ڈاکٹر شبیر احمد خان شبیر کی شاعری
- صاحب لڑی ابن سعید
- تاریخ ابتداء
فاتح
لائبریرین
ایسے تکیوں پر نیند ہی تو نہیں آتی۔ارے واہ!! تکیوں پر شعر و شاعری کا پہلے نہیں سنا کبھی نہ دیکھا۔ دلچسپ ہے۔
ایسے تکیوں پر تو نیند بھی خوب آتی ہو گی۔
لاریب مرزا
محفلین
فاتح
لائبریرین
آج تک تو اشعار والے تکیے استعمال کرنے کا اتفاق نہیں ہوا اس لیے تجربہ تو نہیں کہا جا سکتا اس لیے قیاس ہی اور اغلب قیاس ہے کہ ایسے دکھی اشعار پڑھ کے انسان سو کیسے سکتا ہے
فاتح بھائی!! یہ تجربہ بول رہا ہے یا محض قیاس آرائی ہے؟؟
لاریب مرزا
محفلین
فاتح
لائبریرین
جب تکیے پر شعر یہ لکھا ہویہ کوئی دکھی شعر ہے؟؟
اور اس تکیے پر رخسار یار کی بجائے اپنا ہو تو یہ دکھ ہی کی بات ہے نا۔
لاریب مرزا
محفلین
ہاہاہاہاہاجب تکیے پر شعر یہ لکھا ہو
اور اس تکیے پر رخسار یار کی بجائے اپنا ہو تو یہ دکھ ہی کی بات ہے نا۔
آپ کی بات سے متفق ہونا ہی پڑے گا فاتح بھائی۔
ظہیراحمدظہیر
لائبریرین
ہمارا نہیں خیال کہ انھوں نے کبھی باقاعدہ خطاطی کی ہو، البتہ خوشخط ضرور ہیں۔ بلکہ ہماری خالہ جان اور محلے کی دوسری خواتین ان سے رومال اور تکیے وغیرہ پر اشعار لکھوا کر کڑھائی کیا کرتی تھیں۔ اگر ہمیں ٹھیک سے یاد ہے تو کئی دفعہ ماموں تکیوں کے لیے اشعار خود ہی تخلیق کر کے خوشخطی کرتے تھے اور کبھی کبھی کشیدہ کاری کی کتابوں یا ڈائجسٹوں میں شائع ہونے والے اشعار سے کام چلاتے تھے۔ اس پر ہمیں ایک واقعہ یاد آ گیا۔ ہماری ڈیڑھ امی یعنی چھوٹی خالہ جان نے ایک تکیے پر ماموں جان سے درج ذیل شعر لکھوا کر کڑھائی کی تھی:
تکیے پہ پھول، پھول پہ رخسار یار ہو
دو گل رخوں کے وصل سے پیدا بہار ہو
ایک دفعہ گھر پر کوئی تقریب تھی، غالباً کسی کی شادی یا عقیقہ وغیرہ کی تقریب۔ ایسے میں مہمانوں کے بیٹھنے اور لیٹنے کے لیے برامدے میں کافی ساری چارپائیاں بچھی ہوئی تھیں۔ تب ٹینٹ وغیرہ کا رواج نہیں تھا تو ایسی تقریبات میں پڑوسیوں کے گھروں سے چارپائیاں اور صاف ستھرے بستر وغیرہ اکٹھا کر لیے جاتے تھے اور کام چل جاتا تھا۔ ہم اس وقت اپنے تین چار ہم عمروں کے ساتھ ایک چارپائی پر بیٹھے باتیں کر رہے تھے۔ اتفاق سے اس چارپائی پر وہی تکیہ رکھا ہوا تھا اور اتفاق سے خوشخطی کرتے ہوئے ماموں نے "گل رخوں" کو "گلرخوں" لکھ دیا تھا۔ ایسے میں ایک صاحب وہ شعر پڑھتے ہوئے "گلر" اور "خوں" کو علیحدہ علیحدہ پڑھ گئے اور پھر ہم لوگ خوب ہنسے۔
ابن سعید بھائی کیا یاد دلادیا آپ نے ! تکیوں پر خطاطی کا بالکل یہی کام میں نے بھی اپنے بچپن میں کئی دفعہ کیا ہے ۔ ہمارے خاندان میں یہ روایت تھی کہ لڑکیوں کو جہیز کے سامان میں کشیدہ کاری سے مزین تکیوں کے غلاف اور بستر پوش وغیرہ ضرور دیئے جاتے تھے ۔ مجھے یاد ہے کہ اکثر کسی کزن وغیرہ کی شادی کے موقع پر مجھ سےکچھ روایتی اشعار بڑے سے کاغذ پر خوشخط لکھوائے جاتے تھے ۔ پھر ایک دلچسپ طریقے سے اس لکھائی اوربیل بوٹوں کو کشیدہ کاری کے لئے کاغذ سے کپڑے پر منتقل کیا جاتا تھا ۔ پہلے تو ایک سوئی کی مدد سے کاغذ پر لکھی لکیروں کو سوراخ دار بنایا جاتا تھا اور پھر اس کاغذ کو کپڑے پر رکھ کر اس کے اوپر روئی کے ایک پھوئے سے نیل ملا پانی پھیر دیا جاتا تھا ۔ یہ نیل سوراخوں سے نکل کر کپڑے تک پہنچتا اور یوں کاغذ پر موجود نقش کپڑے پر منتقل ہوجاتا تھا ۔
بہت ساری اور روایتوں کی طرح یہ روایت بھی ہمارے دیکھتے ہی دیکھتے دم توڑگئی ۔ نئی نسل میں تو شاید کوئی اس بات سے واقف بھی نہ ہو ۔ آپ کی یہ تحریر پڑھ کر بہت ساری یادین تازہ ہوگئیں ۔
محمداحمد
لائبریرین
بہت خوب شاعری ہے محترم شبیر احمد خان صاحب کی۔
محمداحمد
لائبریرین
ہمارے بچپن میں ہمارے گھر پر ایک ایسا تکیہ تھا جس پر کشیدہ کاری سے شعر لکھا گیا تھا۔ اور وہ شعر کچھ اس قسم کا تھا۔
گلشن میں پھولوں کی دید کیا تھی
اس تکیے کے بغیر ہماری نیند کیا تھی
اس وقت وزن کا اندازہ تو نہیں تھا لیکن یہ شعر حافظے پر نقش رہ گیا۔