چند اشعار بغرض اصلاح

[سرفرازاحمدسحر]

محترم الف عین صاحب اور دیگر تمام احباب محفل کی خدمت میں میرا سلام

ہاتھ جب وہ سر ۔ ساحل نہ رہا
میں بھی طوفاں کے مقابل نہ رہا

یہ کرشمہ لب۔ منصف سے ہوا
کل جو تھا آج وہ قاتل نہ رہا

اہل ۔ دانش کی رفاقت کے سبب
مجھ سا کج فہم بھی جاہل نہ رہا

 

[سید ذیشان حیدر]

بہت خوب

 

[الف عین]

اصاح شعر کی ضرورت نہیں،لیکن اصلاح املا کی ہے۔ اضافت کے زیر کی جگہ وقفہ؟ یہ کس کی بورڈ کا کمال ہے؟ اگر دیا ہی نہیں جاتا تو بہتر تھا۔

 

[سرفرازاحمدسحر]

السلام علیکم ورحمتہ اللہ
محترم قبلہ الف عین صاحب بہت شکریہ
آئندہ اس بات کا خیال رکھوں گا انشاءاللہ
دراصل جو کی بورڈ مرے موبائل میں انسٹال ہے اس میں زبر، زیر ، پیش نہیں مل رہے۔
اس وجہ سے غلطی سرزد ہوئی
معذرت خواہ ہوں
والسلام

 

[سرفرازاحمدسحر]

بہت بہت شکریہ محترم سید ذیشان حیدر صاحب
اللہ آپ کو سلامت رکھے آمین

 

[سرفرازاحمدسحر]

ہاتھ جب وہ سرِساحل نہ رہا
میں بھی طوفاں کے مقابل نہ رہا

یہ کرشمہ لبِ منصف سے ہوا
کل جو تھا آج وہ قاتل نہ رہا

اہلِ دانش کی رفاقت کے سبب
مجھ سا کج فہم بھی جاہل نہ رہا

 

[الف عین]

مجھے بس پہلا مصرع پسند نہیں آیا
ہاتھ جب وہ سرِساحل نہ رہا
کیا ساحل پر ہاتھ کا ہونا معمول کی بات ہے؟
در اصل شعر عجز بیان کا شکار ہے۔ اتنے تھوڑے الفاظ میں یہ کہنا مشکل ہے کہ یار، محبوب، یا دوست جو عموماً مدد کے لیے ہاتھ بڑھاتا تھا، آج طوفان کے موقعے پر دھوکا دے گیا۔