گرم آغوش نرم بانہوں سا ۔۔ ایک غزل اصلاح کے لئے

[کاشف اسرار احمد]

اساتذہ اکرام اور محفلین کی خدمت میں ایک غزل اصلاح ے لئے پیش ہے۔
جناب الف عین سر
جناب راحیل فاروق
اور تمام محفلین
غزل کے افاعیل ہیں

فاعلاتن مفاعلن فعلن

گرم آغوش نرم بانہوں سا !
مجھ کو یہ گھر ہے سیرگاہوں سا !​

اپنے اندر سفر کا عالم ہے
در حقیقت سراب گاہوں سا !​

میری فرزانگی مری دشمن
ہر گلی کوچہ درسگاہوں سا !

وقت نے کر دیا ہے قد محراب
اب تو ہر در ہے بارگاہوں سا !

ہے سماعت کو جامِ سرگوشی
نشہ افزا تری نگاہوں سا !​

اس کی رنگیں بیانیوں کی قسم
سچ بھی پر لطف ہے گناہوں سا !​

زاویوں میں الجھ کے، آنچل پر
بَل ہے پربت پہ شاہراہوں سا !​

اس کی مِنّت کرے ہے دل لیکن
رکھ کے انداز بادشاہوں سا !​

گنگناؤ جو تم غزل کاشف
پھر سماں ہو شراب گاہوں سا !
سیّد کاشف​

 

[آوازِ دوست]

کاشف بھائی بہت خوب آپ کی شاعری میں موجود خطرناک سول انجنئیرنگ پر راحیل صاحب سے قابلِ ذکر داد متوقع ہے

 

[آوازِ دوست]

 

[سید لبید غزنوی]

تشنگی رہ گئی ۔۔۔مگر بہت خوب ۔۔۔
خو ش رہیں

 

[کاشف اسرار احمد]

کاشف بھائی بہت خوب آپ کی شاعری میں موجود خطرناک سول انجنئیرنگ پر راحیل صاحب سے قابلِ ذکر داد متوقع ہے

میں آپ کا اشارہ سمجھ رہا ہوں ۔ ہاہاہاہاہاہا۔۔۔

 

[کاشف اسرار احمد]

تشنگی رہ گئی ۔۔۔مگر بہت خوب ۔۔۔
خو ش رہیں

تشنگی رہ گئی؟ کس شعر کے بعد؟
کیا چاہتے تھے بھائی آپ ؟

 

[سید لبید غزنوی]

تشنگی رہ گئی؟ کس شعر کے بعد؟
کیا چاہتے تھے بھائی آپ ؟

اس پر تبصروں کی بھر مار کو ئی لفڑا ۔۔۔ہاہاہاہاہاہا۔۔۔
میری چاہت پے کو ن غزل لکھتا ہے بھلا میری چاہت پے تو کوئی اک لولا لنگڑا شعر بھی نہیں کہتا ۔۔۔۔
کاش آپ اس کی جگہ مدحت نبی ﷺ کرتے ۔۔آپکا بھی بھلا ہوتا اور ہمیں بھی دلی تسکین ملتی ۔۔۔
سلامت رہیں۔۔۔

 

[آوازِ دوست]

تشنگی رہ گئی؟ کس شعر کے بعد؟
کیا چاہتے تھے بھائی آپ ؟

کاشف بھائی یہ سادہ لفظوں میں آپ کو مروانا چاہتے تھے آپ کی شاعری کو تعلیمِ بالغاں بنوا کر

 

[آوازِ دوست]

اس پر تبصروں کی بھر مار کو ئی لفڑا ۔۔۔ہاہاہاہاہاہا۔۔۔
میری چاہت پے کو ن غزل لکھتا ہے بھلا میری چاہت پے تو کوئی اک لولا لنگڑا شعر بھی نہیں کہتا ۔۔۔۔
کاش آپ اس کی جگہ مدحت نبی ﷺ کرتے ۔۔آپکا بھی بھلا ہوتا اور ہمیں بھی دلی تسکین ملتی ۔۔۔
سلامت رہیں۔۔۔

لبید غزنوی صاحب اتنا بھی دل پر مت لیں اب ۔ ہر رنگ کی لڑیاںمحفل پر موجود ہیں اور یہ رنگا رنگی ہی اسے محفل بناتی ہے۔ چند دن پہلے وٹس ایپ پر ایک سادہ سا مگر زبردست نعتیہ کلام موصول ہوا کوشش کروں گا اہلِ محفل کی نظر کر سکوں

 

[سید لبید غزنوی]

لبید غزنوی صاحب اتنا بھی دل پر مت لیں اب ۔ ہر رنگ کی لڑیاںمحفل پر موجود ہیں اور یہ رنگا رنگی ہی اسے محفل بناتی ہے۔ چند دن پہلے وٹس ایپ پر ایک سادہ سا مگر زبردست نعتیہ کلام موصول ہوا کوشش کروں گا اہلِ محفل کی نظر کر سکوں

کوئی اور منتظر ہو نہ ہو میں ضرور رہوں گا ۔۔۔مجھے ضرور ٹیگ کریں ۔۔اور محترم بھائی جان میرے نام کے ساتھ سید لگا رہنے دیں۔۔۔یہ نسبت ہی تو میرے لیے باعث فخر ہے ۔۔آپ دعا بھی کریں کہ اللہ مجھے ایسا بنا دیں کے لوگ رشک کریں یہاں بھي اور وہاں بھی ۔۔(دنیا ، آخرت)

 

[کاشف اسرار احمد]

اس پر تبصروں کی بھر مار کو ئی لفڑا ۔۔۔ہاہاہاہاہاہا۔۔۔
میری چاہت پے کو ن غزل لکھتا ہے بھلا میری چاہت پے تو کوئی اک لولا لنگڑا شعر بھی نہیں کہتا ۔۔۔۔
کاش آپ اس کی جگہ مدحت نبی ﷺ کرتے ۔۔آپکا بھی بھلا ہوتا اور ہمیں بھی دلی تسکین ملتی ۔۔۔
سلامت رہیں۔۔۔

دعا کریں کہ اللہ مجھے بھی اس کی توفیق سے بھی سرفراز فرمائے۔ آمین

 

[کاشف اسرار احمد]

کاشف بھائی یہ سادہ لفظوں میں آپ کو مروانا چاہتے تھے آپ کی شاعری کو تعلیمِ بالغاں بنوا کر

صحیح کہا آپ نے ویسے یہاں اس محفل پر میرے والد صاحب نہیں آتے اس لئے مجھے کچھ سہولت ہے ورنہ انھوں نے تو "تیر بحدف" کر ہی دیا تھا ۔۔۔۔

 

[سید لبید غزنوی]

دعا کریں کہ اللہ مجھے بھی اس کی توفیق سے بھی سرفراز فرمائے۔ آمین

آمین

 

[لاریب مرزا]

بہت خوب!!

 

[کاشف اسرار احمد]

بہت خوب!!

نوازش۔
لیکن ابھی غزل کا پوسٹ مارٹم ہونا باقی ہے !!

 

[الف عین]

نوازش۔
لیکن ابھی غزل کا پوسٹ مارٹم ہونا باقی ہے !!

اب تمہاری غزل پوسٹ مارٹم کے اہل نہیں رہی۔ (’بھی اہل ‘نہیں کہہ رہا!!)۔
بس یہ شعر کچھ مزید واضح ہوتا تو اچھا تھا۔ سمجھ میں تو آ گیا ہے میرے، لیکن ممکن ہے کہ کوئی مجھ سے زائد غبی ہو۔
وقت نے کر دیا ہے قد محراب
اب تو ہر در ہے بارگاہوں سا !

 

[کاشف اسرار احمد]

بہت بہتر استاد محترم...
غبی ہونے کا بے جا فخر تو مجھے خود ہے.
میں ضرور کوشش کروں گا کہ اسے اور رواں اور متوازن کر سکوں.
جزاک اللّہ

 

[محمد ریحان قریشی]

بہت خوب غزل ہے جناب۔ تمام اشعار ہی خوب ہیں۔
مطلع کے قوافی درست نہیں ہیں ان میں اختلافِ ردف موجود ہے۔

 

[محمد تابش صدیقی]

غزل کو تو نہیں افکار کو اصلاح کی ضرورت ہے.
تفنن برطرف
اچھی غزل ہے.

 

[الف عین]

بہت خوب غزل ہے جناب۔ تمام اشعار ہی خوب ہیں۔
مطلع کے قوافی درست نہیں ہیں ان میں اختلافِ ردف موجود ہے۔

بانہوں کو اکثر ’باہوں‘ بھی لکھا جاتا ہے۔ اس صورت میں درست ہو جاتا ہے۔ میں نے غلطی سے ’باہوں‘ ہی پڑھا تھا۔