ہم پہ اترے ہیں الم اور طرح کے (فاعلاتن فعلاتن فعلاتن)

[نوید ناظم]

زندگی دیتی ہے غم اور طرح کے
جبکہ فطرت میں ہیں ہم اور طرح کے

اب خدائی کے تقاضے وہ نہیں تھے
سو تراشے ہیں صنم اور طرح کے

تم سمجھ پاؤ یہ ممکن بھی نہیں ہے
ہم پہ اترے ہیں الم اور طرح کے

مجھ کو درپیش سفر بھی تو الگ تھا
ہیں جو پاؤں میں ورم اور طرح کے

کربلا ہی سے تعلق ہے ہمارا
ہم پہ ہوتے ہیں کرم اور طرح کے

ہم نکلتے بھی تِری زلف سے کیسے
زلفِ پیچاں کے ہیں خم اور طرح کے

اب ستانے کی نئی راہ نکالو
اب کرو ہم پہ ستم اور طرح کے

 

[نوید ناظم]

محترم سر الف عین
دیگر اساتذہءِ کرام

 

[الف عین]

اچھی غزل ہے ماشاء اللہ ۔ اس شعر میں"تھے" مجھے کچھ درست نہیں لگ رہا۔

اب خدائی کے تقاضے وہ نہیں تھے
سو تراشے ہیں صنم اور طرح کے
"نہ رہے وہ" کیسا رہے گا؟

 

[نوید ناظم]

اچھی غزل ہے ماشاء اللہ ۔ اس شعر میں"تھے" مجھے کچھ درست نہیں لگ رہا۔

اب خدائی کے تقاضے وہ نہیں تھے
سو تراشے ہیں صنم اور طرح کے
"نہ رہے وہ" کیسا رہے گا؟

بہت شکریہ سر،
کیا خوبصورت تجویز ہے۔۔۔ مصرع اسی کے مطابق کر دیا۔

"اب خدائی کے تقاضے نہ رہے وہ"

 

[La Alma]

عمدہ.

 

[نوید ناظم]

عمدہ.

شکریہ۔

 

[ہادیہ]

ماشاءاللہ۔۔ بہت بہت اعلٰی ۔۔لاجواب

 

[عبد الرحمٰن]

کربلا ہی سے تعلق ہے ہمارا
ہم پہ ہوتے ہیں کرم اور طرح کے

لاجواب

 

[نوید ناظم]

ماشاءاللہ۔۔ بہت بہت اعلٰی ۔۔لاجواب

بہت شکریہ، ذوق سلامت رہے!

 

[نوید ناظم]

لاجواب

مہربانی!

 

[انجینئر خادم بھائی]

کیا خوب ۔ بہت اعلی

 

[نوید ناظم]

کیا خوب ۔ بہت اعلی

نوازش.