چاند پر اشعار

[محمداحمد]

ہنستی آنکھیں نکھرا چہرا، اک مجبور بہانہ ہے​

چاند میں سچ ہے نور کہاں ہے، چاند تو اک ویرانہ ہے​

 

[محمداحمد]

اُن کے ابروئے خمیدہ کی طرح تیکھا تھا​

اپنی آنکھوں میں بہت دیر چُبھا عید کا چاند​

 

[محمداحمد]

دشت کی تیز ہواؤں میں بکھر جاؤگے کیا​

ایک دن گھر نہیں جاؤ گے تو مر جاؤگے کیا​

پیڑ نے چاند کو آغوش میں لے رکھا ہے​

میں تمھیں روکنا چاہوں تو ٹھہر جاؤ گے کیا​

​

لیاقت علی عاصم​

 

[محمداحمد]

کسی کا ایک قطعہ یاد آرہا لیکن پہلا مصرعہ کہیں ذہن کے نہاں خانے میں جا کر چھپ گیا ہے۔ آپ کو پتہ ہو تو لکھ دیجے جسے شوق ہو وہ اس کی جگہ اپنا مصرعہ بھی ٹانک سکتا ہے۔

​

------------------------​

وہ بھی موجوں کی طرح آیا تو پل بھر ٹھہرا​

چاند پاگل تھا چلا آیا جو میری جانب​

میں تو دریا تھا ہمیشہ سے ہی بے گھر ٹھہرا​

 

[نگار ف]

یہ کب کہا تھا نظاروں سے خوف آتا ہے
مجھے تو چاند ستاروں سے خوف آتا ہے

 

[سید فصیح احمد]

گھومتا پھرتا ہے تنہا رات کو
سردیوں کا چاند پاگل ہو گیا

عباس تابش

 

[سید فصیح احمد]

مر گیا ہے چاند بھی چڑیوں کے ساتھ
جھیل کے پانی میں کتنا زہر ہے

عباس تابش

 

[واسطی خٹک]

زمیں پر چاند اترا ہے
کبھی دیکھا نہیں تم نے
کبھی گر دیکھنا چاہو
مجھے کہنا
ٹهکانہ میں بتا دو گا
ہمارے گھر سے بس کچھ ہی
مسافت پر
وہ مغرب کی طرف مسجد
وہ مسجد سے لگا کمرہ
اُسی کے سامنے والا
جو گھر تم کو نظر آئے
وہ میرے چاند جی کا ہے

ارشد خان

 

[محمدظہیر]

واہ واہ واہ
بہت خوب اشعار ہیں

 

[محمد بلال اعظم]

کسی کا ایک قطعہ یاد آرہا لیکن پہلا مصرعہ کہیں ذہن کے نہاں خانے میں جا کر چھپ گیا ہے۔ آپ کو پتہ ہو تو لکھ دیجے جسے شوق ہو وہ اس کی جگہ اپنا مصرعہ بھی ٹانک سکتا ہے۔

------------------------
وہ بھی موجوں کی طرح آیا تو پل بھر ٹھہرا
چاند پاگل تھا چلا آیا جو میری جانب
میں تو دریا تھا ہمیشہ سے ہی بے گھر ٹھہرا​

میں تو ساحل تھا، جو چلتا بھی تو کیسے چلتا
وہ بھی موجوں کی طرح آیا تو پل بھر ٹھہرا
چاند پاگل تھا چلا آیا جو میری جانب
میں تو دریا تھا ہمیشہ سے ہی بے گھر ٹھہرا​

 

[مریم افتخار]

اس لیے ہم نے تجھے چاند سے تشبیہہ نہ دی
اس پہ ہم خاک نشینوں نے قدم رکھے ہیں

 

[نور وجدان]

چبھتی ہے قلب و جاں میں ستاروں کی روشنی
اے چاند ڈوب جا کہ طبیعت اداس ہے

 

[حسن محمود جماعتی]

فلک سے پوچھ بیٹھا ہوں، سبب میں ناز کے اس کا
جواب آیا اندھیروں میں ہیں مجھ پر چاند کے میلے
کہا میں نے کہ اپنے پاس وہ مہتاب رکھتا ہوں
کہ جس کی چاشنی کو وہ فلک کا چاند نا جھیلے

 

[ماہی احمد]

چپکے چپکے کیا کہتے ہیں تجھ سے دھان کے کھیت
بول ری نرمل نرمل ندیا_____کیوں ہے چاند اداس!

 

[عبدالقیوم چوہدری]

واہ واہ واہ
بہت خوب اشعار ہیں

اور آپ تو خود ہی چاند ہیں

 

[محمدابوعبداللہ]

کل چودھویں کی رات تھی، شب بھر رہا چرچا تیرا
کچھ نے کہا یہ چاند ہے، کچھ نے کہا نے کہا چہرہ تیرا

 

[Hedayatullah]

آج چاند ہو بہو تجھ جیساہے
وہی حسن,وہی غروراوروہی دوری

 

[فیصل عظیم فیصل]

چاند کہنا کہتے رہنا اور کہنا جان جاں
آپ نے مغرور کرکے قتل کر ڈالاہمیں

(فیصل عظیم فیصل)

 

[کاشفی]

چ سے چاند
آسماں جھانک رہا ہے خالد
چاند کمرے میں مرے اُترا ہے
(خالد شریف)

 

[محمد تابش صدیقی]

کالی گھٹا کا ہو سماں، چاند ہو جس کے درمیاں
گیسوئے تابدار جب، شانوں پہ وہ بکھر گئے

نظرؔ لکھنوی