آمین، یہ مشہور موضوع حدیث ہے اس لیے سند بیان نہیں کی تھی۔ مزید بات بھی اسی لیے نہیں کی کہ بہرحال یہ شعر و ادب کا موضوع ہے ۔
جزاک اللہ خیرا وبارک فیک ۔ آپ نے بالکل درست فرمایاِ ۔ تشبیہ کی حد تک بات درست ہے لیکن ۔۔۔ صاحب موضوع کی اجازت سے عرض کروں کہ شعر میں کہا گیا ہے :
ہیں مثل ستاروں کے مری بزم کے ساتھی
اصحاب کے بارے میں یہ فرمایا نبی نے
گویا یہاں تصریح ہے کہ یہ الفاظ نبی صلی اللہ علیہ وسلم کے ہیں ۔ جب کہ صحیح مسلم کی حدیث میں یہ لفظ نہیں ہیں ۔ اور دوسری طرف موضوع حدیث میں واضح طور پر موجود ہیں ۔ اصحابی کالنجوم ۔۔۔ الخ۔
یہاں اس بات کو بھی مدنظر رکھیے کہ روایۃ باللفظ اور بالمعنی کی کیا شرائط ہیں اور امام مسلم رحمہ اللہ روایۃ باللفظ کے معاملے میں کتنے محتاط تھے ؟
کیوں نہ ہم دین دار لوگ شعر و ادب میں اصحابی امنۃ لامتی کو رواج دیں کہ وہ ہمارے حبیب صلی اللہ علیہ وسلم کے الفاظ ہیں اور اصحابی کالنجوم سے پرہیز کریں کہ وہ ایک واضع کے الفاظ ہیں ۔ یہ میرا آخری مراسلہ ہو گا ۔ برادر محترم کے حکم کے مطابق۔ اللہ تعالی ان کی دعا ہم سب کے حق میں قبول فرمائے ۔
بہت ہی اچھے لگے اشعار
