قتیل شفائی گرمئی حسرتِ ناکام سے جل جاتے ہیں - قتیل شفائی

[فرخ منظور]

گرمئی حسرتِ ناکام سے جل جاتے ہیں
ہم چراغوں کی طرح شام سے جل جاتے ہیں

شمع جس آگ میں جلتی ہے نمائش کے لیے
ہم اُسی آگ میں گمنام سے جل جاتے ہیں

خود نمائی تو نہیں شیوہء اربابِ وفا
جن کو جلنا ہو وہ آرام سے جل جاتے ہیں

بچ نکلتے ہیں اگر آتشِ سیّال سے ہم
شعلہء عارضِ گلفام سے جل جاتے ہیں

جب بھی آتا ہے مرا نام ترے نام کے ساتھ
جانے کیوں لوگ مرے نام سے جل جاتے ہیں

 

[شمشاد]

زبردست فرخ بھائی، لگتا ہے آج قتیل آپکے ہتھے چڑھ گئے۔

 

[ظفری]

واہ کیا ہی خوب غزل ہے ۔۔۔۔ یہ شعر تو بہت ہی غضب کا ہے ۔

جب بھی آتا ہے مرا نام ترے نام کے ساتھ
جانے کیوں لوگ مرے نام سے جل جاتے ہیں

 

[امر شہزاد]

خود نمائی تو نہیں شیوہء اربابِ وگا
جن کو جلنا ہو وہ آرام سے جل جاتے ہیں

"وفا" ٹھیک کر لیں۔

 

[فاتح]

بہت شکریہ فرخ صاحب۔ میرے پاس یہ غزل گلشن آرا سید کی آواز میں موجود ہے۔ یہ لیجیے شاید آپ بھی لطف اندوز ہونا چاہیں۔
[ame]http://www.divshare.com/download/4824793-9a0[/ame]

 

[محمد وارث]

شکریہ فرخ صاحب خوبصورت غزل شیئر کرنے کیلیئے۔

فاتح صاحب آپ کا بھی شکریہ، یہ غزل مہدی حسن نے بھی گائی ہے وہ بھی ڈھونڈیے قبلہ

 

[محمداحمد]

خود نمائی تو نہیں شیوہء اربابِ وگا
جن کو جلنا ہو وہ آرام سے جل جاتے ہیں

بہت عمدہ فرخ بھائی اعلٰی غزل ہے۔ بہت شکریہ کے آپ نے اسے پیش کیا

 

[فرخ منظور]

بہت شکریہ آپ سب احباب کا اور شمشاد بھائی میرے ہاتھ تو بہت سے شعراِ کرام چڑھتے رہتے ہیں -

 

[فاتح]

شکریہ فرخ صاحب خوبصورت غزل شیئر کرنے کیلیئے۔

فاتح صاحب آپ کا بھی شکریہ، یہ غزل مہدی حسن نے بھی گائی ہے وہ بھی ڈھونڈیے قبلہ

میری کولیکشن میں ہی مل گئی ہے وہ بھی۔ ابھی اپلوڈ کرتا ہوں حضور۔

 

[فاتح]

یہ لیجیے وارث صاحب مہدی حسن کی آواز میں یہی غزل۔۔۔ صد شکر کہ بجلی جانے سے قبل اپلوڈ مکمل ہو گیا۔
[ame]http://www.divshare.com/download/4826576-08c[/ame]

 

[محمد وارث]

شکریہ اور اب اپنی آواز میں بھی اپ لوڈ کریں

 

[فاتح]

شکریہ اور اب اپنی آواز میں بھی اپ لوڈ کریں

قبلہ! ہم تو آپ کو محفل کے خیر خواہان میں‌ گردانتے ہیں لیکن اس مراسلے کے بعد مجھے اپنی رائے پر غور کرنا پڑے گا کہ آپ تو قارئین کو بھگانا چاہتے ہیں شاید

 

[ماروا ضیا]

بُہت عمدہ غزل ۔ اس غزل کو میں پہلے پروین شاکر صاحبہ کی غزل سمجھتی تھی اور بُہت سارے لوگ اب بھی ایسا ہی سمجھتے ہیں۔

 

[محمداحمد]

بُہت عمدہ غزل ۔ اس غزل کو میں پہلے پروین شاکر صاحبہ کی غزل سمجھتی تھی اور بُہت سارے لوگ اب بھی ایسا ہی سمجھتے ہیں۔

اب اُن بہت سے لوگوں کی ذمہ داری آپ پر ہے۔

 

[ماروا ضیا]

جی جی ضرور لیکن مُجھے اس کے لیے کوئی مظبوط حوالہ درکار ہو گا

 

[محسن وقار علی]

بہت ہی خوب صورت غزل ہے۔شئیر کرنے کا شکریہ۔

 

[فاتح]

جی جی ضرور لیکن مُجھے اس کے لیے کوئی مظبوط حوالہ درکار ہو گا

مضبوط حوالے کے لیے پیسے لگتے ہیں۔۔۔ بازار سے کلیاتِ قتیل شفائی خرید لائیں۔

 

[محمداحمد]

جی جی ضرور لیکن مُجھے اس کے لیے کوئی مظبوط حوالہ درکار ہو گا

مضبوط حوالے کے لئے بس اتنا کہہ دیجے گا کہ "اردو محفل" والے فاتح صاحب نے ایسا کہا ہے۔ اگر آپ کو اعتراض ہے تو اُن سے "مناظرہ" کر لیجے۔

 

[خرم شہزاد خرم]

دورِ عشق میں یہ شعر بہت استعمال کیا ہم نے

جب بھی آتا ہے مرا نام ترے نام کے ساتھ​

جانے کیوں لوگ مرے نام سے جل جاتے ہیں​

 

[ماروا ضیا]

یہی کرنا پڑے گا اب تو