ہم تم ہوں گے بادل ہوگا۔۔۔ مسعود ملک

[محسن حجازی]

اسلام آباد میں آج صبح جو ہم دفتر کے لیے نکلے تو ہائی وے پر بارش اور تیز سرد ہوا میں بھیگتے آئے۔ راستے میں جھومتے درختوں کو دیکھ کر یہ غزل یاد آئی
بہت پہلے کبھی بچپن میں ہم نے بلیک اینڈ وہائٹ ٹی وی پر سنی تھی۔ ہر گیت یا غزل کے ساتھ کچھ یادویں وابستہ ہوتی ہیں بہرطور اس غزل کے لیے ہم یہ سب پھر کبھی کے لیے اٹھا رکھتے ہیں۔

​

​

ہم تم ہوں گے بادل ہوگا​

رقص میں سارا جنگل ہو گا​

​

وصل کی شب اور اتنی کالی​

ان آنکھوں میں کاجل ہو گا​

​

کس نے کیا مہمیز ہوا کو​

شاید ان کا آنچل ہو گا​

​

پیار کی راہ پہ چلنے والو​

رستہ سارا دلدل ہو گا​

​

کیا ملنا فاروق سے لوگو​

ہوگا کوئی پاگل ہوگا​

​

فاروقی صاحب مقطع قابل غور ہے۔

 

[فرخ منظور]

جس نے کیا مہمیز ہوا کو
شاید ان کا آنچل ہوگا

 

[طالوت]

کیا خوب یاد دلایا محسن !
اچھی غزل ہے ، جب سنا کرتے تھے اس وقت سمجھ تو نہیں پاتے تھے تاہم سرکاری ٹی وی کے کارناموں میں ایک کارنامہ کہہ لیجیئے ۔۔۔ لیکن اب تو "کوا چلا ہنس کی چال اپنی چال بھی بھول گیا" کے مصداق سرکاری ٹی وی کا بیڑا غرق ہو رہا ہے ۔۔
وسلام

 

[فاروقی]

شکریہ حجازی صاحب ہماری پسندیدہ غزلوں میں سے ایک ہے.........بہت شکریہ

 

[فاتح]

واہ۔۔۔ کیا زمانہ یاد دلا دیا محسن صاحب۔ لیکن اس ظلم پر آپ کا شکریہ ادا نہیں کروں گا۔ یہ مسعود ملک کی گائی ہوئی شاید واحد خوبصورت غزل ہے۔ میرے پاس اس کی ایک آڈیو کیسٹ ہوا کرتی تھی۔

 

[تعبیر]

محسن مجھے بھی بچپن یاد دلا دیا
میں نے بھی یہ بچپن میں پی ٹی وی پر سنا ہے اور اسلام آباد میں ہی

 

[محسن حجازی]

بھئی آپ سب ہمارے ساتھ رہیں گے تو خوش رہیں گے

موصوف ہم سے پوچھے بنا ہی گانے نکل کھڑے ہوئے وگرنہ اصل غزل کچھ یوں ہے:

ہم تم ہوں گے پاگل ہوگا
وجد میں سارا جنگل ہوگا

ان کی محبوبہ اور اتنی کالی
کیا خبر تھی اتنا کاجل ہوگا

پکڑ لیا یوں کسی کا لاچا
شاید ان کا آنچل ہوگا

پھر صبح اک بدلی برسی
رستہ سارا دلدل ہوگا

کیا ملنا فاروقی سے لوگو
ہو گا کوئی پاگل ہو گا



خیر تفنن برطرف،
یہ گلوکار مسعود ملک ہیں یا مقصود ہیں؟
اور آنچل والے شعر میں جس کی بجائے مجھے تو کس سن رہا ہے شاید آڈیو کوالٹی کا مسئلہ ہے۔

 

[زینب]

اسلام آباد میں آج صبح جو ہم دفتر کے لیے نکلے تو ہائی وے پر بارش اور تیز سرد ہوا میں بھیگتے آئے۔ راستے میں جھومتے درختوں کو دیکھ کر یہ غزل یاد آئی
بہت پہلے کبھی بچپن میں ہم نے بلیک اینڈ وہائٹ ٹی وی پر سنی تھی۔ ہر گیت یا غزل کے ساتھ کچھ یادویں وابستہ ہوتی ہیں بہرطور اس غزل کے لیے ہم یہ سب پھر کبھی کے لیے اٹھا رکھتے ہیں۔

[

ہم تم ہوں گے بادل ہوگا
رقص میں سارا جنگل ہو گا

وصل کی شب اور اتنی کالی
ان آنکھوں میں کاجل ہو گا

کس نے کیا مہمیز ہوا کو
شاید ان کا آنچل ہو گا

پیار کی راہ پہ چلنے والو
رستہ سارا دلدل ہو گا

کیا ملنا فاروق سے لوگو
ہوگا کوئی پاگل ہوگا
[/center]

فاروقی صاحب مقطع قابل غور ہے۔

زبردست۔۔۔۔۔۔۔جب پی ٹی وی کے سوا کوئی اور نہیں ہوتا تھا تو لگتی تھی پی ٹی وی پے اور ہم بھی اس کی آواز اونچی کر کے سنا کرتے تھے۔۔۔۔۔اتنی زبردست چیز کہاں سے نکال لائے محسن۔۔۔۔۔۔۔۔

 

[فرخ منظور]

کس نے کیا مہمیز ہوا کو
شاید ان کا آنچل ہوگا

یہی ٹھیک ہے محسن میں نے غلط لکھ دیا تھا - بہت شکریہ!

 

[مغزل]

بہت خوب حجازی صاحب

 

[محسن حجازی]

پس ثابت ہوا مغل صاحب کے تالی چارہاتھوں سے بجتی ہے

 

[مغزل]

تو کیا آپ پانچ ہاتھوں سے بجاتے ہیں‌ ؟؟؟

 

[فاتح]

یہ گلوکار مسعود ملک ہیں یا مقصود ہیں؟

مسعود ملک

 

[محمداحمد]

بہت خوب غزل ہے اور بہت ہی اچھا گایا ہے اسے موصوف گلوکار نے۔ اور یہ واقعی Ptv کا تحفہ ہے ۔

 

[ملائکہ]

مجھے تو اچھی نہیں لگی ہے۔ایک تو جن انکل کی آواز ہے وہ 100 سال کے ہونگے ہی اور ویسے بھی مجھے غزلوں کو جو گا کر پڑھتے ہیں اچھی نہیں لگتی بہت کم غزلیں ہیں جو گائی گئی ہوں اور مجھے اچھی لگیں اور ہندوستان میں تو میرا خیال ہے ہر غزل گاکر ہی پڑھی جاتی ہے

 

[فاروقی]

کیا ملنا فاروقی سے لوگو
ہو گا کوئی پاگل ہو گا
[/COLOR][/B]

یہ ہم ہیں یا کوئی ہم جیسا..............

 

[محسن حجازی]

مجھے تو اچھی نہیں لگی ہے۔ایک تو جن انکل کی آواز ہے وہ 100 سال کے ہونگے ہی اور ویسے بی مجھے غزلوں کو جو گا کر پڑھتے ہیں اچھی نہیں لگتی بہت کم غزلیں ہیں جو گائی گئی ہوں اور مجھے اچھی لگیں اور ہندوستان میں تو میرا خیال ہے ہر غزل گاکر ہی پڑھی جاتی ہے

جن انکل؟؟
جن الٹی تحریر تو لکھتے ہیں سنا تھا کیا غزلیں بھی گاتے ہیںِ؟
ارے ابھی تو آپ نے ویڈیو نہیں دیکھی اس غزل کی کیا شال اوڑھے استاد جی غزل سرا ہوا کرتے تھے پی ٹی وی پر کہ بس! اس وقت ہمارے پیٹ میں سکول جانے کی خوف سے مروڑ اٹھ رہے ہوتے تھے

 

[نوید صادق]

اس غزل کے شاعر کا نام " فاروق روکھڑی" ہے۔
اسی غزل کا ایک شعر جو مسعود ملک نے گایا نہیں تھا

باتوں میں نادانی ہو گی
بھولا بھالا سانول ہو گا

 

[محسن حجازی]

پس ثابت ہوا کہ مسعود ملک صاحب اس قدر بھولے نہیں تھے۔
اب اللہ جانے کہاں گئے۔۔۔ فاروق روکھڑی اور مسعود ملک۔۔

 

[نوید صادق]

دونوں وفات پا چکے ہیں۔
یہ جو جنگ/نوائے وقت میں کبھی کبھی عائشہ مسعود ملک کالم لکھتی ہیں ۔ انہی مسعود کی زوجہ ہیں۔