کتاب

[جاسمن]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

 

[جاسمن]

ان کے اوراق میں پوشیدہ ہیں آنسو میرے
کیا کرو گے مری افسردہ کتابیں پڑھ کر
اعتبار ساجد

 

[جاسمن]

گلی گلی میں اتر چکے ہیں کتاب آنکھوں کے زندہ نوحے
حسین چہروں کا سرخ ماتم شراب آنکھوں کے زندہ نوحے

طاہر حنفی

 

[جاسمن]

کتاب سادہ رہے گی کب تک، کبھی تو آغازِ باب ہو گا
جنہوں نے بستی اجاڑ ڈالی، کبھی تو ان کا حساب ہو گا
مرتضیٰ برلاس

 

[جاسمن]

وہ کتابیں جو دستیاب نہیں
اِن میں اوّل تمہارا چہرہ ہے
م م مغل

 

[صاد الف]

سُرورِ علم ہے کیفِ شراب سے بہتر
کوئی رفیق نہیں ہے کتاب سے بہتر

 

[جاسمن]

مرےپیچھے کتابیں ہیں ,مرے آگے زمانہ ہے
میں دونوں کی پڑھائ ففٹی ففٹی کرتا رہتا ہوں
اعتبارساجد

 

[جاسمن]

اسے پڑھ کے تم نہ سمجھ سکے کہ مری کتاب کے روپ میں
کوئی قرض تھا کئی سال کا کئی رت جگوں کا ادھار تھا
اعتبار ساجد

 

[گُلِ یاسمیں]

وہ عجب گھڑی تھی میں جس گھڑی لیا درس نسخۂ عشق کا
کہ کتاب عقل کی طاق پر جیوں دھری تھی تیوں ہی دھری رہی

 

[ظفری]

کس طرح جمع کیجئے اب اپنے آپ کو
کاغذ بکھر رہے ہیں پرانی کتاب کے
عادل منصوری

 

[جاسمن]

تمہارے خال و خد پہ اک کتاب لکھ رہے تھے ہم
مگر تمہارا حسن بے مثال ہی نہیں رہا
اعتبار ساجد

 

[محمداحمد]

وہ عجب گھڑی تھی میں جس گھڑی لیا درس نسخۂ عشق کا
کہ کتاب عقل کی تاک پر جیوں دھری تھی تیوں ہی دھری رہی

تاک کو طاق کر لیجے۔

 

[فرخ منظور]

تاک کو طاق کر لیجے۔

کیا تاک کر نشانہ لگایا ہے آپ نے۔

 

[جاسمن]

کسی نے خون میں تر چوڑیاں جو بھیجی ہیں
لکھی ہے خون جگر سے کتاب میں نے بھی
اعتبار ساجد

 

[جاسمن]

ہے کتابِ جاں کا ربن کھلا کسی واڈکا بھری شام میں
یہی افتتاحیہ رات ہے ذرا لڑکھڑا کے، بہک کے پڑھ
منصور آفاق

 

[جاسمن]

جوہر حق نہیں ملا مجھ کو کسی کتاب میں
مٹی سے سن رہا ہوں میں عالی نسب کہانیاں
اعتبار ساجد

 

[جاسمن]

پڑهائی لکهائی کا موسم کہاں
کتابوں میں خط آنے جانے لگے
بشیر بدر

لکھائی

 

[جاسمن]

تمہی نے ساتھ دیا زندگی کی راہوں میں
کتاب عمر تمہارے ہی نام کرتے ہیں
طارق نعیم

 

[اربش علی]

خود بدلتے نہیں، قُرآں کو بدل دیتے ہیں
ہُوئے کس درجہ فقیہانِ حرم بے توفیق!
ان غلاموں کا یہ مسلک ہے کہ ناقص ہے کتاب
کہ سِکھاتی نہیں مومن کو غلامی کے طریق!

(اقبال)​

 

[اربش علی]

بندۂ تخمین و ظن! کِرمِ کتابی نہ بن
عشق سراپا حضور، علم سراپا حِجاب!
عشق کی گرمی سے ہے معرکۂ کائنات
علم مقامِ صفات، عشق تماشاے ذات

(اقبال)​