کیا یہ اقبال کا ہی کلام ہے

[عبداللہ محمد]

لکھنا نہیں آتا تو میری جان پڑھا کر
ہو جائے گی تیری مشکل آسان پڑھا کر
پڑھنے کے لئے تجھ کو اگر کچھ نہ ملے تو
چہروں پہ لکھے درد کے عنوان پڑھا کر
لا ریب تیری روح کو تسکین ملے گی
تو قرب کے لمحات میں قرآن پڑھا کر
پیدا ہو تیرے بحر کی موجوں میں تلاطم
تو حضرت اقبال کے دیوان پڑھا کر
آ جائے گا اقبال تجھے جینے کا قرینہ
تو سرور کونین (صلی اللہ علیہ و آلہ وسلم( کے فرمان پڑھا کر

 

[محمد تابش صدیقی]

نہیں، علامہ اقبال کا نہیں ہے.

 

[عبداللہ محمد]

نہیں، علامہ اقبال کا نہیں ہے.

شکریہ تابش بھائی-
شاعر کا نام بھی معلوم ہو جائے تو نوازش ہو گی-

 

[محمد تابش صدیقی]

اس کے شاعر کا نام نہیں معلوم.
لیکن کم از کم علامہ اقبال کے اشعار نہیں ہیں.

 

[زیک]

شکریہ تابش بھائی-
شاعر کا نام بھی معلوم ہو جائے تو نوازش ہو گی-

پکی بات ہے کہ کسی شاعر کا کلام ہے؟

 

[محمد خلیل الرحمٰن]

شکریہ تابش بھائی-
شاعر کا نام بھی معلوم ہو جائے تو نوازش ہو گی-

پکی بات ہے کہ کسی شاعر کا کلام ہے؟

آخری شعر کو دیکھ کر تو نہیں لگتا کہ کسی شاعر کا کلام ہے!

 

[محمد یعقوب آسی]

تو حضرت اقبال کے دیوان پڑھا کر

یہ مصرع بتا رہا ہے کہ "جنابِ شاعر" اپنے قاری کو مشورہ دے رہے ہیں کہ اقبال کے "دیوان" پڑھا کریں۔ ستم ظریفی دیکھئے کہ اقبال نے کوئی دیوان مرتب کیا، نہ شائع ہوا۔ اس کاوش کے خالق بے چارے "جنابِ شاعر" سچ مچ بہت ہی معصوم واقع ہوئے ہیں۔

آ جائے گا اقبال تجھے جینے کا قرینہ

یہ "مصرع" اِس طرف اشارہ کر رہا ہے کہ "جنابِ شاعر" کوئی اور اقبال رہے ہوں گے۔ واللہ اعلم بالصواب۔

ایک کام کی بات بھی ہو جائے! علامہ اقبال کا سارا کلام (اردو، فارسی) "علامہ اقبال سائبر لائبریری" کی سائٹ پر دستیاب ہے۔ بلکہ میں تو مشورہ دوں گا کہ شعر کے ہر سنجیدہ قاری کی ذاتی لائبریری میں علامہ اقبال کی شاعری موجود ہونی چاہئے۔
کلیاتِ اقبال (اردو)
کلیاتِ اقبال (فارسی) مع تراجم و تشریح
۔۔۔۔۔۔۔۔۔

 

[قاضی واجد الدائم]

 

[قاضی واجد الدائم]

http://jhonprha.blogspot.com/2014/04/blog-post_6072.html

 

[محمد یعقوب آسی]

کلامِ اقبال اردو اور فارسی ایک جگہ ۔۔ ملاحظہ ہو۔

 

[محمد یعقوب آسی]

http://jhonprha.blogspot.com/2014/04/blog-post_6072.html

انٹرنیٹ کے کرشمے دیکھئے، کیا سے کیا بن گیا!

لکھنا نہیں آتا تو میری جان پڑھا کر
ہو جائے گی تیری مشکل آسان پڑھا کر
پڑھنے کے لئے تجھ کو اگر کچھ نہ ملے تو
چہروں پہ لکھے درد کے عنوان پڑھا کر
لا ریب تیری روح کو تسکین ملے گی
تو قرب کے لمحات میں قرآن پڑھا کر
پیدا ہو تیرے بحر کی موجوں میں تلاطم
تو حضرت اقبال کے دیوان پڑھا کر
آ جائے گا اقبال تجھے جینے کا قرینہ
تو سرور کونین (صلی اللہ علیہ و آلہ وسلم( کے فرمان پڑھا کر

خیر! اس پر یہی بہت کافی ہے۔ خوش رہئے۔

 

[محمد تابش صدیقی]

اینڈرائڈ فون کے لئے میری ایپلیکیشن بھی موجود ہے۔
جس میں مکمل اردو اور فارسی کلام موجود ہے اور کوئی بھی لفظ تلاش کیا جا سکتا ہے۔
شاعرِ مشرق

 

[سلمان دانش جی]

شکریہ صاحب۔ آپ نے معمہ حل کر دیا وگرنہ ابھی تو اس کلام کے غائبانہ شاعر اور کلام کے موضوعات پر عالم فاضل لوگوں کی طرف سے فری سٹائل شامت کا نزول رہنا تھا۔ بڑے بڑے شعرا کے سرٹیفیکیٹ کہ یہ تو کسی شاعر کا کلام ہی نہیں لگتا۔ لیکن کسی نے یہ نہیں سوچا کہ جن صاحب نے یہ لڑی شروع کی ہے کیا اس نے شاعر کا کلام درست حالت میں لکھا بھی ہے یا نہیں۔ غلطی ان صاحب کی ہے جنہوں نے یہ اس کلام کی کو کسی فیس بک پوسٹ سے بنا دیکھے ہی کاپی پیسٹ مار دیا۔ اور شامت آ گئی شاعر ِ غائب اور کلام صاحب کی۔

 

[محمد یعقوب آسی]

جناب عبداللہ محمد ۔ آپ کی دلچسپی کے لئے:
کچھ عرصہ پہلے ایک ہوا چلی تھی۔ جس کا جو جی چاہا اول فول لکھ دیا اور اس میں کسی نہ کسی طور کہیں نہ کہیں ایک لفظ ڈال دیا "فراز"۔ یار لوگ یہ قیاس کر کے کہ یہ شعر فراز کا ہے، واہ واہ واہ سبحان اللہ۔ جو کچھ شعور رکھتے تھے وہ شور مچاتے رہے۔ اس شور کا کچھ اثر ہوا یا ہوا کا رخ بدل گیا کہ گھڑنتو شاعری کا نشانہ "غالب" کو بنایا جانے لگا۔ پچھلے کچھ عرصے سے "غالب" بھی اپنے ایسے "کدرداروں" سے محفوظ دکھائی دے رہے ہیں۔ آج کل توپوں کا رخ "اقبال" کی طرف ہے۔ کسی کا شعر پکڑا یا خود گھڑ لیا اور اس میں اقبال کو گھسیٹ لیا۔ بس، ایسا کچھ چل رہا ہے۔ دیکھئے آئندہ نشانہ کون ہوتا ہے۔

میرے ایک دوست جناب کاکاخیل نے فیس بک پر ایک پیج بنایا ہے: "یہ شعر علامہ اقبال کا نہیں"۔ انہوں نے سینکڑوں ایسے شعر یک جا کر دئے ہیں جو اقبال کے نام لگائے جا رہے ہیں۔ میں نے دوست سے کہا ہے کہ اس پیج کا ربط فراہم کر دیں۔ ملتا ہے تو یہاں نقل کر دوں گا، ان شاء اللہ۔ اسی بات پر کہ "یہ شعر اقبال کا نہیں" بہت سارے احباب نے خاصی محنت کی ہے۔ رابطے یاد نہیں رہتے۔

 

[محمد یعقوب آسی]

شکریہ صاحب۔ آپ نے معمہ حل کر دیا وگرنہ ابھی تو اس کلام کے غائبانہ شاعر اور کلام کے موضوعات پر عالم فاضل لوگوں کی طرف سے فری سٹائل شامت کا نزول رہنا تھا۔ بڑے بڑے شعرا کے سرٹیفیکیٹ کہ یہ تو کسی شاعر کا کلام ہی نہیں لگتا۔ لیکن کسی نے یہ نہیں سوچا کہ جن صاحب نے یہ لڑی شروع کی ہے کیا اس نے شاعر کا کلام درست حالت میں لکھا بھی ہے یا نہیں۔ غلطی ان صاحب کی ہے جنہوں نے یہ اس کلام کی کو کسی فیس بک پوسٹ سے بنا دیکھے ہی کاپی پیسٹ مار دیا۔ اور شامت آ گئی شاعر ِ غائب اور کلام صاحب کی۔

ڈاکٹر آصف پراچہ بہر کیف بہت حد تک بری الذمہ ہیں۔ یہاں مجھ سمیت جن احباب نے اس پر رائے زنی کی، میرا خیال ہے ان میں سے ڈاکٹر پراچہ صاحب کو کوئی بھی نہیں جانتا ہو گا۔ اور اشعار کی حالت بھی تو پہلے سے بگاڑ دی گئی تھی؛ رائے زنوں پر سب کچھ نہ ڈالئے۔ ہم میں ہمارے "صاحبِ دھاگہ" بھی شامل ہیں۔

نوٹ: شاعرِ مشرق (علامہ اقبال) نے کوئی دیوان نہ مرتب کیا نہ شائع کیا۔

 

[فاتح]

لا ریب تیری روح کو تسکین ملے گی

اگر کچھ بے وزن مصرعے نہ ہوتے تو مجھے تو لاریب مرزا کی شاعری لگتی کیونکہ تخلص تو وہی استعمال کیا ہے

 

[سعیدالرحمن سعید]

شکریہ صاحب۔ آپ نے معمہ حل کر دیا وگرنہ ابھی تو اس کلام کے غائبانہ شاعر اور کلام کے موضوعات پر عالم فاضل لوگوں کی طرف سے فری سٹائل شامت کا نزول رہنا تھا۔ بڑے بڑے شعرا کے سرٹیفیکیٹ کہ یہ تو کسی شاعر کا کلام ہی نہیں لگتا۔ لیکن کسی نے یہ نہیں سوچا کہ جن صاحب نے یہ لڑی شروع کی ہے کیا اس نے شاعر کا کلام درست حالت میں لکھا بھی ہے یا نہیں۔ غلطی ان صاحب کی ہے جنہوں نے یہ اس کلام کی کو کسی فیس بک پوسٹ سے بنا دیکھے ہی کاپی پیسٹ مار دیا۔ اور شامت آ گئی شاعر ِ غائب اور کلام صاحب کی۔

سبق یہ ملا کہ فیس بک یا دوسرے سوشل میڈیا نیٹ ورکس پر شائع شدہ مواد کی تصدیق کیے بغیر یہاں پوسٹ کرنا اچھی بات نہیں ہے۔ غیر مصدقہ شاعری کو کاپی پیسٹ کرنے والے عبداللہ بھائی کی غلطی کم اور ٹیکسٹ کی تصدیق کیے بنا غزل پر رائے زنی کرنے والے بھائیوں کی زیادہ ہے۔ البتہ اقبال اور کلامِ آصف کی مٹی پلید ہونے سے بچ گئی ہے۔

 

[فاتح]

سبق یہ ملا کہ فیس بک یا دوسرے سوشل میڈیا نیٹ ورکس پر شائع شدہ مواد کی تصدیق کیے بغیر یہاں پوسٹ کرنا اچھی بات نہیں ہے۔

متفق ہوں بلکہ زیادہ درست تو یہ ہے کہ کسی بھی کتاب یا کسی بھی مقام سے مواد کی تصدیق ضروری ہے اگر ایسا کرنا ممکن ہو۔

 

[محمد یعقوب آسی]

حضرت اقبالؓ سے منسوب متروک و غلط اشعار​

یہ ربط ملاحظہ فرمائیے گا۔

 

[محمد تابش صدیقی]

سبق یہ ملا کہ فیس بک یا دوسرے سوشل میڈیا نیٹ ورکس پر شائع شدہ مواد کی تصدیق کیے بغیر یہاں پوسٹ کرنا اچھی بات نہیں ہے۔ غیر مصدقہ شاعری کو کاپی پیسٹ کرنے والے عبداللہ بھائی کی غلطی کم اور ٹیکسٹ کی تصدیق کیے بنا غزل پر رائے زنی کرنے والے بھائیوں کی زیادہ ہے۔ البتہ اقبال اور کلامِ آصف کی مٹی پلید ہونے سے بچ گئی ہے۔

عبداللہ محمد بھائی نے تصدیق کی غرض سے ہی شاعری پوسٹ کی تھی۔