محمد خلیل الرحمٰن
محفلین
شریک محفل کرنے پر شکریہ قبول فرمائیے
تلمیذ
لائبریرین
عبد الرحمن
لائبریرین
جزاکم اللہ خیرا راشد بھائی!
بہت مفید کتاب کی طرف رہنمائی کی۔
بہت مفید کتاب کی طرف رہنمائی کی۔
فرحت کیانی
لائبریرین
جزاک اللہ۔
میں نے یہ کتاب ڈاؤنلوڈ کر لی تھی لیکن شکریہ ادا نہیں کر سکی۔ بہت شکریہ راشد اشرف آپ ہمیشہ ایک مختلف اور اچھی کتاب ہمارے ساتھ شیئر کرتے ہیں۔
راشد اشرف
محفلین
آپ سب کا شکریہ
چند روز قبل علی گڑھ سے ایک خاتون نے شعبہ اردو کے سربراہ کے مشورے پر خاکسار سے رابطہ کیا تھا، وہ خواتین کی تحریر کردہ اردو خودنوشتوں پر پی ایچ ڈی کررہی ہیں اور ہمیں کہا گیا کہ ان کی مدد کی جائے۔ پہلے تو خیال آیا کہ ہم نے ایسا کون سا کام کیا ہے جس کی بنا پر مدد کا کہا گیا ہے۔
یادش بخیر، ابن انشاء کے پاس ایک صاحب آئے اور کہا کہ نماز کی سورتیں سکھا دیجیے۔ انشاء جی نے یہ کہتے ہوئے انکار کردیا کہ ہمیں خود چار سورتیں یاد ہیں، وہ تمہیں سکھا دیں تو ہمارے پلے کیا رہ جائے گا۔
بہرکیف، خاتون کے مطالبات کی فہرست بہت طویل تھی، اتنی کہ خیال آیا کہ کیوں نہ اس موضوع پر ہم خود پی پی ایچ ڈی کرلیں یا کم از کم اتنا ہوجائے کہ خاتون کے مقالے میں شراکت داری کی صورت نکل آئے۔ زیر نظر کتاب کی اسکیننگ ان ہی کے لیے کی گئی تھی۔
چند روز قبل علی گڑھ سے ایک خاتون نے شعبہ اردو کے سربراہ کے مشورے پر خاکسار سے رابطہ کیا تھا، وہ خواتین کی تحریر کردہ اردو خودنوشتوں پر پی ایچ ڈی کررہی ہیں اور ہمیں کہا گیا کہ ان کی مدد کی جائے۔ پہلے تو خیال آیا کہ ہم نے ایسا کون سا کام کیا ہے جس کی بنا پر مدد کا کہا گیا ہے۔
یادش بخیر، ابن انشاء کے پاس ایک صاحب آئے اور کہا کہ نماز کی سورتیں سکھا دیجیے۔ انشاء جی نے یہ کہتے ہوئے انکار کردیا کہ ہمیں خود چار سورتیں یاد ہیں، وہ تمہیں سکھا دیں تو ہمارے پلے کیا رہ جائے گا۔
بہرکیف، خاتون کے مطالبات کی فہرست بہت طویل تھی، اتنی کہ خیال آیا کہ کیوں نہ اس موضوع پر ہم خود پی پی ایچ ڈی کرلیں یا کم از کم اتنا ہوجائے کہ خاتون کے مقالے میں شراکت داری کی صورت نکل آئے۔ زیر نظر کتاب کی اسکیننگ ان ہی کے لیے کی گئی تھی۔
محمود احمد غزنوی
محفلین
کتاب چھاپنے والوں نے نجانے اصل متن(اگر وہ کہیں ہوا تو) کیوں نہیں چھاپا۔۔شروع میں بس یہ وجہ لکھی گئی ہے کہ اردو زبان کے محاورات اور تراکیب تبدیل ہونے کی وجہ سے اسے نئے پیرائے میں پیش کیا گیا ہے۔۔۔کتاب میں ایک جگہ اقبال کے مصرح کو جملے میں استعمال کیا گیا ہے جبکہ اس زمانے میں( 1885)اقبال شائد آٹھ نو سال کی عمر میں تھے۔۔۔واللہ اعلم
راشد اشرف
محفلین
کتاب چھاپنے والوں نے نجانے اصل متن(اگر وہ کہیں ہوا تو) کیوں نہیں چھاپا۔۔شروع میں بس یہ وجہ لکھی گئی ہے کہ اردو زبان کے محاورات اور تراکیب تبدیل ہونے کی وجہ سے اسے نئے پیرائے میں پیش کیا گیا ہے۔۔۔ کتاب میں ایک جگہ اقبال کے مصرح کو جملے میں استعمال کیا گیا ہے جبکہ اس زمانے میں( 1885)اقبال شائد آٹھ نو سال کی عمر میں تھے۔۔۔ واللہ اعلم
درست کہا آپ نے، کہیں کچھ ڈنڈی مار گئے ہیں لیکن مجموعی طور پر ترجمہ کی صحت کا کچھ نہ کچھ خیال رکھا ہی گیا ہے۔ اس کتاب کے ساتھ غریب کی جورو والا معاملہ ہوا ہے۔ کتنی مرتبہ شائع کی گئی، اس کا کوئی حساب ہی نہیں ہے۔ اہل حدیث ٹرسٹ والوں کو بھی یہی خیال آیا ہوگا کہ مولانا تھانیسری پر ان سے زیادہ تو کسی کا حق ہے ہی نہیں۔ ویسے ایک نسخہ ایسا بھی ہے جس کا دیباچہ مولانا محمد اسمعیل صاحب خطیب مسجد اہلحدیث گوجرنوالہ کا تحریر کردہ ہے اور اس پر 3 ستمبر 1941 کی تاریخ موجود ہے۔
آپ نے کہا کہ اس زمانے میں علامہ نو سال کے تھے، یہ بھی تو دیکھیے کہ نو سال کے علامہ بھی غضب رہے ہوں گے۔ کسی نوے سالہ شاعر پر بھی بھاری۔
۔ راقم کی سائٹ پر موجود ایک سرورق یہ ملاحظہ ہو، یہ نسخہ 1962 میں شائع ہوا تھا:
http://www.wadi-e-urdu.com/wp-content/uploads/2011/02/kala-pani-salman-academy-karachi-sept-1962.jpg
کالا پانی کا پہلا حصہ اپریل 1879 اور دوسرا 1885 میں لکھا گیا تھا۔
مولانا جعفر کو 2 مئی 1864 کو پھانسی کی سزا سنائی گئی تھی۔ سزا سے قبل قید میں ان پر تشدد بھی بے پناہ ہوا تھا مگر وہ برداشت کرگئے۔
علامہ اقبال والی بات سے ملتی جلتی ایک بات اور سن لیجیے۔ اس کا ذکر ڈاکٹر پروازی نے کیا ہے۔ مولانا کی پھانسی کی سزا جب حسب دوام بہ عبور دریا شور میں تبدیل کی گئی تو اس موقع پر ڈپٹی کمشنر مولانا کے پاس گیا اور کہا کہ تم لوگ پھانسی کو شہادت تصور کرکے خوش ہوتے ہو لہذا سزا میں یہ تبدیلی کی گئی ہے۔
اس موقع پر مولانا محمد علی جوہر کا یہ شعر لکھا ہوا ہے:
مستحق دار کو حکم نظر بندی ملا
کیا کہوں کیسے رہائی ہوتے ہوتے رہ گئی
لکھتے ہیں ‘‘ مگر میں حیران ہورہا ہوں کہ مولانا نے 1885 میں محمد علی جوہر کا یہ شعر کہاں سے سن لیا۔ اس سے یہ نتیجہ نکلتا ہے کہ مرتب کرنے والے نے بعد کو موقعہ کی مناسبت سے یہ شعر متن میں زائد کردیا۔ عین ممکن ہے مرتب نے اور مواقع پر بھی کتاب کے اصل متن میں ایسی ترمیمت روا رکھی ہوں"
