست ہیں۔آپ بتائیں گی۔۔۔

آپ کے کتنے بیٹے اور بیٹیاں ہیں؟ کس بیٹی/ بیٹے سے زیادہ پیار ہے اور کیوں؟
نیک اولاد کسی بھی انسان کے لئے بیش بہا قیمتی سرمایہ اور اللہ تعالیٰ کی جانب سے گراں قدر عطیّہ ہوتا ہے،جسکا جتنا شکر ادا کیا جائے کم ہے۔مالکِ برحق کا صد شکر ہے کہ اُس نے اِس نعمت سے سرفراز فرمایا۔
ہمارے تین بچے ہیں۔
  • پہلی بیٹی ہیں: سبین، بڑی منکسر المزاج اور ملنسار بیٹی ہیں ماشاء اللّہ انتہائی فرمانبردار ہیں۔اپنی تعلیم مکمل کر چکیں ہیں۔اور ماشاء اللّہ اپنے گھر میں خوش،مالک اپنی حفظ و امان میں رکھے آمین۔۔۔۔
  • دوسرے نمبر پر بیٹے ہیں رضا حسین۔انتہائی قابل اور تابعدار -اپنی تعلیم مکمل کر کے ہیں اور لندن میں ایک امریکن بینک میں کام کر رہے ہیں،پرودگار ہر قدم پر کامیابی و کامرانی عطا فرمائے-اپنی حفظ و امان میں رکھے۔آمین۔
  • اور سب سے چھوٹی اور لاڈلی رباب ہیں۔وہ نہ صرف ہماری لا ڈلی ہیں ہم سب کی آنکھوں کا تارا ہیں ۔بہت مختلف ہیں اپنے بڑے بہن اور بھائی ۔تابعدار ہیں۔پر تھوڑی غصے والی ہیں ۔مگر بے حد رحم دل ہیں اور ُانکی یہ عادت ہمیں بہت پسند ہے۔
  • سب سے پیار ہے ۔کیونکہ ماں کے لئیے یہ بڑا مشکل ہے ۔ کہ وہ سب سے زیادہ کس سے پیار کرتی ہے۔
  • تو جب میں اپنے دل سے پو چھتی ہوں تو رباب کا نام ہی ہے۔
  • نوری بٹیا اب آج اتنا ہی۔
آپ کا پروفیشن کیا رہا؟ کب کیرئر کا آغاز کیا؟ کب اسکا اختتام ہوا؟ کیا سیکھا اس زندگی سے؟

آپ نے کتنے ممالک کی سیر کی؟ کونسی جگہیں پسند آئیں ..کچھ تصاویر شئر کیجیے گا


آپ کو پاکستان کے کون کون سے علاقوں/شہروں میں جانے کا.اتفاق ہوا؟ پسندیدہ جگہ کی تصاویرشئیر کیجیے گا اور کچھ سفر کی داستان

آپ آرام سے سوال بہ سوال جواب دیجیے گا اور سہولت سے دیجیے گا.
مزید نمائش کے لیے کلک کریں۔۔۔
 
صابرہ امین

صابرہ امین

لائبریرین
محمد وارث نے کہا:
یہ شہرہ آفاق اور ضرب المثل مصرع حافظ شیرازی کا ہے۔ برصغیر میں عام طور پر حافظ کے اس شعر کا ایک ہی مصرع مشہور ہے اور یہی پڑھا جاتا ہے کیونکہ دوسرے میں حافظ نے کتاب کے ساتھ ساتھ دیگر مشاغل کا بھی ذکر کیا ہے۔

خیر افادہ عام کے لیے مکمل شعر حاضر ہے۔ :)

دو یار زیرک و از بادۂ کہن دو منے
فراغتے و کتابے و گوشۂ چمنے
دو ذہین و دانا و ہوشمند دوست ہوں اور دو من (بے حساب) پرانی شراب ہو، اور فراغت ہو، اور کتاب ہو، اور کسی چمن کا گوشہ ہو۔
مزید نمائش کے لیے کلک کریں۔۔۔
زبردست ۔ ۔ شعر کے ساتھ مطلب بھی ۔ ۔ بہت شکریہ ۔ ۔ :)
 
محمد وارث

محمد وارث

لائبریرین
فہیم نے کہا:
اقبال کی اولین شاعری یعنی نوجوانی والی میں شاید ہو۔
لیکن اقبال کی انقلابی شاعری میں اگر مے کا ذکر آیا بھی ہے تو وہ کسی اور پیرائے میں آیا ہے۔
باقی بہتر وارث بھائی بتا سکتے ہیں:)
مزید نمائش کے لیے کلک کریں۔۔۔
مے کو استعارے یا پھر شعر برائے شعر کے لیے بہت سے شعرا نے استعمال کیا ہے۔ اصل مے نوش شاعر تو خیر گنتی ہی کے ہیں، اردو کی بات کریں تو غالب، جوش، مجاز، عدم وغیرہ۔ :)
 
جواب دینے کے لیے داخل ہوں یا شمولیت اختیار کریں۔
Top