ہجرت تو ثقافت کے سفیروں کا سفر ہے

[ظہیراحمدظہیر]

غزل

تہذیب و تمدن کے ذخیروں کا سفر ہے
ہجرت تو ثقافت کے سفیروں کا سفر ہے

ہر روز نئے لوگ ، نئی رت ، نئے ساحل
یہ زندگی نایافت جزیروں کا سفر ہے

زنجیر ترے نام کی ، رستے ہیں کسی کے
اک کربِ رواں تیرے اسیروں کا سفر ہے

مل مل کے بچھڑنا بھی ستاروں کی ہے گردش
یا میری ہتھیلی پہ لکیروں کا سفر ہے

رہبر تو کہیں راہوں میں خود ہوگئے گمراہ
اب مشعلِ رہ ہم سے فقیروں کا سفر ہے

منصف ہیں مرے عہد کے پابندِ روایات
انصاف عدالت میں نظیروں کا سفر ہے

آزادیء اظہار کی بے نام کہانی
ہر دور کے بیدار ضمیروں کا سفر ہے

ظہیر احمد ۔ ۔ ۔ ۔ ۲۰۰۴​

 

[ادب دوست]

ہجرت تو ثقافت کے سفیروں کا سفر ہے

عنوان میں یہ پہلا مصرع پڑھا، یقین کیجئے، لطف آگیا، ایک ہی مصرع پورا شعر ہے، ابھی تک شعر بھی نہیں پڑھا پہلے یہ مراسلہ بھیج رہا ہوں۔

 

[ادب دوست]

رہبر تو کہیں راہوں میں خود ہوگئے گمراہ
اب مشعلِ رہ ہم سے فقیروں کا سفر ہے

منصف ہیں مرے عہد کے پابندِ روایات
انصاف عدالت میں نظیروں کا سفر ہے

واہ واہ واہ ۔۔۔ کیا کہنے کیا کہنے۔۔ مزہ آگیا ظہیر بھائی ۔ ماشاءاللہ ، ماشاءاللہ
بہت بہت داد قبول ہوصاحب واہ ۔۔۔

 

[ادب دوست]

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

 

[محمد بلال اعظم]

واہ واہ واہ
کس کس شعر کا انتخاب کروں
منفرد زمین
نغمگی، سلاست، روانی
کیا نہیں ہے اس غزل میں!
بہت سی داد

 

[محمد تابش صدیقی]

واہ واہ ظہیر بھائی۔ لاجواب غزل ہے۔ ایک ایک شعر سوچنے پر مجبور کرتا ہوا۔

تہذیب و تمدن کے ذخیروں کا سفر ہے
ہجرت تو ثقافت کے سفیروں کا سفر ہے

ہر روز نئے لوگ ، نئی رت ، نئے ساحل
یہ زندگی نایافت جزیروں کا سفر ہے

زنجیر ترے نام کی ، رستے ہیں کسی کے
اک کربِ رواں تیرے اسیروں کا سفر ہے

مل مل کے بچھڑنا بھی ستاروں کی ہے گردش
یا میری ہتھیلی پہ لکیروں کا سفر ہے

رہبر تو کہیں راہوں میں خود ہوگئے گمراہ
اب مشعلِ رہ ہم سے فقیروں کا سفر ہے

منصف ہیں مرے عہد کے پابندِ روایات
انصاف عدالت میں نظیروں کا سفر ہے

آزادیء اظہار کی بے نام کہانی
ہر دور کے بیدار ضمیروں کا سفر ہے

 

[ظہیراحمدظہیر]

عنوان میں یہ پہلا مصرع پڑھا، یقین کیجئے، لطف آگیا، ایک ہی مصرع پورا شعر ہے، ابھی تک شعر بھی نہیں پڑھا پہلے یہ مراسلہ بھیج رہا ہوں۔

واہ واہ واہ ۔۔۔ کیا کہنے کیا کہنے۔۔ مزہ آگیا ظہیر بھائی ۔ ماشاءاللہ ، ماشاءاللہ
بہت بہت داد قبول ہوصاحب واہ ۔۔۔

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

محمد بھائی آپ کی محبت کا تمغہ وصول ہوا !! بہت بہت شکریہ!! اللہ آپ کو سلامت رکھے !!
یہ شعر آپ کی نذر!

آزادیء اظہار کی بے نام کہانی !​

ہر دور کے بیدار ضمیروں کا سفر ہے
​

 

[محمد تابش صدیقی]

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

غزل والی پوسٹ پر تو اپنی طرف سے ریٹنگ دی ہے۔ آپ کی طرف سے ظہیر بھائی کے جواب پر زبردست کی ریٹنگ دے دی ہے۔

 

[جاسمن]

بہت خوبصورت غزل ہے۔ پہلا شعر تو عمرانیات کا ہے۔لگتا ہے یہ مضمون آپ کے زیرِ مطالعہ بھی رہا ہے۔
بہر حال بہت ساری داد وصول کریں۔

 

[سید عاطف علی]

واہ۔ کیا تراش ہے ۔
نایافت جزیروں کا سفر
ہتھیلی پہ لکیروں کا سفر​

 

[ایم اے راجا]

واہ واہ بہت عمدہ ظہیر بھائی

 

[ادب دوست]

غزل والی پوسٹ پر تو اپنی طرف سے ریٹنگ دی ہے۔ آپ کی طرف سے ظہیر بھائی کے جواب پر زبردست کی ریٹنگ دے دی ہے۔

شکریہ تابش میاں ، بہت نوازش

 

[ربیع م]

بہت اعلٰی ماشاء اللہ

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

لیں جی ہم نے ایثار سے کام لیتے ہوئے اپنے بجائے آپ کی جانب سے زبردست کی ریٹنگ داغ دی!!

 

[اکمل زیدی]

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

آپ کا mouse کام نہیں کر رہا یا ریٹنگ سٹیٹس نہیں آرہا . . .

 

[محمد تابش صدیقی]

آپ کا mouse کام نہیں کر رہا یا ریٹنگ سٹیٹس نہیں آرہا . . .

عدم ادائیگی کے باعث صارف کی ریٹنگ کی سہولت معطل کر دی گئی ہے۔

 

[ادب دوست]

آپ کا mouse کام نہیں کر رہا یا ریٹنگ سٹیٹس نہیں آرہا . . .

یعنی، ۔۔۔۔۔ جانے نہ جانے گل ہی نہ جانے باغ تو سارا جانے ہے ۔
اکمل میاں "انتقامیہ" کی ریشہ دوانیوں کی وجہ سے میرے پاس ریٹنگ دینے کا اختیار نہیں رہا

 

[ادب دوست]

عدم ادائیگی کے باعث صارف کی ریٹنگ کی سہولت معطل کر دی گئی ہے۔

عدم ادائیگی کی وجہ سے نہیں ۔۔۔۔ ادائیگی کی بہتات کی وجہ سے ۔۔۔

 

[محمداحمد]

ظہیر بھائی!

قبلہ بہت ہی خوبصورت کلام! ہمیشہ کی طرح!

ہر روز نئے لوگ ، نئی رت ، نئے ساحل
یہ زندگی نایافت جزیروں کا سفر ہے

زنجیر ترے نام کی ، رستے ہیں کسی کے
اک کربِ رواں تیرے اسیروں کا سفر ہے

مل مل کے بچھڑنا بھی ستاروں کی ہے گردش
یا میری ہتھیلی پہ لکیروں کا سفر ہے

رہبر تو کہیں راہوں میں خود ہوگئے گمراہ
اب مشعلِ رہ ہم سے فقیروں کا سفر ہے

آزادیء اظہار کی بے نام کہانی
ہر دور کے بیدار ضمیروں کا سفر ہے

سمجھ نہیں آتا کہ سر دُھنوں یا اشعار کی تعریف کروں۔

اور کروں تو کس کس شعر کی تعریف کروں۔

ماشاءاللہ ماشاءاللہ۔

بہت ہی خوب!

مولا خوش رکھے آپ کو۔

 

[محمداحمد]

کوئی دوست اس ظہیر بھائی کے اس مراسلے کو میری طرف سے "زبردست" کا تمغہ پیش کردے۔

غزل والی پوسٹ پر تو اپنی طرف سے ریٹنگ دی ہے۔ آپ کی طرف سے ظہیر بھائی کے جواب پر زبردست کی ریٹنگ دے دی ہے۔

تابش بھائی کی طرز پر ہم نے بھی بھی آپ کی ریٹنگ پہنچا دی ہے۔

 

[محمداحمد]

عدم ادائیگی کی وجہ سے نہیں ۔۔۔۔ ادائیگی کی بہتات کی وجہ سے ۔۔۔

حُسن کو احتیاط لازم ہے
ہر نظر پارسا نہیں ہوتی

​