گاؤں،شہر

[یاسر شاہ]

تم نے پکی سڑک بنا کر کیسا رستہ کھول دیا
چکر کھا کر لوٹ آتی تھی پگڈنڈی تو گاؤں کی تھی
اطہر صدیقی

 

[جاسمن]

خول چہروں پہ چڑھانے نہیں آتے ہم کو
گاؤں کے لوگ ہیں، دکھاوے نہیں آتے ہم کو
ہم بہاروں میں کھلتے پھولوں کی طرح ہیں
لمحے خوشیوں کے چھپانے نہیں آتے ہم کو

 

[جاسمن]

یہ باہمی اغراض و مقاصد کےہیں بندھن
گویاکئی شہروں سےمضافات بندھےہیں
اعتبار ساجد

 

[جاسمن]

غربت کی تیز آگ پہ اکثر پکائی بھوک
خوش حالیوں کے شہر میں کیا کچھ نہیں کیا
اقبال ساجد

 

[جاسمن]

گاؤں کی سچّائیاں اپنی جگہ
شہر والے سب کے سب جھوٹے نہیں

 

[جاسمن]

آدمی شہرمیں جا بستاہے اور آخرِ کار
‏لاش آبائی علاقے میں پلٹ آتی ہے

 

[جاسمن]

پانی گھروں میں آ گیا دل کو خوشی ہوئی
اور دُکھ بھی ہے کہ گاؤں میں پنگھٹ نہیں رہا
میثم علی آغا

 

[جاسمن]

اب کبوتر فاختائیں جا چکی ہیں گاؤں سے
اے خداوند پیڑ کی اور بستیوں کی خیر ہو
احمد سجاد بابر

 

[جاسمن]

اک دن سنو گے میرے عزیزو کہ شہر میں
شامیں ادھار مانگنے والا نہیں رہا!!!!!!
اعتبار ساجد

 

[جاسمن]

دھوپ اتری ہے نہ راہوں میں گھنا سایہ ہے
اب ترے بعد ترے شہر میں کیا رکھا ہے
مقتل شہر میں سر ہیں کہ صلیبوں کے ہجوم
خوں کا دریا ہے کہ تا حد نظر ٹھہرا ہے
محمود خاور

 

[جاسمن]

یہ جو پھولوں سے بھرا شہر ہوا کرتا تھا
اس کے منظر ہیں دل آزار کہیں اور چلیں
اعتبار ساجد

 

[جاسمن]

شہر کہاں خالی رہتا ہے یہ دریا ہر دم بہتا ہے
اور بہت سے مل جائیں گے ہم ایسے دیوانے لوگ
اعتبار ساجد

 

[جاسمن]

ابھی تاریخ نامی ایک جادوگر کو آنا ہے
جو زندہ شہر اور اجسام کو پتھر میں ڈھالے گا
اعتبار ساجد

 

[جاسمن]

کوئی شہر آ رہا ہے تو یہ خوف آ رہا ہے
کوئی جانے کب اتر لے کہ بھروسہ کیا کسی کا

کوئی مختلف نہیں ہے یہ دھواں یہ رائیگانی
کہ جو حال شہر کا ہے وہی اپنی شاعری کا
اعتبار ساجد