گزرتے لمحے۔۔!!

[ماوراء]

ہمم۔۔فرخ ، بہت خوب!
بہت اچھا شعر ہیں۔!

 

[ماوراء]

کسی غیر کو درد سُنانے کی ضرورت کیا ہے
اپنے جھگڑے میں زمانے کی ضرورت کیا ہے
زندگی یوں بھی بہت کم ہے محبت کے لیئے
رُوٹھ کر پھر وقت گنوانے کی ضرورت کیا ہے​

 

[محب علوی]

اس لئے بھی جیے جا رہا ہوں میں
زندگی کو میری ضرورت ہے ابھی

 

[ماوراء]

تم نے دستک ہی نہیں دی دل پر
ورنہ یہ زندگی تمھاری تھی
مجھ کو تو یاد بھی نہیں شاید
زندگی کس طرح گزری تھی​

 

[ماوراء]

زندگی یوں بھی کم ہے محبت کے لیے
روٹھ کر وقت گنوانے کی ضرورت کیا ہے​

 

[ماوراء]

میں فقط زندگی سے ڈرتا ہوں
موت تو ایک بار مارے گی​

 

[ماوراء]

اس قدر ظرف تو رکھتے ہیں زمانے والے
زندگی چھین کر جینے کی دعا دیتے ہیں​

I Want 2 dedicate this shair 2 someone!!

 

[فرخ]

بہت خوب

زندگی یوں تھی کہ جینے کا بہانہ توُ تھا
ھم فقط زیبِ حکایت تھے فسانہ توُ تھا

یاں وہ اغیار کے ہاتھوں میں کمانیں تھیں فراز
اور سب دیکھ رہے تھے، نشانہ توُ تھا​

 

[محب علوی]

دل منافق تھا شب ہجر میں سویا کیسا
اور جب تجھ سے ملا ٹوٹ کے رویا کیسا

زندگی میں بھی غزل ہی کا قرینہ رکھا
خواب درخواب ترے غم کو پرویا کیسا​

 

[الف عین]

یہاں تو زندگی کے موضوع پر بیت بازی شروع ہو گئی۔ نبیل اسے بیت بازی کی فورم میں منتقل کر دیں۔ ہاں ماوراء کی پوسٹ کی ہوئی نظم اچھی ہے، مگر ماورا یہ تو بتاؤ کہ یہ ہے آخر کس کی؟

 

[ماوراء]

اعجاز صاحب، مجھے بالکل بھی نہیں پتہ کہ یہ کس کی ہے۔لیکن یہ نظم مجھے میری دوست نے ڈیڈیکیٹ کی تھی۔اس سے زیادہ مجھے نہیں پتہ۔

 

[محب علوی]

زندگی ہے عدم کا رد عمل
ہر خوشی ہے الم کا رد عمل

میں ہوں ہم کا رد عمل
کثرت دنیا ہے کم کا رد عمل​

(منیر نیازی)

 

[وہاب اعجاز خان]

جواب

درد کا شعر ہے
زندگی ہے یا کوئی طوفان ہے
ہم تو اس جینے کے ہاتھوں‌مر چلے
لیکن اتنے اشعار پڑھ کر تو مجھے کشور کا گیت یاد آجاتا ہے
زندگی پیار کا گیت ہے اسے ہر دل کو گانا پڑے گا
زندگی غم کا ساگر بھی ہے اس کے اس پار جانا پڑے گا

 

[ماوراء]

جنگ لڑنا پڑتی ہے اپنے زور بازو پر
زندگی کے میداں میں معجزے نہیں ہوتے۔​

 

[ماوراء]

زندگی کے کج اداؤں پر
سب تبصرے فضول ہوتے ہیں
اپنی اپنی بساط ہوتی ہے
اپنے اپنے اُصول ہوتے ہیں​

 

[فرذوق احمد]

سبھی کی پسند اچھی ہے

 

[ریت]

سانسوں کے سلسلے کو نہ دو زندگی کا نام
جینے کے باوجود بھی کچھ لوگ مر گئے​

 

[محب علوی]

زندگی میں ساتھ دینا تو نہیں کرتے پسند
دم نکل جائے تو کندھے پر اُٹھا لیتے ہیں لوگ

 

[فریب]

ہو جائے گی کبھی نہ کبھی جان نذرِ یار
بیمارِ عشق ہم ہیں ہماری شفا ہے کیا

 

[محب علوی]

یونہی دکھ کسی کو دینا نہیں خوب، ورنہ کہتا
کہ میرے عدو کو یارب ملے میری زندگانی