چار مصرعے برائے اصلاح

[محمد فائق]

میرا دعوی ہے منکرِ توحید
تجھ کو ہوجائے گا یقینِ خدا
دیکھ لے گر تو اطمینانِ حسین ع
عصر کے وقت روزِ عاشورہ

 

[محمد فائق]

الف عین صاحب
محمد ریحان قریشی صاحب

 

[محمد وارث]

اطمینان کے درمیان میں سے ی گرانا درست نہیں ہے!

 

[سید عاطف علی]

اطمینان کے درمیان میں سے ی گرانا درست نہیں ہے!

بر سبیل تذکرہ ۔۔۔
یہاں دیکھا ہی کس سے جا رہا ہے روئے روشن کو
وہ اطمینان سے آراستہ فرمائیں چلمن کو

 

[الف عین]

بر سبیل تذکرہ ۔۔۔
یہاں دیکھا ہی کس سے جا رہا ہے روئے روشن کو
وہ اطمینان سے آراستہ فرمائیں چلمن کو

اس میں تو اطمینان سے ی مکمل آ رہی ہے۔

 

[سید عاطف علی]

اس میں تو اطمینان سے ی مکمل آ رہی ہے۔

وارث بھائی نے بھی اسی طرف اشارہ کیا ہے کہ اس ی کا گرانا درست نہیں ۔ سو شعر بر محل رہا بطور سند شاید داغ کا ہے ۔

 

[محمد فائق]

آپ تمام کا بہت شکریہ اگر ان چار مصرعوں کو یوں کردیا جائے تو درست رہیں گے؟

میرا دعوی ہے منکرِ توحید
پھر کرے گا نہ شک خدا پہ کبھی
عصرِ عاشور دیکھ لے اک بار
گر سکونِ حسین ابن علی ع

 

[فاخر رضا]

بڑے سکوں سے خدا کی طرف چلا ہے حسین
پتہ چلے نہ یہ ماں کو تڑپ رہا ہے حسین

 

[الف عین]

آپ تمام کا بہت شکریہ اگر ان چار مصرعوں کو یوں کردیا جائے تو درست رہیں گے؟

میرا دعوی ہے منکرِ توحید
پھر کرے گا نہ شک خدا پہ کبھی
عصرِ عاشور دیکھ لے اک بار
گر سکونِ حسین ابن علی ع

درست ہے۔