کروناوائرس ویکسین

[زیک]

دنیا کے اکثر ممالک میں کروناوائرس ویکسین کی مہم شروع ہو چکی ہے۔ دنیا بھر میں آدھا ارب ڈوز لگ بھی چکی ہیں۔

آپ کا ویکسین کے بارے میں کیا ارادہ ہے؟ کیا آپ فوری ویکسین لگوانا چاہیں گے؟ انتظار کریں گے؟ سوچ بچار میں ہیں؟ نہیں لگوانا چاہتے؟ کیوں؟

رائے شماری میں حصہ لینے کے ساتھ ساتھ اپنا موقف مراسلے میں بھی شریک کریں

 

[محمد احسن سمیع راحلؔ]

انتظار میں ہیں کہ کب ہماری باری آتی ہے ... ابھی تک تو کوئی آثار نظر آرہے ... لگتا ہے پاکستان جا کر چغتائی والوں سے اپنے خرچے پر ہی لگوانی پڑے گی

 

[جاسم محمد]

رائے شماری میں حصہ لینے کے ساتھ ساتھ اپنا موقف مراسلے میں بھی شریک کریں

ایسٹرا زینیکا کی آفر ہوئی تھی لیکن رد کر دی۔ فائز کا انتظار کر رہا ہوں

 

[La Alma]

میں بل گیٹس کی مائیکرو چپ والی ویکسین کے انتظار میں ہوں۔

 

[سیما علی]

ہمارا کوڈ ویکسین کا پہلا ڈوز اٹھارہ مارچ 2021 کو ایس آئی یو ٹی میں لگا سب سے پہلے تو ہمارا تجربہ بہت اچھا رہا کیونکہ یہ پہلی مرتبہ پاکستان میں کوئی کام بغیر کسی خرچہ کے اتنی خوش اسلوبی سے پایہ تکمیل تک پہنچا۔۔ اس قدر منظم کام کرنے والوں کے لئیے دل سے بہت دعائیں نکلیں ساتھ ساتھ ڈاکٹر ادیب الحسن رضوی صاحب اور ان کے ساتھیوں کا جذبہ خدمت اور انتھک محنت تمام وقت نظر آئی
اللّہ تعالیٰ ان جیسے لوگوں کو قائم رکھے جو پاکستان کا نام روشن کرنے میں تن من دھن سے لگے رہتے ہیں!!!!!!!! ۔۔۔۔۔۔

 

[ہانیہ]

ابا ساٹھ سے اوپر ہیں۔۔۔انھوں نے رجسٹر کرا لیا ہے۔۔۔ جب پچاس سے اوپر والوں کا نمبر آئے گا۔۔۔ تو اماں بھی کرا لیں گی۔۔۔باقی سب کے لئے جیسے جیسے آتی جائے گی۔۔۔ سب لگوا لیں گے۔۔۔تذبذب میں نہیں ہیں کہ لگوانی چاہئے یا نہیں۔۔۔

 

[محمد وارث]

انتظار میں ہوں، افسوس ایک آدھ برس کی وجہ سے ففٹی والی کیٹگری میں بھی نہیں آ سکا۔ بیگم کا خیال ہے کہ ویکسین کے لیے یہ عمر والا جھنجھٹ ہونا ہی نہیں چاہیئے!

 

[سید عاطف علی]

کل رجسٹریشن کی درخواست بھیج دی ۔ اب دیکھیں کیا جواب آتا ہے ۔ اب تک کوئی اپڈیٹ موصول نہیں ہوئی شاید آج اور کل چھٹی کی وجہ سے ۔

 

[سید عاطف علی]

میں بل گیٹس کی مائیکرو چپ والی ویکسین کے انتظار میں ہوں۔

اس کے لیے بل گیٹس سے ہی رابطہ کر لیں ۔ اس کے پاس شاید تیار ہو پہلے سے اور انتظار کی زحمت سے شاید بچ جائیں ۔

سرگوشی: اور۔۔۔

یا پھر حقیقت ٹی وی سے رجوع کریں

۔

 

[عرفان سعید]

فن لینڈ میں ایسٹرا زینیکا پر کچھ تحفظات کی وجہ سے کچھ تعطل آ گیا تھا۔ اب فیصلہ کیا گیا ہے کہ اگلے ہفتے سے 65 سال سے 70 سال کو اس کی ڈوز لگانا دوبارہ شروع کی جائے گی۔ ہماری باری آنے میں ابھی کچھ وقت لگے گا۔

 

[عرفان سعید]

ایسٹرا زینیکا کی آفر ہوئی تھی لیکن رد کر دی۔ فائز کا انتظار کر رہا ہوں

اس رد کے نتیجے میں کہاں "فائز" ہونا ہے؟

 

[جاسم محمد]

انتظار میں ہوں، افسوس ایک آدھ برس کی وجہ سے ففٹی والی کیٹگری میں بھی نہیں آ سکا۔ بیگم کا خیال ہے کہ ویکسین کے لیے یہ عمر والا جھنجھٹ ہونا ہی نہیں چاہیئے!

۶۰ سے اوپر والوں کو کورونا زیادہ بری طرح متاثر کرتا ہے۔ اسلئے ان کو ویکسین پہلے لگوانی چاہیے

 

[جاسم محمد]

فن لینڈ میں ایسٹرا زینیکا پر کچھ تحفظات کی وجہ سے کچھ تعطل آ گیا تھا۔ اب فیصلہ کیا گیا ہے کہ اگلے ہفتے سے 65 سال سے 70 سال کو اس کی ڈوز لگانا دوبارہ شروع کی جائے گی۔ ہماری باری آنے میں ابھی کچھ وقت لگے گا۔

ناروے میں ہونے والی حالیہ تحقیق کے مطابق ۵۵ سال سے کم عمر تین صحت مند نارویجن افراد کی اموات کا ممکنہ ذمہ دار ایسٹرا زینیکا ویکسین ہے۔ آپ کے ملک میں اسے محفوظ کیسے قرار دے دیا گیا ہے؟
Overlege er krystallklar: - Helt klart en sammenheng med vaksinen
- Helt klart en sammenheng med vaksinen

 

[عرفان سعید]

ناروے میں ہونے والی حالیہ تحقیق کے مطابق ۵۵ سال سے کم عمر تین صحت مند نارویجن افراد کی اموات کا ممکنہ ذمہ دار ایسٹرا زینیکا ویکسین ہے۔ آپ کے ملک میں اسے محفوظ کیسے قرار دے دیا گیا ہے؟
Overlege er krystallklar: - Helt klart en sammenheng med vaksinen
- Helt klart en sammenheng med vaksinen

اس کی وجہ ورلڈ ہیلتھ آرگنائزیشن اور یورپین میڈیسن ایجنسی کا اسے محفوظ قرار دیا جانا ہے۔
جو ربط آپ نے دیا ہے اسے تحقیق تو ہرگز نہیں کہا جا سکتا۔ یہ پروفیسر ہولمے کی ذاتی رائے ہے جس کی بنیاد ویکسین کے بعد بلڈ کلاٹنگ سے ہونے والی تین اموات ہیں۔ جہاں ہولمے ان اموات کو کافی اعتماد کے ساتھ ویکسین سے متعلق قرار دے رہا ہے وہیں یہ عبارت بھی موجود ہے۔

Da tok han imidlertid forbehold om at man ikke kunne være 100 prosent sikker på at vaksinen var årsaken.

کہ 100 فی صد یقین سے ویکسین کو ان اموات کی وجہ قرار دینا ممکن نہیں۔

 

[اے خان]

مفت میں ہو تو لگا لیں گے

 

[عرفان سعید]

مفت میں ہو تو لگا لیں گے

بلکہ کہنا چاہیے تھا کہ سلامی میں لگی تو لگوا لیں گے۔

 

[سیما علی]

بلکہ کہنا چاہیے تھا کہ سلامی میں لگی تو لگوا لیں گے۔

اب بھیا ایسا ہی لگتا ہے سلامی میں کوڈ ویکسین لگے گی

 

[عرفان سعید]

اب بھیا ایسا ہی لگتا ہے سلامی میں کوڈ ویکسین لگے گی

کہیں دودھ پلائی کے بجائے "ویکسین لگوائی" رسم نہ شروع ہو جائے۔

 

[سید ذیشان]

اس رد کے نتیجے میں کہاں "فائز" ہونا ہے؟

بھائی ٹرولنگ کرتے کرتے خود بھی (غلط خبروں پر یقین کر کے) ٹرول ہو گئے۔

 

[سید ذیشان]

ابھی باری آنے کا انتظار ہے۔ والد صاحب نے ایک ڈوز ویکسین پچھلے ہفتے لگوا لی تھی۔