کوئی امید اب دل میں آتی نہیں (غزل)

[محمد اسامہ سَرسَری]

کوئی امید اب دل میں آتی نہیں
آرزو کی تمنا ہی باقی نہیں

حرصِ دنیا نے اک حشر برپا کیا
کوئی بھائی نہیں ، کوئی ساتھی نہیں

بات جانے کی اب مت کرو جانِ جاں
کیا تمھیں اپنی جاں آج پیاری نہیں

وصل کے ماہ و سال اک گھڑی کی طرح
ہجر کی شام کی صبح آتی نہیں

جاؤ گے حوضِ کوثر پہ کس منہ سے تم
لب پہ نعتیں نہیں ، رخ پہ ڈاڑھی نہیں

کیوں نہ دیں سَرؔسَری نام ”آبِ حیات“
عمر بھر اشک سے دوری پائی نہیں​

 

[ابن رضا]

جاؤ گے حوضِ کوثر پہ کس منہ سے تم
لب پہ نعتیں نہیں ، رخ پہ ڈاڑھی نہیں

ماشاءاللہ. سبحان اللہ. سبحان اللہ. سبحان اللہ

 

[محمد اسامہ سَرسَری]

جاؤ گے حوضِ کوثر پہ کس منہ سے تم
لب پہ نعتیں نہیں ، رخ پہ ڈاڑھی نہیں

ماشاءاللہ. سبحان اللہ. سبحان اللہ. سبحان اللہ

جزاک اللہ جزاک اللہ جزاک اللہ۔

 

[دانش حسین]

مکمل غزل ہی قابل ستائش ہے۔

بارک اللہ فی علمک وعملک

 

[محمد اسامہ سَرسَری]

مکمل غزل ہی قابل ستائش ہے۔

بارک اللہ فی علمک وعملک

بہت شکریہ دانش حسین بھائی اتنی محبت بھری داد دینے کا۔
جزاکم اللہ خیرا۔

 

[الف عین]

اچھی غزل ہے ماشاء اللہ

 

[محمد اسامہ سَرسَری]

اچھی غزل ہے ماشاء اللہ

حوصلہ افزائی اور ذرہ نوازی ہے آپ کی استاد جی!
جزاکم اللہ خیرا۔

 

[محمد یعقوب آسی]

فرداً فرداً سارے شعر قابلِ قبول ہیں، تاہم غزل نہیں بن پائی۔
’’کاتا اور لے دوڑی‘‘ جیسی کیفیت ہے۔ محنت کی کمی لگ رہی ہے۔

 

[محمد اسامہ سَرسَری]

فرداً فرداً سارے شعر قابلِ قبول ہیں، تاہم غزل نہیں بن پائی۔
’’کاتا اور لے دوڑی‘‘ جیسی کیفیت ہے۔ محنت کی کمی لگ رہی ہے۔

استاد جی! توجہ فرمانے پر تہ دل سے ممنون ہوں۔
جزاکم اللہ خیرا۔
اپنی ہر غزل پر تاحیات مزید محنت کرتے رہنے کا ارادہ ہے۔
اس غزل پر بھی مزید توجہ دوں گا ان شاء اللہ۔

تاہم غزل نہیں بن پائی۔

بحیثیت مبتدی میرے لیے یہ غزل کا ایک نیا پہلو ہے ، کچھ وضاحت فرمائیے حضرت!

 

[محمد یعقوب آسی]

استاد جی! توجہ فرمانے پر تہ دل سے ممنون ہوں۔
جزاکم اللہ خیرا۔
اپنی ہر غزل پر تاحیات مزید محنت کرتے رہنے کا ارادہ ہے۔
اس غزل پر بھی مزید توجہ دوں گا ان شاء اللہ۔

بحیثیت مبتدی میرے لیے یہ غزل کا ایک نیا پہلو ہے ، کچھ وضاحت فرمائیے حضرت!

محفل کے شاعر سے مکالمہ ۔۔۔ آپ کو یاد ہو گا، بہت کچھ تو میں وہاں عرض کر چکا۔

 

[محمد یعقوب آسی]

غزل میں ریزہ خیالی کے باوجود ایک غیر محسوس سی وحدت ہوتی ہے، جیسے شعر موتی ہوں اور کسی غیر مرئی دھاگے میں پروئے ہوئے ہوں۔ اس کو تاثر کہہ لیجئے، فضا کہہ لیجئے۔

 

[محمد یعقوب آسی]

ایک اور بات جو میں کہیں پہلے بھی کہہ چکا ہوں کہ شعر اور بیانِ محض میں فرق ہوتا ہے۔
حرصِ دنیا نے اک حشر برپا کیا
کوئی بھائی نہیں ، کوئی ساتھی نہیں
بات اپنی جگہ درست ہے مگر اس شعر میں شاعر محسوساتی سطح پر قاری سے کچھ بھی سانجھا نہیں کر رہا۔

 

[محمد یعقوب آسی]

ایسے مضامین جو بہت بار بیان ہو چکے ہوں، ان کو بیان کرنا کوئی عیب نہیں، تاہم ایسا نہ لگے کہ صاحبِ شعر دوسرے کی بات دہرا گئے اپنی طرف سے نہ کچھ لیا نہ دیا۔ ایسے مضامین کو کوئی نیا یا کم از کم اپنا اندازِ احساس دیجئے۔

داغ کا ایک شعر ہے ۔۔۔۔۔۔
نا امیدی بڑھ گئی ہے اس قدر
آرزو کی آرزو ہونے لگی
متشاعر نے کہا (اسی سے فیض یاب ہو کر) ۔۔۔۔۔
نا امیدی سی نا امیدی ہے
آرزو کی بھی آرزو نہ رہی
۔۔۔ بات وہی ہے صد فی صد، ذرا ایک مختلف زاویہ دے دیا۔

ایسا کچھ کیجئے۔

 

[محمد یعقوب آسی]

جاؤ گے حوضِ کوثر پہ کس منہ سے تم
لب پہ نعتیں نہیں ، رخ پہ ڈاڑھی نہیں

یہ شعر اظہار میں اس شوکت کو نہیں پا سکا جس کا مستحق اس کا مضمون ہے۔

 

[محمد یعقوب آسی]

شعر میں ناصحانہ پن کو کچھ لوگ اچھا نہیں سمجھتے، وہ اُن کا مسئلہ ہے، میرا نہیں۔
میرا مسئلہ صرف یہ ہے کہ ’’خشک ناصحانہ پن‘‘ نہ ہو۔ اقبال کو دیکھئے، ہر شعر میں نصیحت ہے مگر خشکی کہیں نہیں، تر و تازہ شعر ہیں سارے۔

وغیرہ وغیرہ

 

[محمد اسامہ سَرسَری]

جزاکم اللہ خیرا۔
بہت ہی مفید باتیں ہیں۔