محمد وارث
لائبریرین
جی اس سے تو یہ لگتا ہے کہ دلی میں اس کا تلفظ 'چھے' رہا ہوگا۔ لکھنؤ اور دوسرے علاقوں میں 'چھ' ہی ہوگا جیسا کہ ہم بولتے ہیں۔ ویسے یہ ہندی کا لفظ ہے سو ہندی اہلِ زبان کا تلفظ اس میں سند ہوگا۔
محمد وارث
لائبریرین
یوں تو بات صرف 'چھے' کی تھی اور وہ لغت کے مولوی صاحب نے صاف کر دی۔ ان کے پہلے جملے کا لب لباب یہ ہے کہ 'چھ' کی ھ کو واضح کر کے (مظہرہ) نہیں بولنا چاہیئے بلکہ ھ کو مخفی یعنی تھوڑا چھپا کر یا آہستہ سے بولنا چاہیئے۔
ظہیراحمدظہیر
لائبریرین
’’چھ‘‘ بطور ایک مرکب حرف تو اسی طرز پرآواز دیتا ہے جیسے دیگر مرکب حروف یعنی بھ ، پھ، تھ ، ٹھ وغیرہ ۔ مرکب حرف ( اصل حرف +ھ) کی آواز اصل حرف کے مخرج سے بالکل ہی قریب ہوتی ہے ۔ بس اس کی ادائیگی میں ذرا بھاری پن اور آخر میں ایک ذرا جھٹکا سا ہوتا ہے ۔
عدد ۶ کی لفظی صورت بھی ’’چھ‘‘ ہے لیکن اسے ’’طے‘‘ کے وزن پر بولا جاتا ہے ۔لیکن اس کا ایک علاقائی تلفظ ’’لے‘‘ اور ’’دے ‘‘ یا انگریزی لفظ ڈے کے وزن پر بھی ہے اور مارواڑ راجھستان وغیرہ کی طرف بولا جاتا ہے ۔ وہ لوگ لفظ کیسے اور پیسے وغیرہ کو بھی اسی طرز پر بولتے ہیں اور ان کے منہ سے سننے میں بڑا اچھا لگتا ہے ۔ نمونے کے طور پر آپ کبھی حیدرآباد سندھ کے مشہور مزاحیہ شاعر پروفیسر عنایت علی کو کسی وڈیو میں بولتے سنیں ۔
عبید انصاری
محفلین
جی بالکل
کراچی میں بھی کافی لوگوں کو اس طرح بولتے سنا
عبید انصاری
محفلین
شاید یہاں پھر کچھ کنفیوژن ہورہی ہے۔ زیک کہنا چاہتے ہیں کہ ہم تو 6 کا تلفظ day کی طرح کرتے ہیں، شے اور طے کا تلفظ تو فرق ہے۔
اب جبکہ اس بارے میں وارث بھائی اور ظہیر بھائی کی پوسٹس آگئی ہیں، معلوم نہیں کہ انہوں نے اتفاق کیا یا نہیں۔
سیدہ نجف فدا
محفلین
جی درست کہا آپ نے. میرے بھی کافی تلفظ درست ہوئے بی ایڈ کی ورکشاپ میں
فہد اشرف
محفلین
ہندی میں ’چھا‘ بولتے ہیں، کچھ اس طرح کہ آخر میں الف کی آواز ’ہ‘ سے ملتی جلتی نکلتی ہے۔
محمد وارث
لائبریرین
اس کی وجہ یہ ہے کہ اردو میں کسی لفظ کا آخری حرف متحرک نہیں ہے لیکن سنسکرت ہندی اور دیگر کئی زبانوں میں متحرک حرف الفاظ کے آخر میں ہوتے ہیں، جس کی معمولی سی آواز ہوتی ہے جو الف سے کافی کم ہوتی ہے اور اسے رومن میں لکھتے ہوئے a سے ظاہر کرتے ہیں جیسے 'نرنیدر 'کو ہم آخری رے ساکن کے ساتھ بولتے ہیں لیکن اصل تلفظ میں آخری رے متحرک ہے جسےNarendra سے ظاہر کیا جاتا ہے اور اس طرح کے بے شمار الفاظ۔
فاتح
لائبریرین
فاتح
لائبریرین
بجا کہتے ہیں۔ وہ لوگ تمام الفاظ میں "اَے" æ کے تلفظ کو امالے کے ساتھ "اے" eː بنا کر بولتے ہیں۔
آخری تدوین:
سید عاطف علی
لائبریرین
ویسے لہجات تو ہمہ وقت متغیر رہتے ہیں ۔
مجھے تو لگتا ہے کہ 6 کے لیے آج کا مقبول اور معیاری لہجے اس کی بابت چھے ہی ہے۔ جیسے نالہء نے یا سرور مے پے در پے ۔۔۔میں نے اپنے اجداد سے ایسے ہی سنا ہمارے والد والدہ راجھستان (جے پور (جے پور کا جے بھی اتفاق سے ایسے ہی ہے )) سے آئے تھے اور چھے اسی طرح استعمال کرتے تھے۔۔۔ پیسے کو "پ سے" بولنے والے بھی بہت سنے ہیں لیکن وہ معیاری اور مقبول لہجہ نہیں سمجھا جاتا ۔ہمیں خود کو تو آج بھی سن کر ایسا ہی لگتا ہے ۔ جیسے خالد نظامی اور رزاق راجو صاحبان کا ادا کردہ کامیڈی سکرپٹ ہے اگر اسے کامیڈی نہ سمجھیں تو ایک جھرجھری سی آجاتی ہے۔۔۔۔
مجھے تو لگتا ہے کہ 6 کے لیے آج کا مقبول اور معیاری لہجے اس کی بابت چھے ہی ہے۔ جیسے نالہء نے یا سرور مے پے در پے ۔۔۔میں نے اپنے اجداد سے ایسے ہی سنا ہمارے والد والدہ راجھستان (جے پور (جے پور کا جے بھی اتفاق سے ایسے ہی ہے
)) سے آئے تھے اور چھے اسی طرح استعمال کرتے تھے۔۔۔ پیسے کو "پ سے" بولنے والے بھی بہت سنے ہیں لیکن وہ معیاری اور مقبول لہجہ نہیں سمجھا جاتا ۔ہمیں خود کو تو آج بھی سن کر ایسا ہی لگتا ہے ۔ جیسے خالد نظامی اور رزاق راجو صاحبان کا ادا کردہ کامیڈی سکرپٹ ہے اگر اسے کامیڈی نہ سمجھیں تو ایک جھرجھری سی آجاتی ہے۔۔۔۔ 
زیک
مسافر
آخر میں جیسے schwa ہو؟
فہد اشرف
محفلین
’छः‘ ہندی میں ایسے لکھا جاتا ہے، جس میں छ ہندی حروفِ تہجی کا حرف ’چھا‘ ہے اور ’:‘ اَہ (əh) کی آواز دیتا ہے۔ مجموعی طور پہ آواز چھہ کی نکلتی ہے یعنی چھ مفتوح اور ہ ساکن
فہد اشرف
محفلین
بولا تو کئی طرح سے جاتا ہے کوئی چھا بولتا ہے کوئی چھہ کوئی چھے (شے اور day دونوں طرح) اور بہاری بنگالی تو چھَو اور چھوگو جیسا کچھ بولتے ہیں۔اسی لیے ہندوستان کے بارے میں کہا جاتا ہے کہ ”کوس کوس پر بدلے پانی چار کوس پر بانی“
کوس دوری ماپنے کی اکائی ہے اور بانی بولی کو کہتے ہیں
ظہیراحمدظہیر
لائبریرین
شاید یہاں پھر کچھ کنفیوژن ہورہی ہے۔ زیک کہنا چاہتے ہیں کہ ہم تو 6 کا تلفظ day کی طرح کرتے ہیں، شے اور طے کا تلفظ تو فرق ہے۔
اب جبکہ اس بارے میں وارث بھائی اور ظہیر بھائی کی پوسٹس آگئی ہیں، معلوم نہیں کہ انہوں نے اتفاق کیا یا نہیں۔
جیسا کہ پہلےعرض کیا : معیاری تلفظ تو چھے ہی ہے لیکن بعض لوگ اسے امالے کے ساتھ بھی بولتے ہیں ۔ جیسا کہ فاتح بھائی اور سید صاحب نے بھی لکھا ۔ یہ علاقائی تلفظ ظاہر ہے کہ معیاری تلفظ سے ہٹ کر ہے ۔ عوامی تلفظ ہے ۔ اسی لئے زبان کے تلفظ کا ایک معیار ہونا ضروری ہے ۔ عام طور پر اہلِ زبان کے تلفظ اور استعمال کو معیار مانا جاتا ہے اور اس سلسلے میں دہلی اور لکھنو کی زبان مستند چلی آتی ہے ۔ لیکن یہ ایک الگ بحث ہے ۔ اب دنیا تیزی سے بدل رہی ہے ۔ زبانیں ڈائلیوٹ ہورہی ہیں ۔ میرا خیال ہے کہ اردو کو ایک صوتی لغت کی ازحد ضرورت ہے کہ جو الفاظ کے معیاری تلفظ کو آئندہ نسلوں کے لئےمحفوظ کرسکے ۔
زیک
مسافر
شدید متفق