کتنے قضیوں کے یوں ہی حل نکلے------- غزل

[یاسر شاہ]

غزل


کتنے قضیوں کے یوں ہی حل نکلے
راہ لی اپنی اور چل نکلے

آدمی ہو کہ تم گدھے ہو میاں !
کاہے کو اس قدر اٹل نکلے؟

جب دلِ جانِ بزم ٹوٹ گیا
مابدولت بمع غزل نکلے

طالبِ علم خانقاہ گئے
نکلے تو طالبِ عمل نکلے

شاؔہ رنڈی کو بھی حقیر نہ جان
جانے پاس اس کے کیا عمل نکلے

ہم نے کاندھا دیا تمھیں کہ چلو
تم میاں ہم کو ہی کچل نکلے!

صد غنیمت ہیں اس ہمہ ہمی میں
کچھ جو اپنے لئے بھی پل نکلے

یہ کمال آفتاب میں بھی نہیں
دیپ سے کتنے دیپ جل نکلے

شاؔہ موضوع عشق چھیڑ شتاب
اس سے پہلے کہ بےمحل نکلے

​

​

​

​

 

[فلسفی]

طالبِ علم خانقاہ گئے
نکلے تو طالبِ عمل نکلے

بہت خوب شاہ جی۔ کہاں غائب ہیں آپ۔ بہت غیر حاضریاں ہے آپ کی۔

 

[الف عین]

واہ، اچھی غزل ہے یاسر شاہ

 

[احمد وصال]

واااااااااہ خوب است
عمدہ غزل

 

[محمد تابش صدیقی]

کتنے قضیوں کے یوں ہی حل نکلے
راہ لی اپنی اور چل نکلے

بلاشبہ، آج کے دور میں بہترین حل یہی ہے۔ لاجواب مطلع۔

صد غنیمت ہیں اس ہمہ ہمی میں
کچھ جو اپنے لئے بھی پل نکلے

سچ

یہ کمال آفتاب میں بھی نہیں
دیپ سے کتنے دیپ جل نکلے

ازراہِ تفنن
اب تو سولر پینل کے ذریعے سورج بھی کئی دیپ جلا رہا ہے۔

بہت عمدہ غزل یاسر بھائی۔

 

[محمد عدنان اکبری نقیبی]

ہم نے کاندھا دیا تمھیں کہ چلو
تم میاں ہم کو ہی کچل نکلے!

دور حاضر کی ایک تلخ حقیقت ،
بہت شاندار غزل یاسر بھیا ۔

 

[عظیم]

اب تک آپ کو صرف اصلاح وغیرہ دیتے ہی دیکھا تھا، غزل دیکھی تو سمجھا کہ پسندیدہ کلام ہو گا۔ لیکن یہ تو آپ کی اپنی غزل ہے اور بہت اچھی بھی ہے!

 

[فرحان محمد خان]

بہت خوب شاہ جی عمدہ اشعار

 

[یاسر شاہ]

بہت خوب شاہ جی۔ کہاں غائب ہیں آپ۔ بہت غیر حاضریاں ہے آپ کی۔

فلسفی بھائی (اپنا نام بھی تو بتائیں )میرا ایک امتحاں تھا -پرسوں ہی فارغ ہوا ہوں -اب آنا جانا لگا رہے گا ان شاء اللہ -
داد کا شکریہ-

 

[یاسر شاہ]

واہ، اچھی غزل ہے یاسر شاہ

محترمی نوازش حوصلہ افزائی پر -

 

[فلسفی]

فلسفی بھائی (اپنا نام بھی تو بتائیں )میرا ایک امتحاں تھا -پرسوں ہی فارغ ہوا ہوں -اب آنا جانا لگا رہے گا ان شاء اللہ -
داد کا شکریہ-

اللہ تعالی آپ کو دین اور دنیا کی تمام کامیابیاں عطا کرے۔

 

[یاسر شاہ]

واااااااااہ خوب است
عمدہ غزل

احمد وصال بھائی بہت شکریہ

 

[یاسر شاہ]

بلاشبہ، آج کے دور میں بہترین حل یہی ہے۔ لاجواب مطلع۔

سچ

ازراہِ تفنن
اب تو سولر پینل کے ذریعے سورج بھی کئی دیپ جلا رہا ہے۔

بہت عمدہ غزل یاسر بھائی۔

تابش بھائی بہت شکریہ حوصلہ افزائی کا -

ویسے یہ شعر کہتے ہوئے میرے دل میں بھی سولر پینل کا خیال آیا تھا -

 

[یاسر شاہ]

دور حاضر کی ایک تلخ حقیقت ،
بہت شاندار غزل یاسر بھیا ۔

بھائی عدنان نوازش -

 

[یاسر شاہ]

اب تک آپ کو صرف اصلاح وغیرہ دیتے ہی دیکھا تھا، غزل دیکھی تو سمجھا کہ پسندیدہ کلام ہو گا۔ لیکن یہ تو آپ کی اپنی غزل ہے اور بہت اچھی بھی ہے!

عظیم بھائی جزاک اللہ خیر -

 

[یاسر شاہ]

بہت خوب شاہ جی عمدہ اشعار

فرحان بھائی بہت شکریہ

 

[فرقان احمد]

مصرع ایسا شاندار تھا کہ داد دیے بغیر نہ بنی۔ پوری غزل پڑھنے کا حوصلہ بھی پیدا کریں گے ان شاء اللہ!

 

[محمداحمد]

بہت خوب!

اچھی غزل ہے بھائی !

بالخصوص یہ شعر:

یہ کمال آفتاب میں بھی نہیں
دیپ سے کتنے دیپ جل نکلے

 

[یاسر شاہ]

بہت خوب!

اچھی غزل ہے بھائی !

بالخصوص یہ شعر:

احمد بھائی جزاک اللہ خیر ! آپ کی داد میرے لئے تبرک ہے -

ایک گزارش ہے آپ سے اور آپ کے توسط سے اوروں سے بھی کہ کم از کم میری تک بندیوں پہ یا تبصروں پہ کھل کر تنقید کیا کریں ،مجھے اس کی ضرورت ہے سیکھنے کے لئے بھی اور یہ معلوم کرنے کے لئے کہ تنقید سے آخر کیا ناک میں دم ہوتا ہے ؟تاکہ میری بھی کمیاں ،کوتاہیاں دور ہوں -

نوازش

 

[محمداحمد]

احمد بھائی جزاک اللہ خیر ! آپ کی داد میرے لئے تبرک ہے -

ایک گزارش ہے آپ سے اور آپ کے توسط سے اوروں سے بھی کہ کم از کم میری تک بندیوں پہ یا تبصروں پہ کھل کر تنقید کیا کریں ،مجھے اس کی ضرورت ہے سیکھنے کے لئے بھی اور یہ معلوم کرنے کے لئے کہ تنقید سے آخر کیا ناک میں دم ہوتا ہے ؟تاکہ میری بھی کمیاں ،کوتاہیاں دور ہوں -

نوازش

شکریہ بھائی!

ویسے تو تنقید میرے مزاج میں نہیں ہے اور میں تنقید کے لئے درکار اہلیت بھی نہیں رکھتا۔

لیکن آپ نے کہا ہے تو ان شاءاللہ آئندہ اگر کوئی بات سمجھ آئی تو ضرور عرض کروں گا۔