ہماری طرف سے انپیج اردو کے بہتر مستقبل کے لئے ایک تجویز!

[AxisSoft]

ایک تجویز! انپیج اوراردو کے بہتر مستقبل کے لئے​

السلام علیکم!

جہاں تک میں سمجھتا ہوں تو مجھے اپنے بارے میں بتانے کی ضرورت نہیں لیکن پھر بھی ایک نظر۔ میرا نام سید منظر ہے اور میں Axis SoftMedia Pvt. Ltd کا مینیجنگ ڈائرکٹرہوں جو کہ انپیج کے ڈیولپمنٹ کا کام اب دیکھ رہی ہے۔

ایک وقت تھا آج سے تقریبا 18 سال قبل جب ہم نے کبھی یہ سوچا بھی نہ تھا کہ ہم کبھی نستعلیق خط کو ڈیجیٹائزٹ کرپائیں گے اور پھراس کی شروعات نوری نستعلیق کی بنیاد سے ہوئی اور پھر یہ 18 سال کا لمبا سفر طے ہوا۔ آج جب کہ پوری دنیا ایک کمرے میں سمٹ کے آچکی ہے اور اس دورِ جدید میں انٹرنیٹ کے اس دورمیں تیزی کے ساتھ لوگ ایک دوسرے سے جڑ رہے ہیں اور ہرعام و خاص شخصیت اپنا ہنر دکھانے کو تیار ہے اور یہی وجہ ہے کہ جو بھی اوپین سورس کمیونیٹیز ہیں وہ تیزی کے ساتھ ڈیولپمینٹ کی راہ پر آج رواں دواں ہیں۔ اس نظریے کو نظراندازنا کرتے ہوئے ایکسس سافٹ نے اس بارے میں غور و فکرکیا اورانپیج اوراردو دونوں ہی کے بہترمستقبل کے لئے سوچا کہ کیوں نہ انپیج اردو کو اب GNU General Public License کے تحت ریلیز کیا جائے اورایک نئی بنیاد رکھی جائے۔ اس لائسنس کے تحت انپیج کا ڈیولپمنٹ اوپین سورس ہوگا اور ہرعام وخاص شخص کسی بھی طرح کی رائے جو اسکے ڈیولپمنٹ کو بہتر بنا سکے دے سکے گا۔ اس کے ساتھ ساتھ ہرکوئی بھی کسی طرح کی مدد چاہے وہ مالی ہو یا ڈیولپمنٹ سے جڑی ہو کرنے کا اختیار رکھے گا۔ اس لحاظ سے ہمارا ماننا ہے کہ انپیج کو بہتر سے بہتر بنایا جاسکے گا اور مستقبل قریب میں اس کو ایک نئی زندگی اورنئی پہچان دی جاسکے گی۔ یہ انپیج ہی کے لئے نا صرف بلکہ اردو زبان کے لئے بھی بہت فائدہ مند ثابت ہوگا اوران دونوں کے مستقبل کو اس دورِ جدید میں بہتر بنائے گا۔

ہماری اس تجویز کے بارے میں آپ محفلین کی کیا رائے ہے اوراس تجویزکو بہتر سے بہتر بنانے کے بارے میں آپ سبھی کا کیا کہنا ہے۔ ہم یہ جاننے کے بیحد خواہش مند ہیں۔

Sincerely Yours,
Axis SoftMedia Pvt. Ltd
Syed Manzar

 

[انیس الرحمن]

نبیل بھائی ابن سعید بھائی hackerspk شاکرالقادری بھائی

 

[سویدا]

بہت اچھی تجویز ہے

 

[زبیر حسین]

ایک تجویز! انپیج اوراردو کے بہتر مستقبل کے لئے​

السلام علیکم!

جہاں تک میں سمجھتا ہوں تو مجھے اپنے بارے میں بتانے کی ضرورت نہیں لیکن پھر بھی ایک نظر۔ میرا نام سید منظر ہے اور میں Axis SoftMedia Pvt. Ltd کا مینیجنگ ڈائرکٹرہوں جو کہ انپیج کے ڈیولپمنٹ کا کام اب دیکھ رہی ہے۔

ایک وقت تھا آج سے تقریبا 18 سال قبل جب ہم نے کبھی یہ سوچا بھی نہ تھا کہ ہم کبھی نستعلیق خط کو ڈیجیٹائزٹ کرپائیں گے اور پھراس کی شروعات نوری نستعلیق کی بنیاد سے ہوئی اور پھر یہ 18 سال کا لمبا سفر طے ہوا۔ آج جب کہ پوری دنیا ایک کمرے میں سمٹ کے آچکی ہے اور اس دورِ جدید میں انٹرنیٹ کے اس دورمیں تیزی کے ساتھ لوگ ایک دوسرے سے جڑ رہے ہیں اور ہرعام و خاص شخصیت اپنا ہنر دکھانے کو تیار ہے اور یہی وجہ ہے کہ جو بھی اوپین سورس کمیونیٹیز ہیں وہ تیزی کے ساتھ ڈیولپمینٹ کی راہ پر آج رواں دواں ہیں۔ اس نظریے کو نظراندازنا کرتے ہوئے ایکسس سافٹ نے اس بارے میں غور و فکرکیا اورانپیج اوراردو دونوں ہی کے بہترمستقبل کے لئے سوچا کہ کیوں نہ انپیج اردو کو اب GNU General Public License کے تحت ریلیز کیا جائے اورایک نئی بنیاد رکھی جائے۔ اس لائسنس کے تحت انپیج کا ڈیولپمنٹ اوپین سورس ہوگا اور ہرعام وخاص شخص کسی بھی طرح کی رائے جو اسکے ڈیولپمنٹ کو بہتر بنا سکے دے سکے گا۔ اس کے ساتھ ساتھ ہرکوئی بھی کسی طرح کی مدد چاہے وہ مالی ہو یا ڈیولپمنٹ سے جڑی ہو کرنے کا اختیار رکھے گا۔ اس لحاظ سے ہمارا ماننا ہے کہ انپیج کو بہتر سے بہتر بنایا جاسکے گا اور مستقبل قریب میں اس کو ایک نئی زندگی اورنئی پہچان دی جاسکے گی۔ یہ انپیج ہی کے لئے نا صرف بلکہ اردو زبان کے لئے بھی بہت فائدہ مند ثابت ہوگا اوران دونوں کے مستقبل کو اس دورِ جدید میں بہتر بنائے گا۔

ہماری اس تجویز کے بارے میں آپ محفلین کی کیا رائے ہے اوراس تجویزکو بہتر سے بہتر بنانے کے بارے میں آپ سبھی کا کیا کہنا ہے۔ ہم یہ جاننے کے بیحد خواہش مند ہیں۔

Sincerely Yours,
Axis SoftMedia Pvt. Ltd
Syed Manzar

اردو کمیونیٹی کی بہت ساری شکایات کا مداوا ہو جائے گا اور یقینی بات ہے کہ ان پیج کو اور زیادہ پذیرائی ملے گی۔

 

[سویدا]

مانیں یا نہ مانیں لیکن ان پیج بہرحال پہلی محبت کی طرح ہے ۔۔۔۔۔۔۔۔۔۔۔۔۔۔

ان لوگوں کے لیے ستانوے اٹھانوے کی دھائی سے کمپیوٹر اور اردو سے وابستہ ہیں

 

[متلاشی]

بہت اچھا اقدام ہے ۔۔۔۔! اور واقعی اس کے خاطر خواہ تنائج سامنے آئیں گے۔۔۔۔!

 

[ابن سعید]

یہ تو انتہائی خوش کن تجویز ہے اور اگر یہ حقیقت ہے تو آج کا دن اردو کے ڈیجیٹل دور کا ایک تاریخی دن قرار پانا چاہیے۔

اول اول تو اس تجویز اور ارادے پر ہماری جانب سے دلی مبارکباد قبول فرمائیں۔ اس کے بعد ہم چند سوالات اور تجاویز تحریر کرتے ہیں۔

ہم یہ مان لیتے ہیں کہ اس کو اوپن سورس کر کے گٹ ہب یا کسی دوسرے پبلک ریپوزیٹری میں ہوسٹ کر دیا جاتا ہے، اس کے بعد اس کی ڈیویلپمنٹ کی پیشوائی کون کرے گا؟
اگر کوئی ادارہ اس کی ڈیویلپنٹ کی پیشوائی کرتا ہے تو وہ اس سے کس حد تک اور کس انداز سے مالی منفعت کا مجاز ہوگا؟ یا دیگر الفاظ میں یہ کہ اس ادارے کا کوئی بزنس ماڈل ہوگا؟ (ویسے تو کوئی بھی اپنے تئیں کسٹمائزیشن کر کے اس کو بیچ سکے گا، تا حال کہ اپنی کسٹمائزیشن کو اوپن سورس رکھے۔)

اس میں ارکیٹیچر کے درجے پر کچھ تبدیلیاں درکار ہیں جن میں سب سے پہلی تبدیلی تو یہ ہونی چاہیے کہ اس کا کیریکٹر بیس ایک علیحدہ اینکوڈنگ کے بجائے پوری طرح یونیکوڈ ہو۔ جب ان پیج کا وجود ہوا اس وقت یونیکوڈ رواج میں نہیں تھا لیکن اب اس کو نہ اپنا کر صارفین کے متن کو ایک ایپلیکشن میں مقفل کرنے کا تاثر ملتا ہے۔ گو کہ یونیکوڈ کو ڈیفالٹ اینکوڈنگ بنانے سے فائلوں کا سائز قدرے بڑھ جائے گا کیوں کہ فی حرف زیادہ بائٹ استعمال ہوں گے لیکن اب اسٹوریج کوئی ایسا مسئلہ نہیں کہ اس کو یونیکوڈ کے بجائے ایک زبان کے لیے مخصوص کر کے آپٹیمائز کرکے ایک ایپلیکیشن کی اینکوڈنگ میں مقفل کیا جائے۔ اس طرح امپورٹ، ایکسپورٹ اور دنیا بھر کے کنورٹرز کی ضرورت ختم ہو جائے گی۔

متن کے مارک اپ کے لیے انڈسٹری اور خصوصاً اوپن انڈسٹری کے اسٹینڈرڈ کو اپنایا جائے تاکہ ان پیج کا ڈاکیومینٹ دیگر کئی ایڈیٹرز کے ساتھ کمپیٹبل ہو۔ بنیادی طور پر مارکپ اپ سے آزاد متن، مارک ڈاؤن، ایچ ٹی ایم ایل، اوپن ڈاکیومنٹ فارمیٹ، آفس اوپن ایکس ایم ایل، اوپن آفس ڈاٹ آرگ ایکس ایم ایل وغیرہ کی سپورٹ ہونی چاہیے۔ اس کے علاوہ اگر کچھ خصوصیات ان فارمیٹس میں نہ سموئے جا سکیں تو ان پیج کا مارک اپ اور فائل فارمیٹ ایک اسپیسیفیکیشن ڈاکیومنٹ کی صورت جاری کیا جانا چاہیے تاکہ دوسرے ایڈیٹرز چاہیں تو اس کو سپورٹ کر سکیں۔

اس میں پلگ ان سسٹم کی گنجائش ہونی چاہیے تاکہ ڈیویلپرز بنیادی ان پیج میں اضافی خصوصیات شامل کرنے کے مجاز ہوں۔

مزید باتیں وقت آنے پر، ان شاء اللہ!

 

[محمد یعقوب آسی]

ایک تجویز! انپیج اوراردو کے بہتر مستقبل کے لئے

محترمی جناب سید منظر صاحب! اِن پیج اپنی موجودہ اور اس سے پہلے کی صورتوں میں اپنے تمام تر ڈرابیکس کے باوجود میرے لئے ’’ترجیحاً پسندیدہ‘‘ رہا ہے۔ کی بورڈ تک یہ کیسے پہنچتا ہے اور اس کے پیچھے کیا ٹیکنیکی مہارتیں کارفرما ہوتی ہیں، اس بارے میں نہ مجھے کچھ علم ہے اور نہ میں کوئی مشورہ دے سکتا ہوں۔ تاہم اِن پیج کے ایک عام یوزر کے طور پر جہاں جہاں مجھے مسائل پیش آتے رہے ہیں (یا آ رہے ہیں) ان کا اجمالی ذکر کرنا لازم سمجھتا ہوں اور یہ بھی کہ مجھے اِن پیج سے کون کون سے تقاضے ہیں۔ آئندہ چند پوسٹوں میں کوشش کرتا ہوں۔

ٹیکنیکی اور دیگر معاملات اس میدان کے ماہرین بہتر طور پر سمجھ سکتے ہیں۔ بہت آداب۔

 

[محب علوی]

میں نے بھی اردو لکھنے کا آغاز ان پیج سے ہی کیا تھا اور اب تک لکھی ہوئی کئی غزلیں اور چند پوسٹس یاد ہیں۔

یقین نہیں ہو رہا مگر یہ خبر بہت خوشگوار ہے اور یقینا اس سے اردو کو کافی فائدہ پہنچے گا۔

 

[شاکرالقادری]

واقعی یہ ایک حیران کن اور خوشگوار خبر ہے۔ اگر ان پیج کو واقعی اوپن سورس کے طور پر متعارف کرایا جاتا ہے اور اسے جدید تقاضوں کے ساتھ ہم آہنگ کرنے کی اجتماعی کاوشیں عمل میں لائی جاتی ہیں تو یہ یقینا ایک انقلابی اقدام ہوگا اور ڈیسک ٹاپ پبلشنگ کی دنیا میں نئے امکانات سامنے آئیں گے۔ ہم اس تجویز کی بھرپور حمایت کرتے ہیں اور اگر ایسا ہو جاتا ہے تو ہم اگر اور کچھ نہ کر سکے تو اسے کے لیے خوبصورت خوبصورت فانٹ ضرور بنا کر پیش کرتے رہیں گے

 

[یوسف-2]

ماشاء اللہ یہ یقیناً ایک اچھی پیش رفت ہوگی۔ اللہ کرے کہ ایسا ہوجائے۔ میں بھی ان پیج کا ایک عام صارف ہوں اور گزشتہ ایک عشرہ سے اسے استعمال کر رہا ہوں۔

 

[پردیسی]

بہت دیر کی مہرباں آتے آتے
اچھی کوشش ہوگی۔اس سے آپ کو بھی اس ٹینشن سے نجات مل جائے گی کہ ہم نئی سیکورٹی ڈالتے ہیں اور یار لوگ اسے خاطر میں نہ لاتے ہوئے دوسرے دن ہی 25 روپے کی سی ڈی میں ڈال کر فٹ پاتھ پر سجا دیتے ہیں
محترم منظر برادر ۔۔ اوپن سورس میں کر دیں گے تو نام رہ جائے گا۔۔۔اور اگر نہ بھی کریں گے تو نقصان آپ کا اپنا ہی ہوگا۔۔۔مہینے میں پانچ دس انپیج بیچ کر بھلا کاروباری ادارے تو نہیں چلتے نا۔۔
ویسے بھی زیادہ سے زیادہ چار پانچ مہینوں بعد انپیج سے اچھا اوپن سورس سوفٹوئیر منظر عام پر آیا ہی چاہتا ہے۔

 

[حسن نظامی]

ویسے ان پیج والوں کو اچانک یہ خیال کیوں آگیا۔
اب تو ہماری اردو آزاد ہو چکی۔ اچھا ہے ان پیج بھی آزاد ہو جائے۔

 

[aladdin]

اس سے آپ کو بھی اس ٹینشن سے نجات مل جائے گی کہ ہم نئی سیکورٹی ڈالتے ہیں اور یار لوگ اسے خاطر میں نہ لاتے ہوئے دوسرے دن ہی 25 روپے کی سی ڈی میں ڈال کر فٹ پاتھ پر سجا دیتے ہیں
محترم منظر برادر ۔۔ اوپن سورس میں کر دیں گے تو نام رہ جائے گا۔۔۔ اور اگر نہ بھی کریں گے تو نقصان آپ کا اپنا ہی ہوگا۔۔۔ مہینے میں پانچ دس انپیج بیچ کر بھلا کاروباری ادارے تو نہیں چلتے نا۔

آپنے بالکل درست فرمایا۔ مجھے تو یقین ہی نہیں ہورہا اس خبر پر۔ خیر جو بھی ہو بات پوری طرح سے جائز ہے۔ ایسا کرنے سے واقعی بہت فائدہ ہوگا۔ اسی لئے یہ تجویز بالکل جائز ہے۔

ویسے ان پیج والوں کو اچانک یہ خیال کیوں آگیا۔ اب تو ہماری اردو آزاد ہو چکی۔ اچھا ہے ان پیج بھی آزاد ہو جائے۔

بدلتے وقت اورحالات کے مطابق جو اپنے آپ کو نہیں ڈھالتے انکا نام صفحہ ہستی سے مٹ جاتا ہے۔ اسی لئے یہ خیال سوجھا ہے۔ اور ویسے بھی انپیج کی عمراب 18 برس کی ہوچکی ہے اوریہ اب اپنے بلوغ کو پہنچ چکا ہے اس لئے اب یہ قانونی طور پرآزاد ہے۔

 

[باذوق]

فی الحال تو اس دھاگے میں میرا ایک سوال یہ ہے کہ ان پیج کے نوری نستعلیق فانٹ کو کب اوپن سورس کے تحت ریلیز کیا جائے گا؟

 

[عرفان الٰہی فاروقی]

یہ تو بہت ہی اچھی بات ہےاگر ایسا ہوجائے تو ،

 

[شاکرالقادری]

فی الحال تو اس دھاگے میں میرا ایک سوال یہ ہے کہ ان پیج کے نوری نستعلیق فانٹ کو کب اوپن سورس کے تحت ریلیز کیا جائے گا؟

مصدقہ اطلاع کے مطابق مرزا جمیل احمد صاحب نے ان پیج میں نوری نستعلیق کے آئندہ استعمال کو روک دیا ہے اور اب مرزا صاحب کو علوی نستعلیق اور جمیل نوری نستعلیق کی مفت تقسیم پر کوئی اعتراض نہیں ہے اس لیے نوری نستعلیق کو اوپن سورس فانٹ ہی تصور کیا جائے

 

[انعام جی]

مصدقہ اطلاع کے مطابق مرزا جمیل احمد صاحب نے ان پیج میں نوری نستعلیق کے آئندہ استعمال کو روک دیا ہے اور اب مرزا صاحب کو علوی نستعلیق اور جمیل نوری نستعلیق کی مفت تقسیم پر کوئی اعتراض نہیں ہے اس لیے نوری نستعلیق کو اوپن سورس فانٹ ہی تصور کیا جائے

شاکر القادری صاحب آپ کا فونٹ تو "نقیب انقلاب" ثابت ہو رہا ہے ایک طرف ان پیج والوں کی یہ مہربانی اور دوسری طرف مرزا احمد جمیل صاحب کے انقلابی اقدامات۔

یہ مفت اقدامی بے سبب نہیں غالب
کچھ تو یہ تاج کی بھی کرشمہ کاری ہے۔

 

[قیصرانی]

زبردست خبر ہے جناب۔ اللہ آپ کو جزائے خیر دے

 

[arifkarim]

بہترین تجویز تو یہی ہے کہ انپیج جلد از جلد مفت جاری کر دیا جائے۔ اردو ڈیسک ٹاپ پبلشنگ کمیونیٹی کو اور کیا چاہئے؟