ہم سے یہ زندگی بسر نہ ہوئی (بحرِ خفیف)

[نوید ناظم]

ہونی تو چاہیے تھی پر نہ ہوئی
ہم سے یہ زندگی بسر نہ ہوئی

شب عجب معجزہ ہوا یارو
غم کے ماروں پہ شب' سحر نہ ہوئی

دل کو کس بات پر خوشی ہو گی؟
اس کے آنے پہ بھی اگر نہ ہوئی

پیڑ اس شاخ سے خفا ہے اب
وہ جو بار آورِ ثمر نہ ہوئی

میرے مرنے پہ اس نے آنا تھا
شاید اس کو ابھی خبر نہ ہوئی

 

[نوید ناظم]

محترم سر الف عین
دیگر اساتذہء کرام

 

[عاطف ملک]

دل کو کس بات پر خوشی ہو گی؟
اس کے آنے پہ بھی اگر نہ ہوئی

واہ بہت خوب نوید بھائی!
بہت اچھی لگی یہ غزل۔
اصلاح سے قبل داد قبول کیجیے

 

[الف عین]

اچھی غزل ہے۔ بس پنجابی محاورے سے اجتناب کو میں تو بہتر سمجھتا ہوں، اسی طرح جیسے دکن کے محاوروں سے دور بھاگتا ہوں۔
اس نے آنا تھا، پنجابی اردو
اس کو آنا تھا۔ اہل زبان کی اردو

 

[ڈاکٹرعامر شہزاد]

شب عجب معجزہ ہوا یارو
غم کے ماروں پہ شب' سحر نہ ہوئی

دل کو کس بات پر خوشی ہو گی؟
اس کے آنے پہ بھی اگر نہ ہوئی

بہت خوب بھیا ۔ لاجواب اشعار ہیں ۔ ڈھیروں داد

 

[ڈاکٹرعامر شہزاد]

اس نے آنا تھا، پنجابی اردو
اس کو آنا تھا۔ اہل زبان کی اردو

انتہائی معلوماتی

 

[نوید ناظم]

اچھی غزل ہے۔ بس پنجابی محاورے سے اجتناب کو میں تو بہتر سمجھتا ہوں، اسی طرح جیسے دکن کے محاوروں سے دور بھاگتا ہوں۔
اس نے آنا تھا، پنجابی اردو
اس کو آنا تھا۔ اہل زبان کی اردو

بہت شکریہ سر۔۔۔۔
آئندہ اس محارے کا خیال رہے گا انشاءاللہ۔

 

[نوید ناظم]

بہت خوب بھیا ۔ لاجواب اشعار ہیں ۔ ڈھیروں داد

بڑی عنایت ڈاکٹر صاحب!

 

[نوید ناظم]

واہ بہت خوب نوید بھائی!
بہت اچھی لگی یہ غزل۔
اصلاح سے قبل داد قبول کیجیے

نوازش۔۔۔۔۔۔ آپ کا قلم بھی کافی تیز ہو گیا ہے آج کل ۔۔۔خوب لکھ رہے ہیں ماشاءاللہ۔