کیا ملال اب کے دھریں سینۂ پُر خار کے پاس ۔ فاتح الدین بشیرؔ

[فاتح]

میر تقی میر اور حضرت میرزا اسد اللہ خان غالب رحمۃ اللہ علیہ کی زمین میں خاکسار کی ایک غزل

کیا ملال اب کے دھریں سینۂ پُر خار کے پاس​

گُلِ آزار کھِلے خرمَنِ پِندار کے پاس​

​

ایک ویرانی ہے تعمیرِ مسلسل کی اَساس​

حسرتیں آن بَسیں مرقدِ مِعمار کے پاس​

​

مَوت اَنگُشت بدنداں ہے یہ کس کا ہے نصیب​

اُستُخواں دار پہ، سر زانُوئے دِلدار کے پاس​

​

باس تھی جن میں بَدَن کی ترے، ہم آبلہ پا​

رِہن رکھ آئے ہیں وہ سانس بھی گلزار کے پاس​

​

اَصلِ آئینہ فقط ریگ مگر صُورت کَش​

نُور کس آنکھ کا ہے دیدۂ زنگار کے پاس​

​

عُذر طُرفہ سا ہے اک لغزشِ پیہم کا بشیرؔ​

کار آموزیِ عصیاں کا، سیہ کار کے پاس​

​

فاتح الدین بشیرؔ​

 

[فرخ منظور]

اَصلِ آئینہ فقط ریگ مگر صُورت کَش​

نُور کس آنکھ کا ہے دیدۂ زنگار کے پاس​

کیا بات ہے۔ انتہائی خوبصورت غزل۔ بہت داد قبول کیجیے فاتح صاحب۔ بڑی مدت کے بعد دیدار ہوا آپ کا ۔ آتے رہا کیجیے۔

 

[فاتح]

شکریہ جناب فرخ صاحب۔ آپ کی محبتوں پر ممنون ہوں۔ضرور حاضر ہوتا رہوں گا۔

 

[محمد امین]

کیا موتی جیسے الفاظ ہیں۔۔۔کمال ہے بھیا۔۔۔ بہت شکریہ۔۔۔

 

[ابن سعید]

اجی حضرت، عرصہ بعد آئے لیکن خوب آئے۔ اور وہ مسلسل ویرانی اور ریتیلے آئینے والے اشعار بھی کیا خوب ہیں۔

 

[فاتح]

کیا موتی جیسے الفاظ ہیں۔۔۔کمال ہے بھیا۔۔۔ بہت شکریہ۔۔۔

شکریہ محمد امین صاحب۔ ممنون ہوں۔

 

[الف عین]

واہ، اچھی غزل ہے، زنگار والے شعر کے علاوہ مجھے یہ شعر بھی بہت اچھا لگا

باس تھی جن میں بَدَن کی ترے، ہم آبلہ پا​

رِہن رکھ آئے ہیں وہ سانس بھی گلزار کے پاس​

 

[محمد وارث]

کیا کہنے جناب فاتح صاحب، بہت خوب غزل کہی آپ نے اور غالب کی زمین کا حق ادا کیا، سبھی اشعار بہت اچھے ہیں۔​

​

ایک ویرانی ہے تعمیرِ مسلسل کی اَساس​

حسرتیں آن بَسیں مرقدِ مِعمار کے پاس​

​

مَوت اَنگُشت بدنداں ہے یہ کس کا ہے نصیب​

اُستُخواں دار پہ، سر زانُوئے دِلدار کے پاس​

​

باس تھی جن میں بَدَن کی ترے، ہم آبلہ پا​

رِہن رکھ آئے ہیں وہ سانس بھی گلزار کے پاس​

​

واہ واہ واہ، لاجواب۔ بہت داد قبول فرمائیں محترم۔​

 

[dehelvi]

مَوت اَنگُشت بدنداں ہے یہ کس کا ہے نصیب​

اُستُخواں دار پہ، سر زانُوئے دِلدار کے پاس​

مجھے تو یہ شعر پسند آرہا ہے۔کیا کہنے فاتح صاحب کے۔ پوری غزل عمدہ ہے۔​

 

[فاتح]

واہ، اچھی غزل ہے، زنگار والے شعر کے علاوہ مجھے یہ شعر بھی بہت اچھا لگا

باس تھی جن میں بَدَن کی ترے، ہم آبلہ پا​

رِہن رکھ آئے ہیں وہ سانس بھی گلزار کے پاس​

شکریہ اعجاز صاحب۔ آپ کی ذرہ نوازی ہے۔

 

[فاتح]

کیا کہنے جناب فاتح صاحب، بہت خوب غزل کہی آپ نے اور غالب کی زمین کا حق ادا کیا، سبھی اشعار بہت اچھے ہیں۔​

​

ایک ویرانی ہے تعمیرِ مسلسل کی اَساس​

حسرتیں آن بَسیں مرقدِ مِعمار کے پاس​

​

مَوت اَنگُشت بدنداں ہے یہ کس کا ہے نصیب​

اُستُخواں دار پہ، سر زانُوئے دِلدار کے پاس​

​

باس تھی جن میں بَدَن کی ترے، ہم آبلہ پا​

رِہن رکھ آئے ہیں وہ سانس بھی گلزار کے پاس​

​

واہ واہ واہ، لاجواب۔ بہت داد قبول فرمائیں محترم۔​

وارث صاحب! آپ کی جانب سے اس قدر خوبصورت داد پا کر غزل کی قیمت وصول ہو گئی۔ ممنون ہوں۔

 

[فاتح]

مَوت اَنگُشت بدنداں ہے یہ کس کا ہے نصیب​

اُستُخواں دار پہ، سر زانُوئے دِلدار کے پاس​

مجھے تو یہ شعر پسند آرہا ہے۔کیا کہنے فاتح صاحب کے۔ پوری غزل عمدہ ہے۔​

شکریہ جناب دہلوی صاحب۔

 

[کاشفی]

بہت ہی خوب جناب فاتح الدین بشیر صاحب! بہت ہی عمدہ غزل پیش کی ہے جناب نے۔۔ بہت عمدہ!​

 

[شاکرالقادری]

فاتح الدین نے کیا خوب غزل فرمائی
خوب برتاؤ کیا ہے سبھی اشعار کے ساتھ

 

[فاتح]

بہت ہی خوب جناب فاتح الدین بشیر صاحب! بہت ہی عمدہ غزل پیش کی ہے جناب نے۔۔ بہت عمدہ!​

بہت شکریہ جناب کاشفی صاحب۔ آپ کی محبتوں پر ممنون ہوں۔

فاتح الدین نے کیا خوب غزل فرمائی
خوب برتاؤ کیا ہے سبھی اشعار کے ساتھ

بہت شکریہ شاکر القادری صاحب۔ آپ کی حوصلہ افزا داد پر ممنون ہوں۔

 

[ایم اے راجا]

واہ بہت ہی خوب، بہت داد قبول ہو فاتح صاحب

 

[فاتح]

واہ بہت ہی خوب، بہت داد قبول ہو فاتح صاحب

بہت شکریہ راجا صاحب۔ ممنون ہوں۔

 

[نافرع]

آپ کی شا عری پڑھ کر بہت لطف آتا ہے۔ دل میں حسرت سی رہے جاتی کہ کاش ہم بھی ایسے ستاروں کو آسماں سے توڑلا ئیں اورالفا ظ کے درمیاں رکھ دئیں۔

 

[فاتح]

آپ کی شا عری پڑھ کر بہت لطف آتا ہے۔ دل میں حسرت سی رہے جاتی کہ کاش ہم بھی ایسے ستاروں کو آسماں سے توڑلا ئیں اورالفا ظ کے درمیاں رکھ دئیں۔

عرفان (معکوس) صاحب! آپ کی محبت بھری حوصلہ افزا داد پر ممنون ہوں۔

 

[نافرع]

معکوس کا اورکوئی مطلب تونہیں ہوتا ہے۔