گدھوں میں اضافہ

[تیلے شاہ]

حکومتِ پاکستان کی جانب سے جاری کردہ اقتصادی سروے کے مطابق ملک میں گدھوں کی تعداد بڑھی ہے جبکہ اونٹوں،گھوڑوں اور خچروں کی تعداد میں کوئی اضافہ نہیں ہوا۔
حال ہی میں جاری کیے گئے اقتصادی جائزے میں مال مویشیوں کے شعبے کا ذکر کرتے ہوئے سرکاری اعداد وشمار میں بتایا گیا ہے کہ گزشتہ مالی سال میں ملک بھر میں گدھوں کی تعداد بیالیس لاکھ تھی جو رواں مالی سال میں بڑھ کر تنتالیس لاکھ ہو چکی ہے۔

وزارت خوراک و زراعت کے مرتب کردہ اعداد وشمار کے مطابق گزشتہ سال ملک بھر میں سات لاکھ اونٹ، تین لاکھ گھوڑے اور تین لاکھ خچر تھے اور ان کی تعداد رواں مالی سال میں بھی وہی ہے۔

اقتصادی جائزے میں کہا گیا ہے کہ ملک بھر میں مال مویشی پالنے کا رجحان بڑھ رہا ہے اور بھینس، بکریوں، بھیڑوں کی تعداد میں بھی رواں سال میں گزشتہ سال کی نسبت اضافہ دیکھا گیا ہے۔

حکومتی اعداد و شمار کے مطابق ملک میں بھینسوں کی تعداد دو کروڑ تریسٹھ لاکھ سے بڑھ کر دو کروڑ چوراسی لاکھ ہوگئی ہے اور بکریوں کی تعداد پانچ کروڑ چھپن لاکھ سے بڑھ کر چھ کروڑ انیس لاکھ جبکہ بھیڑوں کی تعداد دو کروڑ انچاس لاکھ کے مقابلے میں دو کروڑ پچپن لاکھ ریکارڈ کی گئی ہے۔


تین سے ساڑھے تین کروڑ پاکستانیوں کا ذریعہ معاش مال مویشی پالنا ہے

حکومت کا کہنا ہے کہ مال مویشیوں کے شعبے کو پاکستان کی معیشت میں خاصی اہمیت حاصل ہے اور مجموعی پیداوار یعنی ’جی ڈی پی‘ میں گیارہ فیصد حصہ اس شعبے کا ہے۔

اقتصادی جائزے میں فراہم کردہ اعداد وشمار کے مطابق ساڑھے پندرہ کروڑ سے زائد آبادی والے ملک میں تین سے ساڑھے تین کروڑ دیہی افراد کا ذریعہ معاش مال مویشی پالنا ہے۔

حکومت کے مطابق کئی دہائیوں سے نظر انداز کیئے جانے کے باوجود بھی پاکستان دودھ پیدا کرنے والا دنیا کا پانچواں بڑا ملک ہے اور دودھ کی پیداوار سے ہونے والی آمدن کپاس اور گندم کی پیداوار سے ہونے والی آمدن سے زیادہ ہے۔

پاکستان میں تیس جون کو ختم ہونے والے مالی سال میں دودھ کی سالانہ پیداوار اکتیس ارب انتیس کروڑ چھیالیس لاکھ ٹن ریکارڈ کی گئی جبکہ ایک ارب سترہ کروڑ چوالیس لاکھ ٹن گائے کا گوشت، اٹھہتر کروڑ اکیس لاکھ ٹن بکری کا گوشت اور برڈ فلو وائرس کے باوجود بھی چھیالیس کروڑ پچیس لاکھ ٹن مرغی کے گوشت کی پیداوار ریکارڈ کی گئی ہے۔

 

[تیشہ]

 

[شمشاد]

اور آج اپنے پیارے پیارے وزیر اعظم نے بیان دیا ہے کہ پاکستان سکھوں کا گھر ہے

 

[پاکستانی]

اس کا مطلب ہے یہ سروے نہایت ہی ایمانداری سے کیا گیا ہے، کیونکہ بات تو سچ ہے کہ پاکستان میں صرف گدھوں کا اضافہ ہوا ہے۔

 

[شمشاد]

میرے خیال میں تو اور بھی زیادہ ہوں گے

 

[تیشہ]

کوئی نئا اضافہ نیہں ؟

 

[شمشاد]

کوئی نئا اضافہ نیہں ؟

باجو ایک لاکھ تھوڑے ہیں کیا جو نیا اضافہ پوچھ رہی ہیں

 

[تیشہ]

دو دن یہاں آنا نیہں ہوا تو میں نے سوچا کیا پتا کوئی اضافہ ہوا ہو پر واقعی میں اتنے کے اتنے ہی ہیں جتنے ٹیلے بھائی لکھ گئے تھے

 

[شمشاد]

باجو یہ اضافہ تو پاکستان میں ہوا ہے آپ محفل پر تلاش کر رہی ہیں

 

[تیشہ]

تو میں بھی تو انہی گدھوں کا کہہ رہی ھہو ں نہ ، اک تو اپکو بھی سمجھ نیہں آتی آپ کیا سمج رہے ہیں ؟

 

[شمشاد]

میں سمجھا آپ محفل میں اضافے کا کہہ رہی ہیں، ویسے خیر تو ہے آپ نے خر شماری کروانی ہے کیا؟

 

[دوست]

مویشیوں میں اضافہ ہورہا ہے اور ہم کھانے کے لیے گوشت اور بکرے پھر بھی بھارت سے درآمد کررہے ہیں۔ ہے نا مزے کی بات۔

 

[شمشاد]

تو گوشت خوروں میں بھی تو روز بروز اضافہ ہو رہا ہے ناں

 

[قیصرانی]

یوسفی صاحب کا قول یاد آرہا ہے۔ کہ مسلمان اس جانور میں دلچسپی نہیں لیتے جسے وہ کھا نہ سکیں۔ یہاں‌ آکر وہ قول اس لئے درست ثابت ہو رہا ہے کہ پڑوسی ملک افغانستان میں‌ پاکستانی گدھوں‌کا بہت ریٹ ہائی ہے۔ اس وجہ سے شاید یہ اضافہ ہوا ہو؟
بےبی ہاتھی

 

[شمشاد]

کیا مطلب ہے آپ کا کہ پڑوسی ملک میں گدھوں کو ۔۔۔۔۔

نہیں بھئی گدھا کوئی حلال جانور تھوڑا ہی ہے۔

 

[قیصرانی]

کہتے ہیں کہ پاکستان گدھا زیادہ وزن اٹھا سکتا ہے اور عموماً سمگلنگ کے لئے اچھا رہتا ہے۔
بےبی ہاتھی

 

[شمشاد]

کوئ ضروری نہیں ہے، گدھا گدھا ہی ہوتا ہے پاکستان کا ہو یا ہندوستان کا یا افغانستان کا۔

ہاں اگر اس کا گوشت بک رہا ہے افغانستان میں تو اور بات ہے۔

 

[قیصرانی]

ویسے کراچی میں‌تو بہت بار بکتا پایا گیا تھا۔ اب شاید پابندی لگی تو تعداد میں‌اضافہ ہو گیا۔
بےبی ہاتھی

 

[شمشاد]

بڑے ہی گدھے تھے جو کراچی میں گدھے کا گوشت بیچ رہے تھے، حالانکہ بقول یوسفی کراچی میں گدھا آدمی سے زیادہ کماوے ہے۔

 

[قیصرانی]

جی لیکن یہ کسی زمانے میں مردار گدھے کے گوشت کی خبریں‌لگتی تھیں۔
بےبی ہاتھی